మలయాళ స్టార్ మోహన్ లాల్ నటించిన బంగారు ఆభరణాల ప్రకటన నెట్టింట వైరల్గా మారింది. డైలాగ్ లేకుండా, కేవలం తన అద్భుతమైన నటనతో ప్రేక్షకులను ఆకట్టుకున్నారు.
Key Points
మోహన్ లాల్ నటించిన బంగారు ఆభరణాల ప్రకటన వైరల్గా మారింది.
డైలాగ్ లేకుండా, కేవలం హావభావాలతో ఆకట్టుకున్నారు.
నగల యాడ్స్లో హీరోయిన్లే కావాలో చర్చ జరుగుతోంది.
మోహన్ లాల్ నటనకు నెటిజన్లు ప్రశంసలు కురిపిస్తున్నారు.
మోహన్ లాల్ యాడ్ వైరల్
మలయాళ టాప్ హీరో మోహన్ లాల్ నటనకు ప్రేక్షకుల నుంచే కాకుండా విమర్శకుల కూడా ప్రశంసలు కురిపిస్తారు . మరోసారి తనను భారతీయ సినిమా చరిత్రలో అత్యుత్తమ నటుడిగా ఎందుకు భావిస్తున్నారో నిరూపించుకున్నారు. తాజాగా ఆయన నటించిన బంగారు ఆభరణాల ప్రకటన నెట్టింట వైరల్ అవుతుంది . సాధారణంగా బంగారు అభరణాలకు సంబంధించిన యాడ్స్ లలో హీరోయిన్లు ఎక్కువగా కనిపిస్తారు . అయితే , ఈ దిగ్గజ నటుడు కనీసం ఒక్క డైలాగ్ కూడా లేకుండా ప్రేక్షకులను మెప్పించాడు . కేవలం తన నటనతోనే ఆశ్చర్యపరిచాడు. ఈ వాణిజ్య ప్రకటనలో పూర్తిగా అతని కళ్ళు, హావభావాలు మాత్రమే పలికించాడు . అదరహో అనిపించేలా మోహన్ లాల్ కనిపిస్తాడు .
డైలాగ్ లేని నటన
‘తుడరుమ్’ చిత్రంలో మోహన్ లాల్ తో కలిసి నటించిన, ప్రఖ్యాత యాడ్ ఫిల్మ్ మేకర్ ప్రకాష్ వర్మ దర్శకత్వం వహించిన ఈ వాణిజ్య ప్రకటన 110 సెకన్ల నిడివితో ఉంది . మోహన్ లాల్ కారు దిగగానే .. సెట్ లో ఉన్న ప్రకాష్ స్వాగతం పలుకుతాడు . ‘ మేము దీనిని ఫ్యాషన్ ఫోటోగ్రఫీ శైలిలో చిత్రీకరించాము ‘ అంటూ మోడల్ శివానీని మోహనల్ లాక్ కు పరిచయం చేస్తాడు . యాడ్ కోసం ఆమె ధరించిన వజ్రాల ఆభరణాన్ని ఎవరికీ చెప్పకుండా మోహన్ లాల్ తీసుకుని తన వానిటీ వ్యాన్ లోకి తీసుకెళ్తాడు . అద్దం ముందు నిలబడి తన మెడలో వజ్రాల అభరణాన్ని ఆయన ధరిస్తాడు . ఆ సమయంలో ఆయన పలికించే హావభావాలు అందరినీ ఆకట్టుకుంటాయి .
నెటిజన్ల ప్రతిస్పందన
ఇలా కేవలం మోహన్ లాల్ మాత్రమే నటించగలరని నెటిజన్లు అభినందిస్తున్నారు . నగలకు సంబంధించిన వాణిజ్య ప్రకటనలలో హీరోయిన్లే కనిపించాలా ఏంటి … ? అంటూ మరోకరు చెప్పుకొచ్చారు . ఇలా స్త్రీ హావభావాలు పలికించడం చాలా కష్టం .. కానీ , మోహన్ లాల్ చాలా సులువుగా మెప్పించారు . దటీజ్ మోహన్లాల్ అంటూ కామెంట్లు పెడుతున్నారు. అందుకే ఆయన జాతీయ నటుడు అయ్యారు అంటూ ప్రసంశలు కురిపిస్తున్నారు .
మోహన్ లాల్ యాడ్ ప్రేక్షకులను ఆకట్టుకున్న విధానం, నగల ప్రకటనలలో హీరోయిన్ల పాత్రపై చర్చను రేకెత్తిస్తోంది. నటుడి నటనకు ప్రశంసలు అందుకుంటున్నాయి.
