జీ5 ఓటీటీలో విడుదలైన మోతెవరి లవ్ స్టోరీ వెబ్ సిరీస్కు మంచి ఆదరణ లభిస్తోంది. ఈ సిరీస్ షూటింగ్లో పాల్గొన్న కెమెరామెన్ శ్రీకాంత్ అరుపుల, హీరో అనిల్ గీలా గురించి ఆసక్తికరమైన విషయాలు వెల్లడించారు.
Key Points
మోతెవరి లవ్ స్టోరీ వెబ్ సిరీస్ ఓటీటీలో విడుదలైంది.
కెమెరామెన్ శ్రీకాంత్ అరుపుల, అనిల్ గీలా తదితరులు కష్టపడి పనిచేశారని తెలిపారు.
సిరీస్ విజయవంతం కావాలని నిర్మాతలు, నటీనటులు ఆశిస్తున్నారు.
జీ5 ఓటీటీలో టాప్ 1 ట్రెండింగ్లో ఉంది.
మోతెవరి లవ్ స్టోరీ విడుదల
ఓటీటీలో ఇటీవల తెలుగు ఒరిజినల్ కంటెంట్ సినిమాలు, వెబ్ సిరీస్లు విపరీతంగా వచ్చేస్తున్నాయి. ఈ క్రమంలోనే రీసెంట్గా ఓటీటీ స్ట్రీమింగ్కు వచ్చిన తెలుగు కామెడీ వెబ్ సిరీస్ మోతెవరి లవ్ స్టోరీ. స్వచ్చమైన తెలంగాణ గ్రామీణ నేపథ్యంతో ఈ సిరీస్ను తెరకెక్కించారు.
మై విలేజ్ షో సిరీస్ ఫేమ్ అనిల్ గీలా , వర్షిణి రెడ్డి జున్నుతుల హీరో హీరోయిన్లుగా నటించిన మోతెవరి లవ్ స్టోరీ ఓటీటీ వెబ్ సిరీస్లో సదన్న, మురళిధర్ గౌడ్, రవి చంద్ర, రాజు తదితరులు ఇతర కీలక పాత్రలు పోషించారు. ఈ సిరీస్కు శివ కృష్ణ బుర్రా దర్శకత్వం వహించారు.
చరణ్ అర్జున్ సంగీతం అందించిన మోతెవరి లవ్ స్టోరీ కి శ్రీకాంత్ అరుపుల కమెరామెన్గా పని చేశారు. ఇదిలా ఉంటే, ఓటీటీ రిలీజ్కు ముందు రోజు మోతెవరి లవ్ స్టోరీ మెగా ప్రివ్యూ ఈవెంట్ నిర్వహించారు. మొదటి 4 ఎపిసోడ్స్ ఓటీటీ స్ట్రీమింగ్ చేసిన ఈ ఈవెంట్లో కెమెరామెన్ శ్రీకాంత్ అరుపుల ఇంట్రెస్టింగ్ కామెంట్స్ చేశారు.
కెమెరామెన్ శ్రీకాంత్ అరుపుల వ్యాఖ్యలు
శ్రీకాంత్ అరుపుల మాట్లాడుతూ .. “పగలు రాత్రి తేడా లేకుండా ఈ సిరీస్ కోసం అందరం పని చేశాం. అనిల్, శివ, నేను ముగ్గురం గత వారం నుంచి నిద్ర కూడా పోవడం లేదు. ఈ స్టోరీతో మేమంతా కనెక్ట్ అయిపోయాం. ఎలాగైనా సరే విజయం సాధించాలని కసితో పని చేశాం” అని అన్నారు.
“మాకు ఈ అవకాశం ఇచ్చిన మధుర శ్రీధర్ గారికి, జీ5 ఓటీటీ టీంకు థాంక్స్. మా సిరీస్ కోసం పని చేసిన ప్రతీ ఒక్కరికీ థాంక్స్. చరణ్ అర్జున్ అన్న ఇచ్చిన పాటలు, ఆర్ఆర్కు కంటతడి వచ్చేసింది. మా అనిల్ ఇంకా పెద్ద హీరో అవుతాడు” అని కెమెరామెన్ శ్రీకాంత్ అరుపుల తెలిపారు.
ఇదే ఈవెంట్లో హీరోయిన్ వర్షిణి మాట్లాడుతూ .. “నాకు ఇంత మంచి పాత్రను ఇచ్చిన శివన్నకు థాంక్స్. మా అందరినీ బాగా చూపించిన శ్రీకాంత్ అన్నకి థాంక్స్. అనిల్తో సరదాగా షూటింగ్ చేశాను. ఆగస్ట్ 8న మా సిరీస్ జీ5 రాబోతోంది. అందరూ చూడండి” అని అన్నారు.
నటీనటుల అభిప్రాయాలు
నటుడు సదన్న మాట్లాడుతూ .. “నన్ను నమ్మి మంచి పాత్రను ఇచ్చిన శివ, అనిల్కు థాంక్స్. మధుర శ్రీధర్, శ్రీకాంత్, జీ5 టీంకు థాంక్స్. ఈ సిరీస్ మరింతగా సక్సెస్ అవ్వాలని, అందరినీ మరింతగా ఆకట్టుకోవాలని కోరుకుంటున్నాను” అని తెలిపారు.
కాగా, ఆగస్ట్ 8 నుంచి జీ5లో మోతెవరి లవ్ స్టోరీ ఓటీటీ స్ట్రీమింగ్ అవుతోంది. జీ5 ఓటీటీ ఒరిజినల్ సిరీస్గా వచ్చిన మోతెవరి లవ్ స్టోరీ ట్రెండింగ్లో దూసుకుపోతోంది. జీ5లో టాప్ 1 స్థానంలో మోతెవరి లవ్ స్టోరీ ఓటీటీ ట్రెండింగ్ అవుతోంది.
మొత్తం మీద, మోతెవరి లవ్ స్టోరీ సిరీస్పై అందరిలోనూ అంచనాలు పెరిగాయి. జీ5 లో ఈ సిరీస్కు మంచి ఆదరణ లభిస్తోంది.
