టాలీవుడ్లో మరో క్యాస్టింగ్ కౌచ్ ఘటన వెలుగులోకి వచ్చింది. మోడల్గా, నటిగా పనిచేస్తున్న మౌనీషా చౌదరి, తనకు ఓ దర్శకుడు చేసిన అనుచిత ప్రవర్తన గురించి వెల్లడించింది. ఆమె అనుభవం ఇండస్ట్రీలోని చేదు వాస్తవాలను చూపుతుంది.
Key Points
మౌనీషా చౌదరి తనకు ఓ దర్శకుడు చేసిన అనుచిత ప్రవర్తనను వెల్లడించింది.
ఆ దర్శకుడు ఆమె తొడల కొలతల గురించి అడిగి ఇబ్బంది పెట్టాడని ఆమె తెలిపింది.
ప్రస్తుతం ఆ దర్శకుడు స్టార్ దర్శకుడిగా ఎదిగాడు.
మౌనీషా చౌదరి 'మిస్ ఆసియా ఉతా' టైటిల్ విజేత మరియు మంచు విష్ణుతో కలిసి 'కన్నప్ప' టూర్లో పాల్గొంది.
మౌనీషా చౌదరి అనుభవం
తెలుగు సినిమా ఇండస్ట్రీ.. పైకి కనిపించేంత అందంగా అయితే ఉండదు. ఎప్పటికప్పుడు పలువురు యంగ్ హీరోయిన్లు, యువతులు.. తమకు ఎదురైన చేదు అనుభవాల్ని బయటపెడుతుంటారు. శారీరకంగా ఎంతలా ఇబ్బంది పడ్డామనే విషయాన్ని చెబుతుంటారు. ఇప్పుడు కూడా మోడల్ కమ్ నటి అయిన మౌనీషా చౌదరి.. ఓ తెలుగు దర్శకుడి వల్ల తాను ఇబ్బంది పడిన విషయాన్ని బయటపెట్టింది. తాజాగా ఓ ఇంటర్వ్యూలో మాట్లాడుతూ దీని గురించి పంచుకుంది.
‘టాలీవుడ్కి చెందిన ఓ దర్శకుడు.. నాకు ఫోన్ చేసి ఆయన తీస్తున్న సినిమాలో నటించమని కోరాడు. అవకాశం ఇస్తానని కూడా చెప్పాడు. నాకు ఆ మూవీలో నటించడం ఇష్టం లేదు. ఇదే ఆయనకు చెప్పినా సరే వినకుండా నా తొడల సైజ్(కొలతల) గురించి అడిగి ఇబ్బంది పెట్టాడు. అసలు సినిమా అవకాశానికి, దానికి సంబంధం ఏంటి? ప్రస్తుతం ఆ దర్శకుడు స్టార్ అయిపోయాడు. పెద్ద పెద్ద యాక్టర్స్తో మూవీస్ చేస్తున్నాడు’ అని మౌనీషా చౌదరి చెప్పుకొచ్చింది.
దర్శకుడి అసభ్యకర ప్రవర్తన
మోడల్గా గుర్తింపు తెచ్చుకున్న మౌనీషా చౌదరి.. ప్రస్తుతం అమెరికాలోని ఉతాలో ఉంటుంది. 2016లో ‘మిస్ ఆసియా ఉతా’గా కిరీటం గెలుచుకుంది. స్నో అక్కగా గుర్తింపు తెచ్చుకున్న ఈమెకు ఇన్ స్టాలో మంచి ఫాలోయింగ్ ఉంది. రీసెంట్గానే అమెరికా వెళ్లిన మంచు విష్ణుతో కలిసి ‘కన్నప్ప’ టూర్లో పాల్గొంది. సినిమాను ప్రమోట్ కూడా చేసింది. అలాంటి ఈమె.. తనకెదురైన క్యాస్టింగ్ కౌచ్ అనుభవాన్ని బయటపెట్టింది. కానీ సదరు దర్శకుడు పేరేంటి అనేది మాత్రం చెప్పలేదు.
ప్రస్తుత పరిస్థితి
చివరగా, మౌనీషా చౌదరి తన అనుభవాన్ని బయటపెట్టడం ద్వారా ఇండస్ట్రీలోని సమస్యలను వెలుగులోకి తెచ్చింది. ఈ విషయంపై సరైన చర్యలు తీసుకోవడం అవసరం.
