మాలీవుడ్లో కల్యాణి ప్రియదర్శన్ నటిస్తున్న ‘కొత్త లోక: చాప్టర్ 1’ సినిమా బాక్సాఫీస్ వద్ద సంచలనం సృష్టిస్తోంది. ఇప్పటికే రూ.294 కోట్లు వసూలు చేసి రూ.300 కోట్ల మార్క్కు చేరువలో ఉంది. ఈ విజయానందంలో హీరోయిన్ కల్యాణి ప్రియదర్శన్ సినిమాటోగ్రాఫర్ నిమిష్ రవికి రూ.9.8 లక్షల విలువైన లగ్జరీ వాచ్ను బహుమతిగా ఇచ్చింది.
Key Points
కల్యాణి ప్రియదర్శన్ నటించిన 'కొత్త లోక: చాప్టర్ 1' మాలీవుడ్లో రూ.294 కోట్లు వసూలు చేసింది.
మలయాళ సినీ చరిత్రలో అత్యధిక వసూళ్లు రాబట్టిన చిత్రంగా ఇప్పటికే రికార్డుకెక్కింది.
త్వరలోనే ఈ చిత్రం రూ.300 కోట్ల క్లబ్లో చేరనుంది.
సినిమాటోగ్రాఫర్ నిమిష్ రవికి రూ.9.8 లక్షల విలువైన లగ్జరీ వాచ్ను కల్యాణి ప్రియదర్శన్ బహుమతిగా ఇచ్చింది.
కొత్త లోక: బాక్సాఫీస్ సంచలనం
హీరోయిన్ కల్యాణి ప్రియదర్శన్ మాలీవుడ్లో సెన్సేషన్గా మారింది. ఆమె ప్రధాన పాత్రలో నటించిన కొత్త లోక: చాప్టర్ 1 బాక్సాఫీస్ వద్ద అద్భుతాలు సృష్టిస్తోంది. మలయాళ సినీ చరిత్రలో అత్యధిక వసూళ్లు రాబట్టిన చిత్రంగా ఇప్పటికే రికార్డుకెక్కింది. ఇప్పటివరకు రూ.294 కోట్లు అందుకున్న ఈ మూవీ త్వరలోనే రూ.300 కోట్ల క్లబ్లో చేరనుంది. అరుణ్ దర్శకత్వం వహించిన ఈ చిత్రాన్ని దుల్కర్ సల్మాన్ నిర్మించారు. జేక్స్ బిజాయ్ సంగీతం అందించగా నిమిష్ రవి ( Nimish Ravi ) సినిమాటోగ్రాఫర్గా వ్యవహరించాడు.
రూ.300 కోట్ల మార్క్కు చేరువలో
చేతి గడియారం తాజాగా నిమిష రవికి కల్యాణి ప్రియదర్శన్ ఖరీదైన బహుమతినిచ్చింది. రూ.9.8 లక్షల విలువైన చేతి గడియారాన్ని కానుకగా ఇచ్చింది. ఈ వాచ్ను ధరించిన రవి.. ఈమేరకు ఓ ఫోటో షేర్ చేశాడు. ప్రియమైన కల్యాణి, ఈ కానుక ఇచ్చినందుకు థాంక్యూ సో మచ్.. ఎప్పుడూ కష్టపడి పనిచేస్తే ఫలితం దానంతటదే వస్తుందనడానికి లోక సినిమాయే నిదర్శనం. వాచ్ చూసుకున్నప్పుడల్లా ఈ లైన్ గుర్తు చేసుకుంటూ ఉంటాను. నిజమైన హార్డ్ వర్క్కు ఇదొక బహుమానం అని రాసుకొచ్చాడు.
సినిమాటోగ్రాఫర్కు ఖరీదైన బహుమతి
‘కొత్త లోక’ సినిమా విజయం మాలీవుడ్లో కొత్త అధ్యాయాన్ని సృష్టించింది. ఈ విజయం టీం అందరికీ ఆనందాన్ని పంచుతుండగా, కల్యాణి ప్రియదర్శన్ ఇచ్చిన ప్రత్యేక బహుమతితో సినిమాటోగ్రాఫర్ నిమిష్ రవి ఆనందం వ్యక్తం చేశారు. ఇది కష్టానికి దక్కిన నిజమైన బహుమానంగా నిలిచింది.
