📌 Key Points
- నాగచైతన్య, సాయి పల్లవిల ‘లవ్ స్టోరీ’ ఫిబ్రవరి 14న రీ-రిలీజ్!
- శేఖర్ కమ్ముల దర్శకత్వంలో 2021లో విడుదలై బ్లాక్ బస్టర్ అయిన చిత్రం ఇది.
- రీ-రిలీజ్పై నాగచైతన్య ఆనందం వ్యక్తం చేస్తూ.. వేడుక చేసుకోవడానికి సిద్ధమన్నాడు.
- వాలెంటైన్స్ డే సందర్భంగా యూత్ మరోసారి ‘లవ్ స్టోరీ’ని ఎంజాయ్ చేసే అవకాశం!
టాలీవుడ్ లవ్ బర్డ్స్ నాగచైతన్య మరియు సాయి పల్లవి నటించిన సూపర్ హిట్ చిత్రం ‘లవ్ స్టోరీ’ మళ్ళీ థియేటర్లలో సందడి చేయడానికి సిద్ధంగా ఉంది. ఈ చిత్రం ఫిబ్రవరి 14న రీ-రిలీజ్ అవుతున్న సందర్భంగా అభిమానుల్లో భారీ అంచనాలు నెలకొన్నాయి.
ఫిబ్రవరి 14న ‘లవ్ స్టోరీ’ రీ-రిలీజ్!
టాలీవుడ్లో గత కొంతకాలంగా రీ-రిలీజ్ సినిమాల హవా కొనసాగుతోంది. ఒకప్పటి కల్ట్ క్లాసిక్ చిత్రాలను, బ్లాక్ బస్టర్ హిట్లను ప్రేక్షకులు మళ్లీ వెండితెరపై చూస్తూ సందడి చేస్తున్నారు. అయితే ఇటీవల రీ-రిలీజ్ అయిన కొన్ని చిత్రాలకు ఆశించిన స్థాయిలో స్పందన లభించకపోయినప్పటికీ, ఈ ట్రెండ్కు మాత్రం బ్రేకులు పడటం లేదు. ఈ క్రమంలోనే వచ్చే నెలలో జరుపుకోనున్న ‘ప్రేమికుల దినోత్సవం సందర్భంగా ప్రేక్షకులకు ఒక మధురమైన అనుభూతిని పంచేందుకు మరో సూపర్ హిట్ సినిమా సిద్ధమైంది. అక్కినేని నాగచైతన్య(Akkineni Naga Chaitanya), నేచురల్ బ్యూటీ సాయి పల్లవి (Sai Pallavi)జంటగా నటించిన ఫీల్ గుడ్ ఎంటర్టైనర్ ‘లవ్ స్టోరీ'(Love Story)ని ఫిబ్రవరి 14న రీ-రిలీజ్ చేస్తున్నట్లు చిత్ర బృందం అధికారికంగా ప్రకటించింది.
శేఖర్ కమ్ముల దర్శకత్వంలో తెరకెక్కిన ఈ చిత్రం 2021లో కరోనా సెకండ్ వేవ్ తర్వాత థియేటర్లకు వచ్చి పూర్వవైభవం తీసుకొచ్చింది. అప్పట్లో తక్కువ టికెట్ ధరలు, లిమిట్ పెట్టినప్పటికీ బాక్సాఫీస్ వద్ద ఘన విజయం సాధించి, నాగచైతన్య కెరీర్లో వన్ ఆఫ్ ది బిగ్గెస్ట్ హిట్గా నిలిచింది. ఈ సినిమా రీ-రిలీజ్పై నాగచైతన్య సోషల్ మీడియా వేదికగా స్పందిస్తూ తన సంతోషాన్ని పంచుకున్నారు. ‘‘నా హృదయానికి ఎంతో దగ్గరైన ‘లవ్ స్టోరీ’ మళ్లీ థియేటర్లలోకి వస్తోంది. దీని కోసం నేను చాలా ఉత్సాహంగా ఎదురుచూస్తున్నాను, మీ అందరితో కలిసి మళ్లీ సెలబ్రేట్ చేసుకోవాలనుంది’’ అని రాసుకొచ్చాడు. వాలెంటైన్స్ డే నాడు విడుదలవుతుండటంతో, యువత ఈ మ్యూజికల్ బ్లాక్ బస్టర్ను మరోసారి ఎంజాయ్ చేసేందుకు ఆసక్తిగా ఉన్నారు.
చైతూ, సాయి పల్లవిల మ్యాజిక్ మళ్ళీ చూడొచ్చు!
సోషల్ మీడియాలో నాగచైతన్య ఎక్సైటింగ్ పోస్ట్ వైరల్!
నాగచైతన్య ‘లవ్ స్టోరీ’ రీ-రిలీజ్తో అభిమానుల్లో జోష్ నింపుతున్నారు. వాలెంటైన్స్ డేకి ఇది ఒక స్పెషల్ ట్రీట్ కానుంది. మరిన్ని అప్డేట్స్ కోసం చూస్తూ ఉండండి.
