📌 Key Points
- నాగార్జున, త్రివిక్రమ్ కాంబో మిస్ అవ్వడానికి కారణం ఆ స్టార్ డైరెక్టరేనట – షాకింగ్ న్యూస్!
- విజయ్ భాస్కర్ సూచనతోనే నాగార్జునతో ‘మన్మథుడు’ సినిమా చేయాలనుకున్న త్రివిక్రమ్!
- తొలి సినిమాతోనే నాగార్జునను డైరెక్ట్ చేయడం కష్టమని తరుణ్తో ‘నువ్వే నువ్వే’ చేసిన త్రివిక్రమ్.
- ‘నువ్వే నువ్వే’ సినిమాతో దర్శకుడిగా త్రివిక్రమ్కి బ్రేక్ ఇచ్చిన విజయ్ భాస్కర్!
టాలీవుడ్ లో ఒక సంచలనం! నాగార్జున, త్రివిక్రమ్ కాంబినేషన్లో సినిమా మిస్ అయిందనే వార్త ఇప్పుడు వైరల్ అవుతోంది. అసలు వీరి కలయిక ఎందుకు జరగలేదో తెలుసుకుందాం!
త్రివిక్రమ్ సినీ ప్రస్థానం ఎలా మొదలైందో తెలుసా?
నాగార్జున చాలా మంది దర్శకులతో పనిచేశారు. ఎంతో మంది దర్శకులను ఇండస్ట్రీకి పరిచయం చేశారు. దర్శకులు, హీరోలు, హీరోయిన్లు, ఆర్టిస్టులు ఇలా చాలా మందికి లైఫ్ ఇచ్చారు. అయితే కొంత మంది దర్శకులతో మాత్రం ఆయన పనిచేయలేదు. స్టార్ డైరెక్టర్లతోనూ వర్క్ చేయలేకపోయారు. అలా త్రివిక్రమ్తోనూ పనిచేయలేదు నాగ్. కాకపోతే వీరిద్దరి కాంబినేషన్లో సినిమా మిస్ అయ్యింది. నిజానికి త్రివిక్రమ్ని పరిచయం చేయాల్సింది కూడా నాగార్జుననే. కానీ మరో స్టార్ డైరెక్టర్ వల్ల అది సెట్ కాలేదు.
త్రివిక్రమ్ శ్రీనివాస్.. రైటర్గా కెరీర్ని ప్రారంభించారు. చాలా స్ట్రగుల్ అయిన ఆయన `స్వయంవరం` చిత్రంతో వెండితెరకు రైటర్గా పరిచయం అయ్యారు. ఓ రకంగా త్రివిక్రమ్కి దర్శకుడు విజయ్ భాస్కర్ లైఫ్ ఇచ్చారని చెప్పొచ్చు. వరుసగా ఆయన సినిమాలకు పనిచేశారు మాటల మాంత్రికుడు. ఇంకా చెప్పాలంటే త్రివిక్రమ్ కథలతోనే ఎక్కువగా సినిమాలు చేశారు విజయ్ భాస్కర్. వీరి కాంబినేషన్లో వచ్చిన చాలా సినిమాలు మంచి విజయాలు సాధించాయి.
నాగార్జునతో సినిమా ఎందుకు మిస్ అయిందో తెలుసా?
ఈ క్రమంలో అప్పటి వరకు రైటర్గానే ఉన్న త్రివిక్రమ్ దర్శకుడిగా మారాలనుకున్నారు. ఆయన వద్ద రెండు కథలున్నాయి. దర్శకుడు విజయ్ భాస్కర్ నెక్ట్స్ ఏం సినిమా చేయాలనుకున్నప్పుడు ఈ రెండు కథలు చెప్పారు. అయితే వీటిని తానే దర్శకుడిగా చేయాలనుకున్నారు త్రివిక్రమ్. నెమ్మదిగా తన మనసులో మాటని వ్యక్తం చేశారు. దర్శకుడిగా మారి సినిమా చేయాలనుకుంటున్న అని చెప్పడంతో విజయ భాస్కర్ కూడా ఓకే చెప్పారట.
అయితే మన్మథుడు కథని తాను చేయాలనుకున్నాడట త్రివిక్రమ్. దాన్ని నాగార్జునతో చేశారు. ఈ కథకి నాగార్జున సెట్ అవుతారని చెప్పి విజయ్ భాస్కర్ చెప్పడంతో ఆయన్ని కలిసి కథ వినిపించారు. నాగ్ కూడా వెంటనే ఓకే చెప్పారు. అయితే త్రివిక్రమ్ తన తొలి సినిమానే అంత పెద్ద హీరోని డీల్ చేయడం కష్టమని భావించారు. ఈ క్రమంలో మరో కథని తరుణ్తో చేయాలనుకున్నారు. ఆ సినిమాని త్రివిక్రమ్ చేయమని చెప్పాడట విజయ్ భాస్కర్. అలా తరుణ్తో త్రివిక్రమ్ సినిమా చేశారు. అలా నాగార్జునతో సినిమా మిస్ అయ్యింది. మళ్లీ వీరిద్దరు ఎప్పుడూ కలిసి పనిచేయలేదు.
విజయ్ భాస్కర్, త్రివిక్రమ్ కాంబినేషన్ సక్సెస్ సీక్రెట్ ఏంటి?
తరుణ్, త్రివిక్రమ్ కాంబినేషన్లో వచ్చిన చిత్రమే `నువ్వే నువ్వే`. ఇది పెద్ద హిట్ అయ్యింది. దర్శకుడిగా త్రివిక్రమ్ని నిలబెట్టింది. ఇందులో తరుణ్కి జోడీగా శ్రియా నటించింది. ప్రకాష్ రాజ్ కీలక పాత్ర పోషించారు. 2002లో విడుదలై ఆకట్టుకుంది. ఈ మూవీ త్రివిక్రమ్కి లైఫ్ ఇచ్చిందని చెప్పొచ్చు. ఆ తర్వాత మూడేళ్లకి మహేష్ బాబుతో `అతడు` సినిమా చేశాడు త్రివిక్రమ్. `జల్సా`, `ఖలేజా`, `జులాయి`, `అత్తారింటికి దారేది`, `సన్నాఫ్ సత్యమూర్తి`, `అ ఆ`, `అజ్ఞాతవాసి`, `అరవింద సమేత`, `అల వైకుంఠపురములో`, `గుంటూరు టాకీస్` వంటి చిత్రాలు చేశారు. స్టార్ డైరెక్టర్గా రాణిస్తున్నారు. ఇప్పుడు వెంకటేష్తో తొలిసారి వర్క్ చేస్తూ `ఆదర్శకుటుంబం` అనే చిత్రాన్ని రూపొందిస్తున్నారు.
ఇలా నాగార్జున, త్రివిక్రమ్ కాంబినేషన్ మూవీ మిస్ అయింది. దీని గురించి మరింత సమాచారం కోసం చూస్తూ ఉండండి. మరిన్ని అప్డేట్స్ కోసం వేచి ఉండండి.
