📌 Key Points
- నవీన్ పొలిశెట్టి ‘అనగనగా ఒక రాజు’ మూవీకి యూ/ఏ సర్టిఫికెట్ జారీ చేసిన సెన్సార్ బోర్డు.
- జనవరి 14న సంక్రాంతి కానుకగా థియేటర్లలో విడుదల కానున్న ‘అనగనగా ఒక రాజు’.
- మిస్ శెట్టి మిస్టర్ పొలిశెట్టి తర్వాత నవీన్ పొలిశెట్టి నుండి వస్తున్న మరో చిత్రం ఇది.
- సినిమా రన్ టైమ్ 2 గంటల 20 నిమిషాలు.. ఫుల్ లెంగ్త్ కామెడీ ఎంటర్టైనర్ అని టాక్.
నవీన్ పొలిశెట్టి హీరోగా నటిస్తున్న ‘అనగనగా ఒక రాజు’ చిత్రం సెన్సార్ కార్యక్రమాలు పూర్తి చేసుకుంది. ఈ సినిమాకు యూ/ఏ సర్టిఫికెట్ వచ్చింది. సంక్రాంతికి విడుదల కానున్న ఈ సినిమాపై భారీ అంచనాలు ఉన్నాయి.
సెన్సార్ పూర్తి.. యూ/ఏ సర్టిఫికెట్!
మిస్ శెట్టి మిస్టర్ పొలిశెట్టి సినిమా తర్వాత నవీన్ పొలిశెట్టి (Naveen Polishetty) నటిస్తున్న తాజా చిత్రం అనగనగా ఒక రాజు (Anaganaga Oka Raju). ఈ సినిమాకు మారి దర్శకత్వం వహిస్తుండగా.. సితార ఎంటర్టైన్ మెంట్స్ నిర్మిస్తున్న ఈ మూవీలో మీనాక్షి చౌదరి ఫీ మేల్ లీడ్ రోల్లో నటిస్తోంది. శ్రీకర స్టూడియోస్ సమర్పణలో వస్తోన్న ఈ చిత్రాన్ని ఫార్చ్యూన్ ఫోర్ సినిమాస్ కో ప్రొడ్యూస్ చేస్తుంది. మిక్కీ జే మేయర్ మ్యూజిక్ డైరెక్టర్గా పనిచేస్తున్నాడు. ఇక ఈ మూవీ సంక్రాంతి కానుకగా.. జనవరి 14న ప్రేక్షకుల ముందుకు రాబోతున్నది.
సంక్రాంతి బరిలో నవీన్ మూవీ
అయితే తాజాగా సెన్సార్ ఫార్మాలిటీస్ కంప్లీట్ చేశారు మేకర్స్. సెన్సార్ బోర్డు అధికారులు.. అనగనగా ఒక రాజు మూవీ యూ/ఏ సర్టిఫికెట్ జారీ చేశారు. ఆ విషయాన్ని తాజాగా మేకర్స్ సోషల్ మీడియాలో షేర్ చేస్తూ.. ‘అనగనగా ఒక రాజు – యూ/ఏ సర్టిఫికెట్ పొందింది, నవ్వుకు ఏజ్ లిమిట్ లేదు’ అని రాసుకొచ్చారు. ఇక షేర్ చేసిన పోస్టర్లో నవీన్ పోలిశెట్టి బుల్లెట్ బైక్ పై కూర్చుని పల్లెటూరిలో ఎవరికో చేతులు ఊపుతూ పలకరిస్తూ కనిపించారు.
2 గంటల 20 నిమిషాల రన్ టైం లాక్!
సాధారణ యువకుడి లుక్లో, చలాకీగా నవ్వుతూ ఉన్న నవీన్.. తనదైన శైలిలో ఆకట్టుకున్నారు. అయితే సినిమాకు 2 గంటల 20 నిమిషాల రన్ టైం కూడా లాక్ చేసినట్లు తెలుస్తోంది. ఇప్పుడు సెన్సార్ కార్యక్రమాలు పూర్తి కావడంతో సినిమా.. ఎలాంటి ఆటంకాలు లేకుండా ప్రేక్షకుల ముందుకు రాబోతుంది. మరి థియేటర్లలో ప్రేక్షకులను ఎలా మెప్పిస్తుందో చూడాల్సి ఉంది.
‘అనగనగా ఒక రాజు’ సినిమా సెన్సార్ పూర్తి కావడంతో విడుదలకి సిద్ధంగా ఉంది. ఈ సినిమా థియేటర్లలో ఎలాంటి విజయాన్ని అందుకుంటుందో చూడాలి. మరిన్ని అప్డేట్స్ కోసం చూస్తూ ఉండండి.
