నిన్ను కోరి సీరియల్ మే 28 ఎపిసోడ్ లో అనేక ఆసక్తికరమైన సంఘటనలు చోటుచేసుకున్నాయి. చంద్రకళకు షాకింగ్ బిజినెస్ ఆఫర్, విరాట్ మరియు క్రాంతి మధ్య తలెత్తిన గొడవలు, మరియు ఇంటిపై ఐటీ రైడ్ వంటి విషయాలు ఈ ఎపిసోడ్ లో ప్రధాన ఆకర్షణలు.
Key Points
చంద్రకళకు బిజినెస్ ఆఫర్ వచ్చింది!
విరాట్, క్రాంతిని డబ్బు విషయంలో తిట్టాడు.
క్రాంతి 50 లక్షల రూపాయలు సంపాదించాడు.
విరాట్ మరియు జగదీశ్వరి మధ్య గొడవ.
చంద్రకళకు ఊహించని ఆఫర్
నిన్ను కోరి సీరియల్ నేటి (మే 28) ఎపిసోడ్లో.. నాకు సంబంధించినవి ఏవీ ముట్టుకోవద్దని చంద్రకళపై చిరాకు పడతాడు విరాట్. నాకు హక్కు ఉందని చంద్ర వారిస్తుంది. ఇద్దరి మధ్య సరదాగా గొడవ జరుగుతుంది. ఈ క్రమంలో ఫేస్క్రీమ్పై కాలు వేసి చంద్రపై మీద పడతాడు విరాట్. చంద్ర బుగ్గపై అనుకోకుండా ముద్దుపెట్టేస్తాడు. చంద్ర సిగ్గుపడుతుంది. నేను ముద్దు పెట్టలేదని విరాట్ చిరాకుగా అంటాడు. మాటలతో విరాట్ను మరింత ఉడికిస్తుంది చంద్ర.
రోడ్డు పక్కన చంద్రకళ పచ్చళ్లు అమ్ముతుంటే.. దామోదర్ అనే వ్యక్తి వస్తాడు. నువ్వు అమ్మే పచ్చళ్లు బాగున్నాయని అందరూ అంటున్నారని, నా షాప్లో నీ పచ్చళ్లు పెట్టి అమ్మాలని అంటాడు. బాగా అమ్ముడుపోతే డీల్ గురించి మాట్లాడదామని ఆఫర్ ఇస్తాడు. దీంతో చంద్ర సంతోషిస్తుంది. దామోదర్ చెప్పిన మాటకు ఓకే చెబుతుంది. వారి షాప్లో పచ్చళ్లు పెడుతుంది.
క్రాంతి ఓ బ్యాగ్ పట్టుకొచ్చి గుడ్న్యూస్ అని అంటాడు. శాలినీ మాత్రం చిరాకుగా మాట్లాడుతుంది. తాను రూ.50లక్షల లాస్ కవర్ చేశానని, బ్యాగ్లోని డబ్బును క్రాంతి చూపిస్తాడు. లెక్క చూసుకో అని శాలినీతో అంటాడు. అప్పుడే అక్కడికి విరాట్ వస్తాడు. ఓ డీలర్ పార్టీని తీసుకొచ్చాడని, డిజైన్స్ నచ్చి కొనుక్కున్నారని క్రాంతి చెబుతాడు. విరాట్ మాత్రం కోపంగా చూస్తుంటాడు. భలే డీల్ చేశావని శాలినీ అంటుంది.
క్రాంతిపై విరాట్ ఆగ్రహం
ఇది డీలా అని విరాట్ కోప్పడతాడు. ఇలా క్యాష్తో డీల్ చేయడం డేంజర్ అని క్రాంతిపై ఫైర్ అవుతాడు. ఇలా వైట్ మనీ తెచ్చి వ్యాపారానికే ప్రమాదం తెచ్చావని అంటాడు. నేరుగా క్యాష్తో డీల్ చేస్తే ఇన్కమ్ ట్యాక్స్ వాళ్లకు లెక్కలు ఎలా చూపిస్తారంటూ విరాట్ అంటాడు. అలా కాదని శాలినీ అంటుంది. అంత డబ్బు లెక్కాపత్రం లేకుండా తీసుకుంటే మీ ఆయనను జైలులో పెడతారని శాలినీతో జగదీశ్వరి చెబుతుంది. ముందు వెనుక ఆలోచించకుండా డబ్బు తీసుకున్నానని సారీ చెబుతాడు క్రాంతి. చంద్ర మాట్లాడాలనుకుంటే.. జగదీశ్వరి కోప్పడుతుంది.
జగదీశ్వరితో విరాట్ మాట్లాడతాడు. కానీ జగదీశ్వరి మాత్రం ముఖం తిప్పుకొని కోపంగా ఉంటుంది. నువ్వు నన్నెందుకు అసహ్యించుకుంటావ్ అని విరాట్ అడుగుతాడు. ఆ వరదరాజులు వారికి బుద్ధి చెప్పాలన్న ఉద్దేశంతోనే చంద్రకళ మెడలో తాళి కట్టానని, దయచేసి అర్థం చేసుకో అని అడుగుతాడు. క్షమాపణ కోరతాడు. కానీ జగదీశ్వరి మాత్రం కోప్పడుతుంది. కొందరు వారి తప్పులను చూసుకోరు కానీ.. ఎదుటి వారి తప్పులు ఎత్తుచూపుతారు అంటూ ఆగ్రహిస్తుంది. తనతో మాట్లాడాలని విరాట్ కోరతాడు. నన్ను ప్రశాంతంగా ఉండనివ్వండి అని జగదీశ్వరి అంటుంది. దీంతో విరాట్ బాధపడతాడు.
విరాట్ దిగులుగా కూర్చొని ఉంటే.. చంద్రకళ పలుకరిస్తుంది. బావగారు ఎందుకిలా ఉన్నారని అడుగుతుంది. కాస్త మూడ్లోకి తేవాలని అనుకుంటుంది. ప్రేమగా మాట్లాడుతుంది. విరాట్ మాత్రం చిరాకుగా ఉంటాడు. “ఛీ ఆపు.. మనిషివేనా నువ్వు. మాట్లాడకు, కంపరంగా ఉంది” అని విరాట్ అరుస్తాడు. ఎందుకు నన్ను తిడుతువన్నావని చంద్ర అడుగుతుంది.
జగదీశ్వరి ప్రతిస్పందన
నీ వల్ల నా జీవితం నరకంగా మారింది, మనశ్శాంతి లేకుండా పోయిందని విరాట్ కోప్పడతాడు. ఆ మాటలతో చంద్ర బాధపడుతుంది. మా అమ్మ నాతో మాట్లాడడం లేదని, దానికి కారణం నువ్వే అని చెబుతాడు.
విరాట్ ఇంటికి ఐటీ అధికారులు రైడ్కు వస్తున్నారని చంద్రకు తెలుస్తుంది. విషయం చెప్పాలని ఫోన్ చేసినా విరాట్ ఎత్తడు. దీంతో విరాట్ ఇంట్లో ఐటీ రైడ్ జరుగుతుంది. క్రాంతి తెచ్చిన డబ్బు ఇంట్లోనే ఉంటుంది.దీంతో అందరూ కంగారు పడతారు.
చివరగా, నిన్ను కోరి సీరియల్ నేటి ఎపిసోడ్ చాలా ఉత్కంఠభరితంగా సాగింది. చంద్రకళ, విరాట్, క్రాంతి మరియు జగదీశ్వరిల మధ్య సంఘర్షణలు మరియు ట్విస్టులు ప్రేక్షకులను అలరించాయి.
