📌 Key Points
- పెట్రోల్ స్కూటర్ల స్థానంలో ఎలక్ట్రిక్ వాహనాల వినియోగం గణనీయంగా పెరుగుతోంది.
- ప్రముఖ ఈవీ కంపెనీలు ఇప్పుడు స్కూటర్లపై 8 ఏళ్ల వరకు పొడిగించిన బ్యాటరీ వారంటీని అందిస్తున్నాయి.
- ఓలా ఎలక్ట్రిక్, ఏథర్ ఎనర్జీ, టీవీఎస్ ఐక్యూబ్, బజాజ్ చేతక్, విడా వి1 టాప్-5 ఈవీ స్కూటర్లు.
- 2026లో కొత్త ఎలక్ట్రిక్ స్కూటర్ కొనుగోలు చేయాలనుకునే వారికి ఈ ఆప్షన్లు అద్భుతమైనవి.
పెట్రోల్ స్కూటర్ల స్థానంలో ఎలక్ట్రిక్ వాహనాల వినియోగం విపరీతంగా పెరుగుతోంది. అయితే, బ్యాటరీ లైఫ్, రీప్లేస్మెంట్ ఖర్చుల గురించి చాలామందిలో ఆందోళన ఉంది. ఈ భయాలను తొలగిస్తూ, ప్రముఖ ఈవీ కంపెనీలు ఇప్పుడు 8 ఏళ్ల వరకు బ్యాటరీ వారంటీని అందిస్తున్నాయి.
బ్యాటరీ వారంటీ భయాలకు చెక్!
దేశవ్యాప్తంగా పెట్రోల్తో నడిచే స్కూటర్ల సంఖ్య తగ్గి ఎలక్ట్రిక్ వాహనాల (EVs) వినియోగం రోజురోజుకూ పెరుగుతూ వస్తుంది. ఈ క్రమంలోనే ఈవీ స్కూటర్లు కొనే చాలామంది వినియోగదారులను ఒకే ఒక్క కారణంతో వెనుకడుగు వేస్తున్నారు.. బ్యాటరీ లైఫ్ ఎంతకాలం ఉంటుంది? ఒకవేళ పాడైతే కొత్తది మార్చడానికి ఎంత ఖర్చవుతుందనే ప్రశ్నలు కూడా ఉత్పన్నం అవుతున్నాయి. ఈ భయాలకు చెక్ పెడుతూ.. భారత మార్కెట్లోని ప్రముఖ ఈవీ సంస్థలు ప్రస్తుతం తమ స్కూటర్లపై ఏకంగా 8 సంవత్సరాల వరకు పొడిగించిన బ్యాటరీ వారంటీని (Extended Battery Warranty) అందిస్తున్నాయి. 2026లో కస్టమర్ల నమ్మకాన్ని గెలుచుకున్న అలాంటి 5 బెస్ట్ ఎలక్ట్రిక్ స్కూటర్ల వివరాలు ఇప్పుడు చూద్దాం.
ఈవీ రంగంలో విప్లవం సృష్టించిన ఓలా ఎలక్ట్రిక్.. తన ఎస్1 సిరీస్ స్కూటర్లపై స్టాండర్డ్గా 8 సంవత్సరాలు, 80 వేల కి.మీ వరకు బ్యాటరీ వారంటీని ఇస్తోంది. అదనపు ప్రీమియంతో దీనిని 1,25,000 కి.మీ వరకు కూడా పెంచుకునే వెసులుబాటు ఉంది.
టాప్-5 ఈవీ స్కూటర్లు – పూర్తి వివరాలు
బిల్డ్ క్వాలిటీ, పర్ఫార్మెన్స్కు కేరాఫ్ అడ్రస్గా నిలిచే ఏథర్ ఎనర్జీ.. తన ‘ఏథర్ ప్రొటెక్ట్’ (Ather Protect) ప్లాన్ ద్వారా స్కూటర్ బ్యాటరీపై 8 ఏళ్ల వారంటీని అందిస్తోంది. 8 ఏళ్ల తర్వాత కూడా బ్యాటరీ కనీసం 70 శాతం హెల్త్ కలిగి ఉంటుందని సంస్థ హామీ ఇస్తోంది.
ఫ్యామిలీ కస్టమర్ల ఫేవరెట్ స్కూటర్ అయిన టీవీఎస్ ఐక్యూబ్.. 2026 మోడల్స్ పై సరికొత్త వారంటీ ప్యాకేజీలను తెచ్చింది. దీని టాప్ వేరియంట్లపై కస్టమర్లు అదనపు వారంటీని ఎంచుకోవడం ద్వారా 8 ఏళ్ల పాటు బ్యాటరీ రీప్లేస్మెంట్ టెన్షన్ లేకుండా ప్రయాణించవచ్చు.
ఈవీ టెక్నాలజీలో కొత్త విప్లవం
మెటల్ బాడీతో క్లాసిక్ లుక్లో వచ్చే బజాజ్ చేతక్ ఈవీ సైతం కస్టమర్ల కోసం ఎక్స్టెండెడ్ వారంటీ ప్రోగ్రామ్ను అందుబాటులోకి తెచ్చింది. నమ్మకమైన సర్వీస్ నెట్వర్క్తో పాటు 8 ఏళ్ల బ్యాటరీ అస్యూరెన్స్ దీని సొంతం.
హీరో మోటోకార్ప్ కి చెందిన విడా వి1 స్కూటర్ రిమూవబుల్ బ్యాటరీ (Removable Battery) ఫీచర్తో వస్తుంది. ఇంట్లోనే సులభంగా ఛార్జ్ చేసుకోగల ఈ స్కూటర్ బ్యాటరీపై కూడా కంపెనీ ఇప్పుడు లాంగ్-టర్మ్ 8 ఇయర్స్ వారంటీ ప్లాన్స్ను ఆఫర్ చేస్తోంది. అప్పట్లో కేవలం 3 సంవత్సరాల వారంటీకే పరిమితమైన ఈవీ కంపెనీలు.. టెక్నాలజీ పెరగడంతో బ్యాటరీల సురక్షిత సామర్థ్యాన్ని పెంచి 8 ఏళ్ల వరకు వారంటీ ఇస్తున్నాయి. దీంతో 2026లో కొత్తగా ఎలక్ట్రిక్ స్కూటర్ కొనాలనుకునే వారు ఈ ఐదు ఆప్షన్లను ఎలాంటి సందేహం లేకుండా పరిశీలించవచ్చని వెహికల్స్ ఎక్స్పర్ట్స్ చెబుతున్నారు.
పొడిగించిన బ్యాటరీ వారంటీతో, ఎలక్ట్రిక్ స్కూటర్ల కొనుగోలుదారులకు ఇప్పుడు బ్యాటరీ భయం లేకుండా పోయింది. 2026లో ఈవీ కొనుగోలు చేయాలనుకునే వారికి ఈ టాప్-5 మోడల్స్ అద్భుతమైన ఎంపికలు.
