1986లో చిరంజీవి ‘కొండవీటి రాజా’ మరియు బాలకృష్ణ ‘నిప్పులాంటి మనిషి’ సినిమాలు బాక్సాఫీస్ వద్ద పోటీ పడ్డాయి. ఎన్టీఆర్ సినిమా టైటిల్ తో వచ్చిన రీమేక్ ‘నిప్పులాంటి మనిషి’ ఏమైంది?
Key Points
1986లో చిరంజీవి 'కొండవీటి రాజా' సూపర్ హిట్ అయింది.
బాలకృష్ణ 'నిప్పులాంటి మనిషి' ఎన్టీఆర్ సినిమా రీమేక్.
చిరంజీవి, విజయశాంతి జోడి అప్పట్లో సూపర్ హిట్ గ్యారెంటీ.
1986 బాక్సాఫీస్ పోటీ
నందమూరి బాలకృష్ణ, మెగాస్టార్ చిరంజీవి నటించిన సినిమాలు ఎప్పుడు పోటీ పడినా ఆ హంగామా ఒక రేంజ్ లో ఉంటుంది. గతంలో పలు సందర్భాల్లో చిరంజీవి, బాలయ్య నటించిన చిత్రాలు బాక్సాఫీస్ వద్ద పోటీ పడ్డాయి. 1986లో ఆసక్తికర పోటీ నెలకొంది. చిరంజీవి కొండవీటి రాజా, బాలయ్య నిప్పులాంటి మనిషి చిత్రాలు వారం గ్యాప్ లో రిలీజ్ అయ్యాయి.
రాఘవేంద్ర రావు దర్శకత్వంలో చిరంజీవి, రాధా, విజయశాంతి కలిసి నటించిన కొండవీటి రాజా చిత్రం 1986 జనవరి 31న విడుదలైంది. కొండవీటి రాజా చిత్రం సూపర్ హిట్ టాక్ తో దూసుకుపోతున్న తరుణంలో వారం వ్యవధిలో బాలయ్య నిప్పులాంటి మనిషి చిత్రం రిలీజ్ అయింది. అంతకు ముందు ఎన్టీఆర్ ఇదే టైటిల్ తో మోవీవీ చేశారు.
‘కొండవీటి రాజా’ విజయం
తన తండ్రి సినిమా టైటిల్ నే తీసుకున్న బాలయ్య హిందీలో ఖయామత్ చిత్రానికి రీమేక్ గా నిప్పులాంటి మనిషి చిత్రాన్ని రూపొందించారు. ఈ మూవీలో కూడా హీరోయిన్ గా రాధ నటించారు. అయితే ఈ చిత్రం ప్రేక్షకులని ఏమాత్రం మెప్పించలేకపోయింది.
చిరంజీవి కొండవీటి రాజా చిత్రం అద్భుతమైన వసూళ్లతో ఘనవిజయం సాధించగా.. బాలయ్య నిప్పులాంటి మనిషి మూవీ మాత్రం డిజాస్టర్ అయింది. ఎస్ బి చంద్రవర్తి దర్శకత్వంలో ఈ చిత్రం రూపొందింది.
‘నిప్పులాంటి మనిషి’ డిజాస్టర్
చిరంజీవి, విజయశాంతి కాంబినేషన్ అంటే అప్పట్లో ఫ్యాన్స్ సూపర్ హిట్ గ్యారెంటీ అని ఫిక్స్ అయిపోయేవారు. వీరి కాంబినేషన్ లో కొండవీటి దొంగ, గ్యాంగ్ లీడర్, పసివాడి ప్రాణం, స్వయం కృషి లాంటి చిత్రాల్లో నటించారు.
చిరంజీవి-విజయశాంతి జోడి అప్పట్లోనే ప్రేక్షకులను ఆకట్టుకుంది. ‘నిప్పులాంటి మనిషి’ పరాజయం బాలకృష్ణ కెరీర్ లో ఒక మలుపు.
