పవర్ స్టార్ పవన్ కల్యాణ్ నటించిన ఓజీ సినిమా బాక్సాఫీస్ వద్ద సంచలనం సృష్టిస్తోంది. విడుదలై కేవలం 2 రోజుల్లోనే ఈ చిత్రం 100 కోట్ల క్లబ్లోకి ప్రవేశించింది. ఇది పవన్ కల్యాణ్ కెరీర్లో ఆల్ టైమ్ ఎపిక్ రికార్డ్గా నిలిచింది. ఓజీ సాధించిన ఈ ఘనత గురించి మరిన్ని వివరాలు తెలుసుకుందాం.
Key Points
ఓజీ సినిమా 2 రోజుల్లోనే ₹104 కోట్ల నెట్ కలెక్షన్స్ వసూలు చేసింది.
పవన్ కల్యాణ్ కెరీర్లో ₹100 కోట్ల షేర్ అందుకున్న తొలి సినిమా ఓజీ.
మొదటి రోజు వరల్డ్ వైడ్గా ₹154 కోట్ల గ్రాస్ కలెక్షన్స్ సాధించింది.
రెండో రోజు కలెక్షన్స్ కాస్త తగ్గినప్పటికీ 100 కోట్ల క్లబ్లోకి చేరింది.
ఓజీ బాక్సాఫీస్ సంచలనం
ఓజీ బాక్సాఫీస్ కలెక్షన్స్ డే 2: పవర్ స్టార్ పవన్ కల్యాణ్ నటించిన ఓజీ ఎట్టకేలకు విడుదలైంది. ఎన్నో అంచనాలతో సెప్టెంబర్ 25న థియేటర్లలో విడుదలైన ఓజీ సినిమాకు అభిమానుల నుంచి ఫుల్ పాజిటివ్ టాక్ వస్తోంది. ఈ నేపథ్యంలో ఓజీ బాక్సాఫీస్ కలెక్షన్స్ ఇంట్రెస్టింగ్గా మారాయి.
స్పెషల్ ప్రీమియర్స్ షోల నుంచి ఓజీ సినిమాకు బుధవారం (సెప్టెంబర్ 24) ఇండియాలో రూ. 21 కోట్ల నెట్ కలెక్షన్స్ వచ్చాయి. అలాగే, ఓపెనింగ్ డే అంటే విడుదలైన రోజు గురువారం (సెప్టెంబర్ 25) రూ. 63.75 కోట్ల నెట్ కలెక్షన్స్ భారత్లో రాబట్టింది ఓజీ. ఈ రెండు కలుపుకుని మొత్తంగా ఇండియాలో ఓపెనింగ్ డే రోజున ఓజీ రూ. 84.75 కోట్లు కలెక్షన్స్ వసూలు చేసింది.
అయితే, రెండో రోజున ఓజీ కలెక్షన్స్ కాస్తా పడిపోయాయి. ఇండియాలో రెండో రోజు అయిన శుక్రవారం (సెప్టెంబర్ 26) నాడు ఓజీ సినిమా రూ. 19.25 కోట్ల నెట్ కలెక్షన్స్ మాత్రమే రాబట్టింది. అంటే, ఇది స్పెషల్ ప్రీమియర్స్, రిలీజ్ రోజు కలెక్షన్స్ కంటే తక్కువ. కానీ, రెండు రోజుల్లోనే ఇండియా బాక్సాఫీస్ నెట్ కలెక్షన్స్లో వంద కోట్ల క్లబ్లోకి అడుగుపెట్టింది ఓజీ మూవీ.
పవన్ కల్యాణ్ కెరీర్లో కొత్త రికార్డు
రెండు రోజుల్లో భారత్తో ఓజీ సినిమా రూ. 104 కోట్ల నెట్ కలెక్షన్స్ వసూలు చేసినట్లు ప్రముఖ ట్రేడ్ సంస్థ సక్నిల్క్ తెలిపింది. అంటే రెండో రోజు కలెక్షన్స్ పడిపోయినప్పటికీ 2 రోజుల్లో అది కూడా ఒక్క భారత్ కలెక్షన్స్తోనే వంద కోట్ల క్లబ్లోకి ఓజీ చేరడం విశేషంగా మారింది.
ఇదిలా ఉంటే, తొలి రోజున ఓజీ సినిమాకు వరల్డ్ వైడ్గా రూ. 154 కోట్ల గ్రాస్ కలెక్షన్స్ రాబట్టినట్లు మూవీ మేకర్స్ సోషల్ మీడియా వేదికగా అధికారికంగా ప్రకటించిన విషయం తెలిసిందే. దానికి సంబంధించిన పోస్టర్ రిలీజ్ చేయగా అది వైరల్ అయింది.
కలెక్షన్ల పూర్తి వివరాలు
అయితే, రెండు రోజుల్లో ఓజీ వంద కోట్ల క్లబ్లోకి చేరి పవన్ కల్యాణ్ కెరీర్లో సరికొత్త రికార్డ్ క్రియేట్ చేసింది. ఇది పవన్ కల్యాణ్ సినీ కెరీర్లో ఆల్ టైమ్ ఎపిక్ రికార్డ్ కలెక్షన్స్గా నిలిచింది. ఇదివరకు భీమ్లా నాయక్ సినిమా టోటల్ రన్లో రూ. 97.63 కోట్ల షేర్, రూ. 159 కోట్ల గ్రాస్ కలెక్షన్స్ అందుకుంది.
ఇప్పుడు ఓజీ షేర్ కలెక్షన్స్లో రెండు రోజుల్లోనే రూ. 104 కోట్లు రాబట్టి మొట్ట మొదటి 100 కోట్ల షేర్ మార్క్ను అందుకున్న సినిమాగా ఓజీ సంచలనం సృష్టించింది. ఇంత తక్కువ సమయంలో వంద కోట్ల క్లబ్ లోకి చేరిన పవన్ కల్యాణ్ తొలి సినిమాగా ఫీట్ సాధించింది ఓజీ.
మొత్తంగా, ఓజీ సినిమా కేవలం 2 రోజుల్లోనే 100 కోట్ల క్లబ్లోకి చేరి పవన్ కల్యాణ్ కెరీర్లో మైలురాయిగా నిలిచింది. కలెక్షన్లలో కొంత తగ్గుదల ఉన్నప్పటికీ, ఈ చిత్రం బాక్సాఫీస్ వద్ద అద్భుతమైన రికార్డును నెలకొల్పింది. ఓజీ విజయం పవన్ స్టార్డమ్ను మరోసారి నిరూపించింది.
