పవర్ స్టార్ పవన్ కల్యాణ్ నటించిన ఓజీ సినిమా బ్లాక్ బస్టర్ టాక్ తో దూసుకుపోతోంది. ఈ నేపథ్యంలో నిర్వహించిన సక్సెస్ మీట్లో దర్శకుడు సుజీత్ కీలక వ్యాఖ్యలు చేశారు. తమన్, నవీన్ నూలి, రవి చంద్రన్లను సినిమాకు మూడు పిల్లర్స్గా పేర్కొనడంపై సోషల్ మీడియాలో చర్చ మొదలైంది. వారిలో పవన్ కల్యాణ్ లేడా అని నెటిజన్లు ప్రశ్నిస్తున్నారు.
Key Points
ఓజీ చిత్రం సెప్టెంబర్ 24, 25న విడుదలైన తర్వాత ప్రేక్షకుల నుంచి అద్భుతమైన స్పందన పొందింది.
పవన్ కల్యాణ్ స్క్రీన్ ప్రజెన్స్, సుజీత్ దర్శకత్వం, తమన్ సంగీతం అభిమానులను ఎంతగానో ఆకట్టుకున్నాయి.
దర్శకుడు సుజీత్ తమన్, నవీన్ నూలి, రవి చంద్రన్లను సినిమాకు మూడు పిల్లర్స్గా పేర్కొన్నారు.
సుజీత్ వ్యాఖ్యలపై నెటిజన్లు 'పవన్ కల్యాణ్ లేడా?' అని ప్రశ్నించగా, కొందరు ఆయనకు సపోర్ట్ చేశారు.
ఓజీ భారీ విజయం: సుజీత్ కామెంట్స్
పవర్ స్టార్ పవన్ కల్యాణ్ ఓజాస్ గంభీరగా గర్జించిన చిత్రం ఓజీ. సుజీత్ దర్శకత్వంలో డీవీవీ ఎంటర్టైన్మెంట్ పతాకంపై డీవీవీ దానయ్య, కళ్యాణ్ దాసరి ప్రతిష్టాత్మకంగా నిర్మించిన ఈ సినిమాపై మొదటి నుంచి భారీ అంచనాలు ఉన్నాయి.
సెప్టెంబర్ 24 రాత్రి నుంచి ప్రత్యేక షోలతో ఓజీ చిత్రం థియేటర్లలో అడుగుపెట్టింది. ఇక సెప్టెంబర్ 25న థియేటర్లలో ప్రేక్షకుల ముందుకు వచ్చిన ఓజీ సినిమాకు ప్రేక్షకుల నుంచి అద్భుతమైన స్పందన లభిస్తోంది. ముఖ్యంగా పవన్ కల్యాణ్ను మునుపెన్నడూ చూడని విధంగా దర్శకుడు సుజీత్ చూపించిన తీరుకి అభిమానులు ఫిదా అవుతున్నారు.
పవన్ కల్యాణ్ స్క్రీన్ ప్రజెన్స్, సుజీత్ దర్శకత్వ ప్రతిభ, తమన్ అద్భుతమైన నేపథ్య సంగీతం, రవి కె చంద్రన్, మనోజ్ పరమహంసల కట్టిపడేసే కెమెరా పనితనం కలిసి.. ఓజీని హాలీవుడ్ స్థాయి చిత్రంగా మలిచాయి. అభిమానులు, ప్రేక్షకుల నుంచి ప్రశంసల వర్షం కురుస్తున్న నేపథ్యంలో తాజాగా ఓజీ సక్సెస్ మీట్ నిర్వహించారు. ఈ ప్రెస్ మీట్లో దర్శకుడు సుజీత్ ఇంట్రెస్టింగ్ కామెంట్స్ చేశారు.
సినిమాకు మూడు పిల్లర్స్: వారిలో పవన్ కల్యాణ్ లేడా?
డైరెక్టర్ సుజీత్ మాట్లాడుతూ.. “దాదాపు మూడేళ్ల ప్రయాణం. మొదటి రోజు నుంచి మమ్మల్ని సపోర్ట్ చేస్తూ, మా పక్కనే ఉంటూ మాకు కావాల్సినవన్నీ ఏర్పాటు చేసిన నిర్మాతలు దానయ్య గారికి, కళ్యాణ్ గారికి కృతఙ్ఞతలు” అని అన్నారు.
“ఓజీ కథకి ఇంతటి భారీతనం రావడానికి కారణమైన పవన్ కల్యాణ్ గారికి మొదటగా థాంక్స్ చెప్పుకోవాలి. నేను ఆయనకు వీరాభిమానిని. జానీ సినిమా సమయం నుంచి పవన్ గారిని కలిస్తే చాలు అనుకునేది. అలాంటిది ఇప్పుడు ఆయనతో సినిమా చేయడం, దానికి బ్లాక్ బస్టర్ టాక్ రావడం చాలా ఆనందంగా ఉంది” అని సుజీత్ తెలిపారు.
నెటిజన్ల ప్రశ్నలు, సుజీత్కు సపోర్ట్
“తమన్ గారు, నవీన్ నూలి గారు, రవి చంద్రన్ గారు ముగ్గురూ ఈ సినిమాకి మూడు పిల్లర్లు లాంటివారు. వారి వల్లే సినిమా ఇంత గొప్పగా వచ్చింది. ముఖ్యంగా తమన్ గారు అందరికంటే ఎక్కువగా ఈ సినిమాని నమ్మారు” అని సుజీత్ చెప్పారు.
ప్రస్తుతం సుజీత్ కామెంట్స్ సోషల్ మీడియాలో వైరల్ అవుతున్నాయి. “ఓజీ సినిమాకి ప్రధానమైన మూడు పిల్లర్స్లో పవన్ కళ్యాణ్ లేడా” అని పలువురు నెటిజన్స్ ప్రశ్నిస్తున్నారు. “పవన్ కల్యాణ్ అభిమాని కాబట్టే ఇతరులను గౌరవిస్తున్నారు” అని మరికొందరు సుజీత్కు సపోర్ట్ చేస్తున్నారు.
ఓజీ సినిమా విజయానికి పవన్ కల్యాణ్ ప్రధాన కారణమని అభిమానులు భావిస్తుండగా, సుజీత్ వ్యాఖ్యలు చర్చనీయాంశంగా మారాయి. ఈ కామెంట్స్పై భిన్నాభిప్రాయాలు వ్యక్తమవుతున్నాయి.
