ప్రముఖ వెబ్ సిరీస్ నటుడు ఆసిఫ్ ఖాన్ గుండెపోటుతో ఆసుపత్రిలో చేరారు. 34 ఏళ్ల వయసులోనే ఈ సంఘటన జరగడంతో అభిమానులు ఆందోళన చెందారు. ప్రస్తుతం ఆయన ఆరోగ్యం మెరుగుపడుతోంది.
Key Points
పంచాయత్ వెబ్ సిరీస్ నటుడు ఆసిఫ్ ఖాన్ గుండెపోటుతో ఆసుపత్రిలో చేరారు.
34 ఏళ్ల ఆసిఫ్ ఖాన్ ఆరోగ్యం ప్రస్తుతం మెరుగుపడుతోంది.
ఆసిఫ్ ఖాన్ తన అనుభవాలను ఎమోషనల్ పోస్ట్ ద్వారా పంచుకున్నాడు.
ఆసిఫ్ నటించిన 'ది భూత్నీ' మూవీ జులై 18న ఓటీటీలో విడుదలవుతోంది.
ఆసిఫ్ ఖాన్ కు గుండెపోటు
‘పాతాళ్ లోక్’, ‘పంచాయత్’ వెబ్ సిరీస్ లలో నటించిన ఆసిఫ్ ఖాన్ ముంబైలోని కోకిలాబెన్ ఆసుపత్రిలో చేరాడు. రెండు రోజుల క్రితం అతనికి గుండెపోటు వచ్చినట్లు సమాచారం. ఇప్పుడు అతని పరిస్థితి మునుపటి కంటే మెరుగ్గా ఉందని, మరికొద్ది రోజుల్లో ఆసుపత్రి నుంచి డిశ్చార్జ్ అవుతారని విశ్వసనీయ వర్గాలు తెలిపాయి.
పంచాయత్ వెబ్ సిరీస్ నటుడు ఆసిఫ్ ఖాన్ కు గుండె పోటు అనే వార్త వైరల్ అయింది. కేవలం 34 ఏళ్ల వయసులోనే అతనికిలా జరగడంతో ఫ్యాన్స్ షాక్ తిన్నారు. మరోవైపు హాస్పిటల్ బెడ్ పై నుంచి ఆసిఫ్ తన ఇన్స్టాలో ఓ ఎమోషనల్ పోస్ట్ చేశాడు.
ఆరోగ్య పరిస్థితి మెరుగవుతోంది
“గత 36 గంటలు దీనిని చూసిన తర్వాత, జీవితం చాలా చిన్నదని గ్రహించాను. కాబట్టి ఒక్క రోజును కూడా తేలికగా తీసుకోవద్దు. ఒక్క క్షణంలో అన్నీ మారిపోతాయి. మీ వద్ద ఉన్నదానికి, మీరు ఉన్న స్థితికి కృతజ్ఞతతో ఉండండి. మీకు ఎవరు ముఖ్యమో గుర్తుంచుకోండి. ఎప్పుడూ వారిని గౌరవించండి. జీవితం ఒక వరం” అని ఆసిఫ్ పోస్ట్ చేశాడు.
గత కొన్ని రోజులుగా తాను అనారోగ్య సమస్యలతో బాధపడుతున్నానని, దీంతో ఆసుపత్రిలో చేరాల్సి వచ్చిందన్నాడు. తాను ఇప్పుడు కోలుకుంటున్నానని, మునుపటి కంటే చాలా మెరుగ్గా ఉన్నానని చెప్పడానికి సంతోషిస్తున్నాను అని చెప్పాడు. త్వరలోనే మళ్లీ రానున్నట్లు తెలిపాడు.
ఎమోషనల్ సోషల్ మీడియా పోస్ట్
నటుడు ఆసిఫ్ ఖాన్ 2018లో వచ్చిన మీర్జాపూర్ వెబ్ సిరీస్ తొలి సీజన్ ద్వారా పేరు సంపాదించాడు. అందులో బాబర్ పాత్రలో అతడు అదరగొట్టాడు. అంతకుముందే పలు సినిమాల్లో చిన్న చిన్న పాత్రలు చేశాడు. ఆ తర్వాత జాంతారా, పంచాయత్, మీర్జాపూర్ 2, హ్యూమన్, మర్డర్ ఇన్ అగోండాలాంటి వెబ్ సిరీస్ లలో నటించి పేరు తెచ్చుకున్నాడు.
అతడు నటించిన ది భూత్నీ మూవీ ఈ వారమే ఓటీటీలోకి వస్తోంది. సంజయ్ దత్, మౌనీ రాయ్ కూడా నటించిన ఈ సినిమా జీ5 ఓటీటీలో శుక్రవారం (జులై 18) నుంచి స్ట్రీమింగ్ కానుంది.
ఆసిఫ్ ఖాన్ త్వరగా కోలుకుని తిరిగి తెరకు రావాలని కోరుకుందాం. అతని ఆరోగ్యం మెరుగవుతోందని తెలుసుకుని సంతోషంగా ఉంది. అతని భవిష్యత్ కెరీర్ కు శుభాకాంక్షలు.
