భాద్రపద శుక్ల ఏకాదశిని పరివర్తిని ఏకాదశి అంటారు. ఈ రోజున విష్ణుమూర్తిని పూజించి, ఉపవాసం ఉండి, దానధర్మాలు చేయడం వల్ల మోక్షం లభిస్తుందని నమ్ముతారు. ఈ వ్యాసం ద్వారా పూజ, ఉపవాసం, దానం, శుభ సమయాల గురించి తెలుసుకుందాం.
Key Points
పరివర్తిని ఏకాదశి నాడు ఉపవాసం ఉండటం వల్ల పాపాలు నశిస్తాయి.
నెయ్యి, బెల్లం, పసుపు, ఆవు వంటి వస్తువుల దానం శుభప్రదం.
ఉదయం లేదా సాయంత్రం శుభ సమయాల్లో పూజ, దానం చేయండి.
అన్నదానం చేయడం వల్ల మంచి ఫలితాలు లభిస్తాయి.
పరివర్తిని ఏకాదశి ఉపవాసం మరియు దాన ధర్మాలు
పరివర్తిని ఏకాదశి 2025: భాద్రపద మాసంలోని శుక్ల పక్షం ఏకాదశిని పరివర్తిని ఏకాదశి అంటారు. ఈ ఏకాదశిని పార్శ్వ ఏకాదశి లేదా పద్మ ఏకాదశి అని కూడా అంటారు. ఈ రోజున విష్ణుమూర్తిని పూజించడం, ఉపవాసం ఉండటం వల్ల సకల పాపాలు నశించి మోక్షం లభిస్తుందని విశ్వసిస్తారు. పరివర్తిని ఏకాదశి రోజున దానధర్మాలు చేయడం ప్రత్యేక ప్రాముఖ్యతగా భావిస్తారు.
మత విశ్వాసాల ప్రకారం, ఈ రోజున దానధర్మాలు చేయడం వల్ల జీవితంలో సంపద మరియు ఆనందం పెరుగుతాయి. ఉదయ తిథి ప్రకారం, పరివర్తిని ఏకాదశి ఉపవాసాన్ని సెప్టెంబర్ 3న ఆచరించాలి. అదే విధంగా ఈ శక్తివంతమైన పరివర్తిని ఏకాదశి నాడు దానం చేస్తే కూడా మంచిది. మరి పరివర్తిని ఏకాదశి నాడు ఏం దానం చేయాలో తెలుసుకుందాం.
పరివర్తిని ఏకాదశి నాడు పూజ, దానం ఏ సమయంలో చేయాలంటే విషయానికి వస్తే.. ఈ రోజు ఉదయం లాభ, అమృత ముహూర్తంలో ఉదయం 06:00 గంటల నుంచి 09:10 గంటల వరకు పూజ , దానం చెయ్యచ్చు. లేదంటే సాయంత్రం 05:05 నుండి 06:40 వరకు చెయ్యచ్చు. వ్రతం విరమణ ముహూర్తం సెప్టెంబర్ 4న మధ్యాహ్నం 01:36 నుండి సాయంత్రం 04:07 వరకు ఉంటుంది.
ఈ రోజున నిరుపేదలకు లేదా బ్రాహ్మణులకు అన్నదానం చేయడం వల్ల ఎంతో ప్రయోజనకరంగా ఉంటుంది. మీరు ఆహారం, నీటిని కూడా దానం చేయవచ్చు. లేదా వీటిని కూడా దానం చేయడం శుభప్రదం.
ఏకాదశి నాడు దానం చేయాల్సిన వస్తువులు
1.నెయ్యి, బెల్లం: పరివర్తిని ఏకాదశి రోజున నెయ్యి, బెల్లం దానం చేయడం శుభప్రదంగా భావిస్తారు. ఇది ఇంటిని ప్రకాశవంతంగా, సంపన్నంగా ఉంచుతుంది.
2. ఆవు: పరివర్తిని ఏకాదశి రోజున కూడా గోవు ను దానం చేయవచ్చు. ఈ దానం ఉత్తమమైనదిగా పరిగణించబడుతుంది. ఈ రోజున ఆవును సేవించడం లేదా దానం చేయడం ద్వారా మోక్షం లభిస్తుంది.
3. పసుపు : పరివర్తిని ఏకాదశి రోజున పసుపు దానం చేయడం శుభప్రదంగా భావిస్తారు. పసుపును దానం చేయడం వల్ల ఆర్థిక ఇబ్బందుల నుంచి ఉపశమనం లభించడంతో పాటు పేదరికం తొలగిపోతుంది.
పరివర్తిని ఏకాదశి పూజకు శుభ సమయాలు
4.పసుపు రంగు దుస్తులు: ఈ రోజు ఇంట్లో శ్రేయస్సు మరియు సంతోషం కోసం పసుపు రంగు దుస్తులు లేదా వస్తువులను దానం చేయండి.
5.నువ్వులు: శని దేవుని అశుభ ప్రభావాలను తగ్గించడానికి మరియు విష్ణువు అనుగ్రహం పొందడానికి నువ్వులను దానం చేయండి.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
పరివర్తిని ఏకాదశి వ్రతాన్ని ఆచరించడం, దానధర్మాలు చేయడం వల్ల మనసుకు శాంతి, జీవితంలో సంపద, ఆనందం లభిస్తాయని నమ్ముతారు. నిజాయితీతో భక్తితో చేస్తే మంచి ఫలితాలు ఉంటాయి.
