📌 Key Points
- పవన్ కళ్యాణ్ దర్శకుడు సుజిత్ కు కోటి రూపాయల విలువైన ఖరీదైన కారును బహుమతిగా ఇచ్చారు.
- పవన్ కారు గిఫ్ట్ పై నటుడు, నిర్మాత బండ్ల గణేష్ సోషల్ మీడియాలో స్పందించారు.
- “కంగ్రాట్యులేషన్స్.. మీకు వారు కారు ఇచ్చారు.. నాకు జీవితమే ఇచ్చారు” అంటూ పోస్ట్ చేశారు.
- బండ్ల గణేష్ పోస్ట్ వైరల్ గా మారి, పవన్ కళ్యాణ్ పట్ల ఆయనకున్న అపారమైన అభిమానాన్ని చాటింది.
పవన్ కళ్యాణ్ దర్శకుడు సుజిత్ కు ఖరీదైన కారు బహుమతిగా ఇచ్చిన విషయం తెలిసిందే. దీనిపై నటుడు, నిర్మాత బండ్ల గణేష్ సోషల్ మీడియాలో భావోద్వేగ పోస్ట్ చేశారు. ‘మీకు కారు ఇచ్చారు.. నాకు జీవితమే ఇచ్చారు’ అంటూ పవన్ పట్ల తనకున్న అభిమానాన్ని చాటుకున్నారు. ఈ పోస్ట్ ప్రస్తుతం వైరల్ గా మారింది.
పవన్ కళ్యాణ్ – బండ్ల గణేష్ మధ్య బంధం
Bandla Ganesh: బండ్ల గణేష్ పరిచయం అవసరం లేని పేరు. టాలీవుడ్ ఇండస్ట్రీలో నటుడిగా, కమెడియన్ గా కొనసాగిన బండ్ల గణేష్ అనంతరం నిర్మాతగా మారి స్టార్ హీరోలతో సినిమాలు చేసి సూపర్ సక్సెస్ అందుకొని స్టార్ ప్రొడ్యూసర్ గా పేరు ప్రఖ్యాతలను సొంతం చేసుకున్నారు. నిర్మాతగా బ్యాక్ టు బ్యాక్ సినిమాలతో హిట్ కొట్టిన బండ్ల గణేష్ (Bandla Ganesh)ఇటీవల కాలంలో పూర్తిగా సినిమాలకు దూరంగా ఉన్న సంగతి తెలిసిందే.అయితే త్వరలోనే తన రీ ఎంట్రీ ఉండబోతుందని చెప్పిన బండ్ల గణేష్ ఇప్పటివరకు తన కొత్త సినిమాని మాత్రం ప్రకటించలేదు. ఇకపోతే సోషల్ మీడియాలో ఎంతో యాక్టివ్ గా ఉండే ఈయన నిత్యం తనకు సంబంధించిన అన్ని విషయాల గురించి అభిమానులతో ముచ్చటిస్తూ ఉంటారు.
తాజాగా బండ్ల గణేష్ పవన్ కళ్యాణ్ గురించి సోషల్ మీడియా వేదికగా చేసిన పోస్ట్ వైరల్ అవుతుంది. ఇటీవల పవన్ కళ్యాణ్(Pawan Kalyan) దర్శకుడు సుజిత్(Sujeeth) కు ఖరీదైన కారును కానుకగా అందించిన సంగతి తెలిసిందే. సుమారు కోటి రూపాయల విలువచేసే ఈ కారును పవన్ కళ్యాణ్ సుజిత్ కు కానుకగా అందించడంతో అభిమానులందరూ ఎంతో సంతోషం వ్యక్తం చేశారు. అయితే ఈ విషయంపై బండ్ల గణేష్ సోషల్ మీడియా వేదికగా స్పందిస్తూ.. పవన్ కళ్యాణ్ సుజిత్ కారుతో కలిసి దిగిన ఫోటోలను షేర్ చేస్తూ..” కంగ్రాట్యులేషన్స్.. మీకు వారు కారు ఇచ్చారు.. నాకు జీవితమే ఇచ్చారు” అంటూ పోస్ట్ చేశారు.
ఇలా బండ్ల గణేష్ పవన్ కళ్యాణ్ కారును గిఫ్ట్ గా ఇవ్వడం గురించి స్పందిస్తూ చేసిన ఈ పోస్ట్ సోషల్ మీడియాలో వైరల్ అవుతుంది. పవన్ కళ్యాణ్ అంటే బండ్ల గణేష్ కు ఎంత అభిమానం ప్రత్యేకంగా చెప్పాల్సిన పనిలేదు. పవన్ కళ్యాణ్ ను ఏకంగా దేవుడిగా భావించి పూజిస్తుంటారు. ఏదైనా వేదిక ఎక్కితే పవన్ కళ్యాణ్ గురించి మాట్లాడుతూ పరమేశ్వర అని సంబోధిస్తూ ఉంటారు. ఇలా పవన్ కళ్యాణ్ తో చాలా సన్నిహితంగా ఉన్న బండ్ల గణేష్ ఇటీవల కాలంలో పవన్ కళ్యాణ్ ను కలిసిన సందర్భాలు కూడా లేవని చెప్పాలి.
సుజిత్ కు పవన్ కళ్యాణ్ ఖరీదైన కారు గిఫ్ట్
“కంగ్రాట్యులేషన్స్. మీకు వారు కారు ఇచ్చారు… నాకు జీవితమే ఇచ్చారు.”🙏 https://t.co/rS0jsNn1IX
— BANDLA GANESH. (@ganeshbandla) December 17, 2025
బండ్లన్న ఎమోషనల్ పోస్ట్: ‘నాకు జీవితమే ఇచ్చారు’
ఇక పవన్ కళ్యాణ్ రాజకీయాలలో సక్సెస్ అయినప్పటికీ బండ్ల గణేష్ ఎక్కడ ఆయనని కలిసి అభినందనలు తెలియచేయలేదు. పవన్ కళ్యాణ్ కు బండ్ల గణేష్ దూరం కావడానికి కొంతమంది ప్రమేయం ఉందని కొందరు ఉద్దేశపూర్వకంగానే తనని దూరం చేశారు అంటూ పరోక్షంగా త్రివిక్రమ్ శ్రీనివాస్ పై బండ్ల గణేష్ కామెంట్లు చేస్తూ వార్తల్లో నిలుస్తుంటారు. ఇక తాజాగా పవన్ ఇచ్చిన గిఫ్ట్ గురించి ఈయన కామెంట్ చేయడంతో ఈ పోస్ట్ కాస్త సోషల్ మీడియాలో వైరల్ అవుతుంది. సుజిత్ దర్శకత్వంలో పవన్ కళ్యాణ్ నటించిన ఓజి సినిమా మంచి సక్సెస్ అందుకున్న నేపథ్యంలో పవన్ కళ్యాణ్ డైరెక్టర్ కు ఈ ఖరీదైన కారును కానుకగా అందజేశారు.
బండ్ల గణేష్ తన రీ-ఎంట్రీని ప్రకటించనప్పటికీ, పవన్ కళ్యాణ్ పట్ల అతనికున్న భక్తి, అభిమానం మాత్రం ఎన్నటికీ తగ్గదని ఈ సంఘటన మరోసారి నిరూపించింది. వారిద్దరి మధ్య కొంతకాలంగా దూరం ఉన్నప్పటికీ, బండ్లన్న పోస్ట్ వారి బంధంపై చర్చకు దారితీసింది.
