📌 Key Points
- పెద్ది నిర్మాత వెంకట సతీష్ కిలారు కన్నీటి పర్యంతం! థియేటర్ల రిలీజ్కు అడ్డంకులు.
- రూ. 350 కోట్ల బడ్జెట్.. నష్టం వస్తుందని నిర్మాతల, ఎగ్జిబిటర్ల ముందు వేడుకోలు.
- దిల్ రాజు వర్సెస్ ఇతర నిర్మాతలు: పర్సెంటేజ్ విధానంపై టాలీవుడ్లో పెద్ద యుద్ధం!
- జూన్ 4న పెద్ది సినిమా విడుదల పక్కా అంటున్న దిల్ రాజు.. ఈ ప్రకటన వెనుక ట్విస్ట్ ఏంటి?
టాలీవుడ్లో ఇప్పుడు హాట్ టాపిక్ ‘పెద్ది’ సినిమా రిలీజ్ వివాదం! నిర్మాత వెంకట సతీష్ కిలారు కన్నీటి పర్యంతం కావాల్సిన పరిస్థితి ఎందుకొచ్చింది? థియేటర్ల మాఫియా వెనుక ఉన్న అసలు కారణాలు ఏంటి? సంచలన వివరాలు మీకోసం!
థియేటర్ల మాఫియా వెనుక అసలు కుట్ర!
Peddi Producer : పెద్ది సినిమా విడుదలకు ఎలాంటి ఆటంకాలు కలిగించొద్దని పెద్ది నిర్మాత వెంకట సతీష్ కిలారు నేడు ఫిలిం ఛాంబర్ లో నిర్మాతలను, ఎగ్జిబిటర్లని రిక్వెస్ట్ చేసుకున్నారట. తెలంగాణలో సింగిల్ స్క్రీన్ థియేటర్స్ లో రెంటల్ విధానం ఆపేసి పర్సెంటేజ్ విధానం తేవాలని ఎగ్జిబిటర్లు గత కొన్నాళ్లుగా కోరుతున్నా నిర్మాతలు ఒప్పుకోవట్లేదు.
నిర్మాత దిల్ రాజుకి తెలంగాణలో థియేటర్స్ లో ఉండటంతో ఆయన సోదరుడు, నిర్మాత శిరీష్, మరికొంతమంది ఎగ్జిబిటర్స్, ఏషియన్ సినిమాస్ నిర్మాత సునీల్ నారంగ్ ఇటీవల ఓ ప్రెస్ మీట్ పెట్టి పర్సెంటేజ్ ఇవ్వకపోతే సినిమాలు ఆపేస్తాం, థియేటర్స్ మూసేస్తాం అని వార్నింగ్ ఇచ్చారు. మరికొంతమంది ఎగ్జిబిటర్లు కూడా ప్రెస్ మీట్ పెట్టి పెద్ది సినిమా అయినా సరే పర్సెంటేజ్ విధానం ఇవ్వకపోతే రిలీజ్ చేయము అని అన్నారు.
నిర్మాత కన్నీటి విన్నపం: దిల్ రాజు రియాక్షన్!
దీంతో పెద్ది సినిమా రిలీజ్ పై సందేహాలు నెలకొన్నాయి. ఇప్పటికే వాయిదా పడింది పెద్ది సినిమా. అసలే సమ్మర్ లో ఒక్క పెద్ద సినిమా కూడా లేదు. థియేటర్స్ కి జనాల్ని రప్పించే స్టార్ హీరో సినిమా ఉన్నప్పుడు ఎగ్జిబిటర్లు ఇలా చేస్తుండటంతో విమర్శలు వస్తున్నాయి. కావాలనే పెద్దిని టార్గెట్ చేసారని ఆరోపణలు కూడా వస్తున్నాయి. అయితే ఈ థియేటర్స్ సమస్యకు సంబంధించి నేడు ఫిలిం ఛాంబర్ లో మీటింగ్ జరిగింది. ఈ మీటింగ్ లో నిర్మాతలు, డిస్ట్రిబ్యూటర్లు, ఎగ్జిబిటర్లు పాల్గొన్నారు. ఈ మీటింగ్ కి పెద్ది నిర్మాత వెంకట సతీష్ కూడా హాజరయ్యారు.
అయితే ఈ మీటింగ్ లో వెంకట సతీష్ థియేటర్స్ ఆపేస్తాం అంటున్న ఎగ్జిబిటర్లను, వాటి వెనక ఉన్న నిర్మాతలను పెద్ది సినిమాకు ఎలాంటి అడ్డంకులు సృష్టించకుండా విడుదల అయ్యేలా చూడాలని రిక్వెస్ట్ చేసుకున్నారట. దాదాపు 350 కోట్ల బడ్జెట్ పెట్టానని చెప్పి సినిమా రిలీజ్ అయ్యేలా చూడమని, లేకపోతే చాలా నష్టం వస్తుందని, ఎలాంటి ఆటంకాలు సృష్టించొద్దని, సమస్య పరిష్కారం అయినా అవ్వకపోయినా పెద్ది రిలీజ్ మాత్రం ఆపొద్దని, ఇప్పటికే సినిమా వాయిదా పడిందని వేడుకున్నారట.
‘పెద్ది’ రిలీజ్ పై చివరి మాట ఏంటి?
ఈ మీటింగ్ తర్వాత దిల్ రాజు మీడియాతో మాట్లాడుతూ.. పెద్ది సినిమా ఎలాంటి ఆటంకాలు లేకుండా జూన్ 4 రిలీజ్ అవుతుందని చెప్పడం కూడా గమనార్హం.
మొదట ఎగ్జిబిటర్లు పెట్టిన ప్రెస్ మీట్ కి కౌంటర్ గా నిర్మాతలు మైత్రి రవి, సితార నాగవంశీ, సుధాకర్ చెరుకూరి కూడా ఇటీవల ప్రెస్ మీట్ పెట్టి డైరెక్ట్ గానే దిల్ రాజు పేరు చెప్పకుండా ఆయనపై ఆరోపణలు చేసారు. హరి హర వీరమల్లు విడుదల సమయంలో ఈ సమస్య తెరపైకి వచ్చింది. అప్పటినుంచి ఎన్నో సినిమాలు విడుదలయ్యాయి. ఈ మధ్యలో మీరు చాలా సినిమాలు రిలీజ్ చేసారు. మీరు రిలీజ్ చేసినప్పుడు ఎగ్జిబిటర్స్ కష్టాలు కనపడలేదా? ఇప్పుడు మీ చేతిలో పెద్ద సినిమా లేదని బ్లాక్ మెయిల్ చెయ్యడం కరెక్ట్ కాదు అని గట్టిగానే ఫైర్ అయ్యారు. దీంతో మరోసారి దిల్ రాజుపై విమర్శలు వచ్చాయి. అందుకే నేడు మీటింగ్ తర్వాత దిల్ రాజు మీడియా ముందు పెద్ది రిలీజ్ కి ఆటంకాలు ఉండవు అని చెప్పడం గమనార్హం.
‘పెద్ది’ సినిమా రిలీజ్ వివాదంపై మరింత సమాచారం కోసం అభిమానులు ఆసక్తిగా ఎదురుచూస్తున్నారు. ఈ డ్రామా ఎటు మలుపు తిరుగుతుందో చూడాలి. మరిన్ని సంచలన అప్డేట్స్ కోసం వేచి ఉండండి!
