హిందూ ధర్మంలో పితృపక్షానికి విశేష ప్రాధాన్యత ఉంది. సెప్టెంబర్ 7 నుండి ప్రారంభమయ్యే ఈ పితృపక్షంలో, రావి, మర్రి, తులసి మొక్కలను నాటడం వల్ల పితృదేవతల అనుగ్రహం లభిస్తుందని నమ్ముతారు.
Key Points
పితృపక్షంలో రావి, మర్రి, తులసి మొక్కలు నాటండి.
పితృదేవతల అనుగ్రహం పొందండి.
కుటుంబంలో సమృద్ధి, ఆరోగ్యం పెరుగుతాయి.
పితృపక్షం ప్రాముఖ్యత
పితృపక్షానికి హిందూ మతంలో ఉన్న ప్రాముఖ్యత ఇంత అంతా కాదు. ప్రతి ఏటా పితృపక్షం భాద్రపద పౌర్ణమి నుంచి మొదలవుతుంది. 15 రోజుల పాటు పితృపక్షం ఉంటుంది. ఈ ఏడాది పితృపక్షం సెప్టెంబర్ 7న మొదలవుతుంది, సెప్టెంబర్ 21తో ముగుస్తుంది. ఈ 15 రోజులు పాటు పితృ దేవతలను ఆరాధించడం వలన పితృ దేవతలు సంతృప్తి చెందుతారు. పితృదేవతల అనుగ్రహంతో మనం కూడా సంతోషంగా ఉండొచ్చు.
ఇది ఇలా ఉంటే పితృపక్షం సమయంలో ఒక చిన్న పరిహారాన్ని పాటిస్తే శుభఫలితాలను పొందవచ్చు. పితృపక్షం సమయంలో ఈ మొక్కలను నాటడం వలన జీవితంలో సానుకూల మార్పులు చూడొచ్చు. అనేక రకాల సమస్యల నుంచి బయటపడవచ్చు. పితృపక్షం సమయంలో నాటాల్సిన మొక్కలకు సంబంధించిన పూర్తి వివరాలు తెలుసుకోండి.
పితృ పక్షం సమయంలో ఈ మూడు మొక్కలను నాటితే.. సకల సంతోషాలు, పూర్వీకుల అనుగ్రహారాన్ని పొందవచ్చు
పితృపక్షం సమయంలో రావి మొక్కను ఇంట్లో నాటడం మంచిది. రావి మొక్కను పండగలు, పర్వదినాల సమయంలో పూజిస్తారు. పితృపక్షం సమయంలో రావి మొక్కను నాటడం వలన ఇంకా ఎక్కువ ఫలితం ఉంటుంది.
నాటాల్సిన మూడు మొక్కలు
ఎందుకంటే రావి మొక్కలో పితృదేవతలు కొలువై ఉంటారని అంటారు. మీ ఇంటి దగ్గర ఈ మొక్కను నాటితే పూర్వికుల అనుగ్రహం లభించి కుటుంబమంతా సంతోషంగా ఉండొచ్చు. చనిపోయిన పూర్వీకులు సంతోషాన్ని, సంపదను కలిగిస్తారు.
మర్రి మొక్కను నాటితే కూడా రావి మొక్క నాటినట్లే ఫలితాలను పొందవచ్చు. మర్రి మొక్కను పితృపక్షం సమయంలో ఇంటి దగ్గర నాటడం వలన సకల సంతోషాలు కలుగుతాయి. ఈ సమయంలో ఈ మొక్కను నాటితే సంతోషం, ప్రశాంతత కలుగుతాయి. దీర్ఘాయువు, అమృతత్వాన్ని పొందవచ్చు.
మర్రి చట్టును పూజిస్తే దీర్ఘాయువు, అమరత్వం కలుగుతుందని నమ్మకం. ఈ చెట్టులో బ్రహ్మ, విష్ణు , మహేశ్వరులు నివసిస్తారని విశ్వాసం. పితృపక్షం సమయంలో ఇంటి బయట ఉన్న ఖాళీ ప్రదేశంలో ఈ మొక్కను నాటడం వలన సుఖ శాంతులు కలుగుతాయి. చాలా రకాల దోషాల నుంచి కూడా విముక్తి పొందవచ్చు.
మొక్కల నాటడం వల్ల లాభాలు
హిందూమతంలో తులసి మొక్కను పవిత్రంగా భావిస్తారు. తులసి మొక్కను పండుగ సమయంలో, పర్వదినాల్లో పూజిస్తారు. శుక్రవారం నాడు కూడా ప్రత్యేకించి తులసి మొక్కను ఆరాధిస్తారు.
లక్ష్మీదేవి తులసి మొక్కలో కొలువై ఉంటుందని నమ్మకం. తులసి మొక్కను పూజిస్తే విష్ణు అనుగ్రహం కూడా కలుగుతుంది. పితృపక్షం సమయంలో తులసి మొక్కను నాటడం వలన విశేష ఫలితాలను పొందవచ్చు. పితృదేవతల అనుగ్రహాన్ని కూడా పొందవచ్చు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
పితృపక్షం సమయంలో ఈ మూడు మొక్కలను నాటడం ద్వారా పితృదేవతల అనుగ్రహాన్ని పొంది, సుఖ, శాంతి, సంపదలతో కూడిన జీవితాన్ని గడపవచ్చు. శుభకార్యాలకు శ్రీకారం చుట్టండి.
