📌 Key Points
- ప్రభాస్ ‘రాజా సాబ్’ మూవీ జనవరి 9న థియేటర్లలో విడుదలైంది, ఇప్పుడు ఓటీటీలోకి!
- మారుతి దర్శకత్వంలో తెరకెక్కిన ఈ ఫాంటసీ హారర్ కామెడీ చిత్రం ఫిబ్రవరి 6 నుండి జియోహాట్ స్టార్ లో స్ట్రీమింగ్ కానుంది.
- నిధి అగర్వాల్, మాళవిక మోహనన్ హీరోయిన్లుగా నటించిన ఈ సినిమా తెలుగు, కన్నడ, తమిళ, మలయాళ భాషల్లో రిలీజ్.
- సంజయ్ దత్, బొమన్ ఇరానీ కీలక పాత్రల్లో నటించారు; పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ నిర్మాత.
పాన్ ఇండియా స్టార్ ప్రభాస్ నటించిన ‘రాజా సాబ్’ మూవీ ఓటీటీ రిలీజ్ కోసం ఎదురు చూస్తున్న అభిమానులకు గుడ్ న్యూస్! మూవీ స్ట్రీమింగ్ డేట్ ఫిక్స్ అయింది. ఇక పండగే!
జియోహాట్ స్టార్ లో రాజా సాబ్ స్ట్రీమింగ్!
The Raja Saab : పాన్ ఇండియా స్టార్ ప్రభాస్ నటించిన చిత్రం ది రాజాసాబ్. మారుతి దర్శకత్వంలో తెరకెక్కిన ఈ చిత్రం సంక్రాంతి కానుకగా జనవరి 9న ప్రేక్షకుల ముందుకు వచ్చింది. ఫాంటసీ హారర్ కామెడీ బ్యాక్ డ్రాప్తో తెరకెక్కిన ఈ చిత్రం థియేటర్లలో ప్రేక్షకులను బాగానే అలరించింది.
ఫిబ్రవరి 6 నుంచి ప్రభాస్ మూవీ సందడి
ఇక ఈ చిత్రం ఎప్పుడెప్పుడు ఓటీటీలోకి వస్తుందా? అని అంతా ఆసక్తిగాఎదురుచూస్తున్నారు. అలాంటి వారికి ఇప్పుడు జియోహాట్ స్టార్ శుభవార్త చెప్పింది. ఫిబ్రవరి 6 నుంచి ఈ చిత్రం తమ ఓటీటీ ప్లాట్ఫామ్లో స్ట్రీమింగ్ కానున్నట్లు వెల్లడించింది. తెలుగుతో పాటు కన్నడ, తమిళం, మలయాళ బాషల్లో ఈ చిత్రం అందుబాటులోకి రానుంది. థియేటర్లలో బాగానే అలరించిన ఈ చిత్రం ఓటీటీలో మరెన్ని సంచనాలు సృష్టిస్తుందో వేచి చూడాల్సిందే.
తెలుగుతో పాటు ఇతర భాషల్లోనూ!
నిధి అగర్వాల్, మాళవిక మోహనన్, రిద్ది కుమార్ కథానాయికలుగా నటించగా.. సంజయ్ దత్, బొమన్ ఇరానీ, జరీనా వాహబ్, ప్రభాస్ శ్రీను, సప్తగిరి, విటివి గణేష్, సత్య.. పలువురు కీలక పాత్రల్లో నటించారు. పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ ఈ చిత్రాన్ని నిర్మించారు.
ప్రభాస్ రాజా సాబ్ ఓటీటీలోకి వచ్చేస్తుండటంతో ఫ్యాన్స్ ఆనందానికి అవధుల్లేవు. మరిన్ని అప్డేట్స్ కోసం చూస్తూనే ఉండండి.
