నిహారిక ఎన్ఎమ్, ప్రియదర్శి ప్రధాన పాత్రల్లో నటిస్తున్న ‘మిత్రమండలి’ చిత్రం విడుదలకు సిద్ధమవుతోంది. ప్రమోషన్లలో భాగంగా జరిగిన ప్రీ-రిలీజ్ ఈవెంట్లో నటుడు ప్రసాద్ బెహరా ఆసక్తికర వ్యాఖ్యలు చేశారు. విష్ణు ఓయ్తో తాను పడిన గొడవల గురించి ప్రసాద్ వివరించారు, ఇది ప్రస్తుతం వైరల్గా మారింది.
Key Points
'మిత్రమండలి' చిత్రం అక్టోబర్ 17న ప్రేక్షకుల ముందుకు రానుంది.
ప్రీ-రిలీజ్ ఈవెంట్లో ప్రసాద్ బెహరా విష్ణు ఓయ్పై ఆసక్తికర వ్యాఖ్యలు చేశారు.
విష్ణుతో తాను బట్టలు చింపుకునేలా గొడవ పడ్డట్లు ప్రసాద్ వెల్లడించారు.
తప్పు లేకపోయినా క్షమాపణలు చెప్పే విష్ణు మంచి గుణాన్ని నెటిజన్లు ప్రశంసిస్తున్నారు.
‘మిత్రమండలి’ ప్రీ-రిలీజ్ ఈవెంట్
నిహారిక ఎన్ఎమ్(Niharika NM), ప్రియదర్శి(Priyadarshi), విష్ణు ఓయ్, ప్రసాద్ బెహరా(Prasad Behara), రాగ్ మయూర్ ప్రధాన పాత్రలో నటిస్తున్న లేటెస్ట్ మూవీ ‘మిత్రమండలి’(mithra mandali). ఈ చిత్రంతో విజయేందర్ ఎస్ దర్శకుడిగా ఇండస్ట్రీకి పరిచయం కాబోతున్నాడు. బన్నీ వాసు సమర్పణలో రాబోతుండగా.. సప్త అశ్వ మీడియా వర్క్స్, వైరా ఎంటర్టైన్మెంట్స్ బ్యానర్స్పై నిర్మిస్తున్నారు. ఇప్పటికే ఈ సినిమా నుంచి అప్డేట్స్ అన్ని ప్రేక్షకులను ఎంతగానో ఆకట్టుకున్నాయి. ఇక ఈ చిత్రం అక్టోబర్ 17న విడుదల కానుంది. దీంతో రిలీజ్ తేదీ దగ్గర పడటంతో చిత్రబృందం ప్రమోషన్స్ జోరు పెంచారు. ఇందులో భాగంగా తాజాగా, ‘మిత్రమండలి’ ప్రీ-రిలీజ్ ఈవెంట్ నిర్వహించారు.
ఇక ఈ కార్యక్రమంలో పాల్గొన్న ప్రసాద్ బెహరా ఆసక్తికర కామెంట్స్ చేశాడు. ‘‘నా టీమ్లో విష్ణు నేను బట్టలు చింపేసుకునేలా క్యారవాన్లో కొట్టేసుకున్నాం. చాలా సార్లు అలా చేశాం. నేను దాన్ని బయటకు తీసుకెళ్లి అట్లా చేస్తున్నాడని పెద్ద డ్రామా చేశాను. ఆరోజంతా మాట్లాడటం మానేశాను. అయినప్పటికీ సిగ్గు లేకుండా కలిపోయేవాడు విష్ణు. మామ నేను మాట్లాడితే కానీ నువ్వు మాట్లాడవా అనేవాడు. చాలా గ్రేట్ క్వాలిటీ. తన తప్పు లేకపోయినా చాలా సార్లు నాకు క్షమాపణలు చెప్పాడు’’ అని చెప్పుకొచ్చాడు. ప్రస్తుతం ఇందుకు సంబంధించిన వీడియో నెట్టింట చక్కర్లు కొడుతోంది. దీంతో ఈ విషయం తెలుసుకున్న నెటిజన్లు విష్ణుపై ప్రశంసలు కురిపిస్తున్నారు.
ప్రసాద్ బెహరా సంచలన వ్యాఖ్యలు
విష్ణుపై నెటిజన్ల ప్రశంసలు
మిత్రమండలి ప్రీ-రిలీజ్ ఈవెంట్లో ప్రసాద్ బెహరా చేసిన కామెంట్లు ప్రస్తుతం వైరల్గా మారాయి. విష్ణు తప్పు లేకపోయినా క్షమాపణలు చెప్పే క్వాలిటీపై నెటిజన్లు ప్రశంసలు కురిపిస్తున్నారు. సినిమా విడుదల కోసం ప్రేక్షకులు ఆసక్తిగా ఎదురుచూస్తున్నారు.
