పవర్ స్టార్ పవన్ కళ్యాణ్ నటించిన OG సినిమా ప్రమోషన్స్ ఊపందుకున్నాయి. ఈ సందర్భంగా హీరోయిన్ ప్రియాంక మోహన్ మీడియాతో మాట్లాడుతూ సినిమా, పవన్ కళ్యాణ్ గురించి ఆసక్తికరమైన విషయాలు వెల్లడించింది.
Key Points
ప్రియాంక మోహన్ OG సినిమా ప్రమోషన్స్లో పాల్గొంది.
పవన్ కళ్యాణ్ గారితో పనిచేసిన అనుభవం గురించి మాట్లాడింది.
సినిమా షూటింగ్, దర్శకుడు, నిర్మాణ సంస్థ గురించి వివరాలు పంచుకుంది.
ప్రియాంక మోహన్ – OG సినిమా ప్రమోషన్స్
Priyanka Mohan : పవర్ స్టార్ పవన్ కళ్యాణ్ OG సినిమా కోసం ఫ్యాన్స్ ఎంతగానో ఎదురుచూస్తున్న సంగతి తెలిసిందే. ఇప్పటికే ఈ సినిమా నుంచి రిలీజయిన సాంగ్స్, గ్లింప్స్, తో సినిమాపై భారీ హైప్ నెలకొంది. సెప్టెంబర్ 25న ఈ సినిమా గ్రాండ్ గా రిలీజ్ కాబోతుంది. డీవీవీ ఎంటర్టైన్మెంట్ బ్యానర్ పై డీవీవీ దానయ్య, కళ్యాణ్ దాసరి నిర్మాణంలో సుజీత్ దర్శకత్వంలో ఈ సినిమా తెరెక్కుతుంది. తాజాగా ఈ సినిమా ప్రమోషన్స్ మొదలుపెట్టారు. ప్రమోషన్స్ లో భాగంగా హీరోయిన్ ప్రియాంక మోహన్ నేడు మీడియాతో మాట్లాడింది.(Priyanka Mohan)
ప్రియాంక మోహన్ పవన్ కళ్యాణ్ గురించి గురించి చెప్తూ.. ఓజీతో ఆల్మోస్ట్ రెండున్నరేళ్ల ప్రయాణం నాది. ఈ ప్రయాణాన్ని ఎప్పటికీ మరిచిపోలేను. పవన్ కళ్యాణ్ గారితో కలిసి నటించే అవకాశం రావడం అదృష్టం. పవన్ కళ్యాణ్ గారి నుంచి ఎన్నో నేర్చుకున్నాను. ఆయన అందరినీ సమానంగా చూస్తారు. ఆన్ స్క్రీన్ లో, ఆఫ్ స్క్రీన్ లో ఆయన రియల్ హీరో. నేను బెంగళూరులో ఉన్నప్పుడే ఆయన క్రేజ్ గురించి తెలుసు. ఆయనతో కలిసి నటిస్తున్నప్పుడు నేను ఊహించిన దానికంటే ఇంకా ఎక్కువ క్రేజ్ ఉంది అని తెలిసింది. ఎంత క్రేజ్ ఉన్నా కూడా పవన్ గారు ఒదిగే ఉంటారు. ఆయన ఎక్కువగా పుస్తకాల గురించి మాట్లాడతారు. అప్పుడప్పుడు సినిమాలు, రాజకీయాల గురించి, ప్రజల గురించి మాట్లాడతారు. షూట్ చేయడానికి ముందు దర్శకుడు, నటీనటులతో పవన్ కళ్యాణ్ గారు చర్చిస్తారు, సూచనలు ఇస్తుంటారు. నటుడిగా కూడా ఆయన తన పాత్రను చాలా సులభంగా చేస్తుంటారు అని తెలిపింది.
పవన్ కళ్యాణ్ గురించి ప్రియాంక అభిప్రాయం
ఈ సినిమాలో ఛాన్స్ గురించి, తన పాత్ర గురించి మాట్లాడుతూ.. సినిమా అనౌన్స్ చేసిన తర్వాతే నేను ఈ సినిమాలోకి వచ్చాను. నాకు వీడియో కాల్ లో నేరేషన్ ఇచ్చారు డైరెక్టర్. సరిపోదా శనివారం కంటే ముందే ఈ సినిమాలో సెలెక్ట్ అయ్యాను. పైగా పవన్ కళ్యాణ్ గారి సినిమా. ఇందులో కణ్మని అనే పాత్ర చేస్తున్నాను. ఈ పాత్రకి నా మనసులో ప్రత్యేక స్థానముంటుంది. ఇది 1980-90లలో జరిగే కథ. నా పాత్ర, ఆహార్యం అప్పటికి తగ్గట్టుగానే ఉంటుంది. కణ్మని ఒక ఇన్నోసెంట్ స్వీట్ గర్ల్. గంభీర పాత్రతో గాఢమైన ప్రేమలో ఉంటుంది. గంభీర జీవితాన్ని మలుపు తిప్పే పాత్ర కణ్మని అని తెలిపింది.
కణ్మని పాత్ర గురించి వివరణ
దర్శకుడు సుజీత్, నిర్మాణ సంస్థ గురించి మాట్లాడుతూ.. సీన్ ఎలా తీయాలి, నటీనటుల నుంచి ఎలాంటి నటన రాబట్టుకోవాలి.. అని ప్రతి విషయంపై ఆయనకు స్పష్టత ఉంది. నా క్యారెక్టర్, లుక్స్ బాగున్నాయంటే దానికి కారణం సుజీత్ గారే. డీవీవీ ఎంటర్టైన్మెంట్ నాకు హోమ్ ప్రొడక్షన్ లాగా అయిపోయింది. డీవీవీ బ్యానర్ లో వరుసగా రెండు సినిమాలు చేశాను అని తెలిపింది.
మొత్తంమీద, ప్రియాంక మోహన్ OG సినిమాలో తన పాత్ర మరియు షూటింగ్ అనుభవం గురించి ఆసక్తికరమైన విషయాలను పంచుకుంది. పవన్ కళ్యాణ్ గారితో పనిచేసిన అనుభవం ఆమెకు ఎంతో ప్రత్యేకమైనది అని తెలిపింది.
