షాకింగ్: రాజాసాబ్ థియేటర్లో అగ్నిప్రమాదం! ప్రభాస్ ఫ్యాన్స్ హంగామాతో భారీ నష్టం!!

Published: 09-01-2026, 11:15 AM

📌 Key Points

ఒడిశాలో రాజాసాబ్ థియేటర్లో అగ్నిప్రమాదం: అభిమానుల అత్యుత్సాహంతో బాణాసంచా పేల్చి మంటలు!
థియేటర్లో పేలిన టపాకాయలు, స్క్రీన్ ముందు కాగితాలకు అంటుకున్న నిప్పు, తప్పిన పెను ప్రమాదం!
వెంటనే స్పందించిన థియేటర్ యాజమాన్యం, ప్రేక్షకులు: అదుపులోకి వచ్చిన మంటలు, ఊపిరి పీల్చుకున్న అందరూ!
సోషల్ మీడియాలో వైరల్ అవుతున్న వీడియో: బాధ్యత లేకుండా ప్రవర్తించిన అభిమానులపై నెటిజన్ల ఆగ్రహం, మండిపాటు!

పాన్ ఇండియా స్టార్ ప్రభాస్ నటించిన రాజాసాబ్ సినిమా విడుదలైన సంగతి తెలిసిందే. అయితే, ఈ సినిమా ప్రదర్శిస్తున్న థియేటర్లో ఊహించని ప్రమాదం జరిగింది. అసలేం జరిగిందో తెలుసుకోవాలంటే ఈ కథనం చదవండి.

థియేటర్లో బాణాసంచా: తప్పిన ప్రమాదం

ప్రభాస్ హీరోగా నటించిన రాజాసాబ్ సినిమా ప్రదర్శిస్తున్న థియేటర్ లో అగ్నిప్రమాదం చోటు చేసుకుంది. రాజాసాబ్ పాన్ ఇండియా లెవల్ లో విడుదలైన సంగతి తెలిసిందే. ఈ నేపథ్యంలోనే ఒడిశాలో సైతం రిలీజ్ అయింది. కాగా రాయగడలోని ఓ థియేటర్లో అభిమానులు రెచ్చిపోయారు. థియేటర్ లోనే బాణాసంచా పేల్చడంతో స్క్రీన్ ముందు ఉన్న కాగితాలపై టపాకాయలు పడి మంటలు చెలరేగాయి.

దీంతో వెంటనే స్పందించిన థియేటర్ యాజమాన్యం, ప్రేక్షకులు వెంటనే మంటలు ఆర్పేశారు. స్క్రీన్, సీట్లకు మంటలు అంటుకుని ఉంటే పెను ప్రమాదం జరిగేదని థియేటర్ యాజమాన్యం ఆందోళన వ్యక్తం చేసింది. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది. దీంతో నెటిజన్లు ఆగ్రహం వ్యక్తం చేస్తున్నారు. సినిమాను ఎంజాయ్ చేయాలని కానీ ఇలాంటి పనులు చేస్తే కాలక్షేపం కోసం వచ్చే వాళ్ల ప్రాణాలు రిస్క్ లో పడతాయని ఆగ్రహం వ్యక్తం చేస్తున్నారు. ఏ హీరో అభిమానులు అయితే పిచ్చి తగ్గించుకోవాలని చురకలు అంటిస్తున్నారు.