📌 Key Points
- రణ్వీర్ సింగ్ ‘దురంధర్’ రికార్డులను రాజమౌళి ‘వారణాసి’ బద్దలు కొడుతుందని అంచనా.
- ‘వారణాసి’ సినిమాపై ప్రపంచవ్యాప్తంగా భారీ అంచనాలు ఉన్నాయి.
- ‘దురంధర్’ నార్త్ బెల్ట్లోనే ఎక్కువ హైప్ క్రియేట్ చేస్తే, ‘వారణాసి’ గ్లోబల్ మార్కెట్ను టార్గెట్ చేస్తోంది.
- ‘వారణాసి’ సినిమాకు యావరేజ్ టాక్ వచ్చినా, ‘దురంధర్’ లైఫ్ టైమ్ కలెక్షన్లను దాటేస్తుందని విశ్లేషకులు చెబుతున్నారు.
రణ్వీర్ సింగ్ ‘దురంధర్ 2’ బాలీవుడ్ బాక్సాఫీస్ వద్ద రికార్డులు సృష్టిస్తుంటే, రాజమౌళి-మహేష్ బాబుల ‘వారణాసి’ విడుదల కోసం అందరూ ఎదురు చూస్తున్నారు. ‘వారణాసి’ సినిమా బాలీవుడ్ రికార్డులను తుడిచిపెడుతుందని ట్రేడ్ వర్గాలు అంచనా వేస్తున్నాయి.
దురంధర్ రికార్డులకు గండి కొట్టేనా?
Varanasi: ప్రస్తుతం బాక్సాఫీస్ వద్ద రణ్వీర్ సింగ్ ‘ధురంధర్ 2’ సృష్టిస్తున్న హడావుడి చూసి బాలీవుడ్ వర్గాలు పండగ చేసుకుంటున్నాయి. మూడు రోజుల్లో 500 కోట్లు, వారం తిరగకముందే 1000 కోట్లు అంటూ ఊదరగొడుతున్నారు. అయితే, ఈ ‘ధురంధర్’ ప్రతాపం అంతా రాజమౌళి – మహేష్ బాబుల ‘వారణాసి’ థియేటర్లలోకి అడుగుపెట్టే వరకే! జక్కన్న వెండితెరపై తన విశ్వరూపాన్ని చూపించడం మొదలుపెడితే, ఈ 1000 కోట్ల రికార్డులు చిత్తు కాగితాల్లా గాలిలో కలిసిపోవడం ఖాయం.
ధురంధర్ రికార్డులు.. ఏడాది ముచ్చటే! రణ్వీర్ సింగ్ స్పై థ్రిల్లర్ కుర్రాళ్ళను ఊపేస్తుండొచ్చు కానీ, రాజమౌళి సినిమా అంటే అది ఒక ఎమోషన్. వచ్చే ఏడాది వేసవిలో ‘వారణాసి’ ల్యాండ్ అయితే, ధురంధర్ సెట్ చేసిన ఏ టార్గెట్ అయినా మహేష్ బాబుకు చాలా చిన్నదిగా అనిపిస్తుంది. కేవలం మూడు రోజుల్లోనే ధురంధర్ ఓవరాల్ రికార్డులను వారణాసి తుడిచిపెట్టేస్తుందని ట్రేడ్ పండితులు లెక్కలు వేస్తున్నారు. రాజమౌళి బ్రాండ్ ఇమేజ్ ముందు బాలీవుడ్ స్పై యూనివర్స్ అన్నీ ‘జుజుబీ’ అని సోషల్ మీడియాలో సెటైర్లు పేలుతున్నాయి.
రామాయణం కంటే ‘వారణాసి’కే క్రేజ్?
రామాయణానికే లేని రీచ్.. వారణాసికి సాధ్యమా? ఈ ఏడాది భారీ అంచనాలతో రాబోతున్న ‘రామాయణం’ సినిమా కంటే, ‘వారణాసి’పైనే వరల్డ్ వైడ్ గా ఎక్కువ బజ్ ఉంది. పాన్-ఇండియా కాదు, ఇది ‘పాన్-వరల్డ్’ సినిమా! కాశ్మీర్ నుంచి కన్యాకుమారి వరకు ప్రతి సినిమా ప్రేమికుడు మహేష్ బాబును రాజమౌళి ఫ్రేమ్ లో చూడాలని తహతహలాడుతున్నాడు. ధురంధర్ కు కేవలం నార్త్ బెల్ట్ లోనే ఎక్కువ హైప్ ఉంటే, వారణాసి మాత్రం గ్లోబల్ మార్కెట్ ను టార్గెట్ చేస్తోంది. ఓవర్సీస్ కలెక్షన్ల విషయంలో మహేష్ బాబు సృష్టించే ప్రభంజనం ముందు రణ్వీర్ సింగ్ నంబర్స్ చాలా ‘మిడ్’ (Mid) గా అనిపించడం ఖాయం.
రికార్డుల వేటలో ‘అసలైన చాలెంజ్’ వారణాసికే! ధురంధర్ సినిమాకు టికెట్ల రేట్లు, హైప్ అన్నీ కలిసొచ్చినా.. వారణాసి రేంజ్ రీచ్ దానికి లేదనేది పచ్చి నిజం. రాజమౌళి సినిమాకి వచ్చే ఓపెనింగ్స్ చూసి బాలీవుడ్ మేకర్స్ బెంబేలెత్తిపోతున్నారు. వారణాసి సినిమాకు ఒకవేళ ‘యావరేజ్’ టాక్ వచ్చినా సరే, అది ధురంధర్ లైఫ్ టైమ్ కలెక్షన్లను వారం రోజుల్లోనే దాటేస్తుంది. అసలైన బాక్సాఫీస్ యుద్ధం రాజమౌళి – మహేష్ బాబు బరిలోకి దిగినప్పుడే మొదలవుతుంది. అప్పటిదాకా ధురంధర్ టీమ్ ఈ చిన్నపాటి రికార్డులతో సంబరాలు చేసుకోవాల్సిందే!
రికార్డుల వేటలో అసలైన సవాల్ ఇదే!
బాలీవుడ్ ఎంత ఎగిరెగిరి పడినా, ఇండియన్ సినిమా కింగ్ మేకర్ రాజమౌళి అని ‘వారణాసి’ మరోసారి ప్రూవ్ చేయబోతోంది. ధురంధర్ 2 సృష్టించిన ఈ 1000 కోట్ల బెంచ్ మార్క్, మహేష్ బాబుకి కేవలం ఒక చిన్న ‘మైలురాయి’ మాత్రమే. మరి ఈ భారీ యుద్ధంలో గెలిచేది ఎవరో, రికార్డులు తిరగరాసేది ఎవరో చూడాలి!
రాజమౌళి సినిమా విడుదల కోసం ఎదురుచూస్తున్న అభిమానులకు ఇది శుభవార్త. ‘వారణాసి’ చిత్రం బాలీవుడ్ రికార్డులను బద్దలు కొట్టేందుకు సిద్ధంగా ఉందని విశ్లేషకులు భావిస్తున్నారు. బాక్సాఫీస్ వద్ద అసలైన యుద్ధం ఇప్పుడే మొదలవుతుంది.
