📌 Key Points
- రాజశేఖర్ డాక్టర్ చదువు పూర్తి చేసి, సినిమాలపై ఆసక్తితో ఇండస్ట్రీకి ఎంట్రీ.
- శ్రీదేవి ఫ్యామిలీ నుంచి రాజశేఖర్ కి పెళ్లి ప్రపోజల్ వచ్చినట్లు వెల్లడి.
- జీవిత ముందు ప్రపోజ్ చేయడంతో ఆమెనే పెళ్లి చేసుకున్నానని తెలిపిన రాజశేఖర్.
- శ్రీదేవిని పెళ్లి చేసుకుంటే బాగుండేదని కూతుళ్లు సరదాగా ఏడిపిస్తుంటారని వెల్లడి.
యాంగ్రీ స్టార్ రాజశేఖర్ జీవితంలో ఊహించని సంఘటనలు! శ్రీదేవితో పెళ్లి ప్రపోజల్ రావడం సంచలనం రేపింది. అసలు ఏం జరిగిందో తెలుసుకోవాలంటే ఈ కథనం చదవండి.
శ్రీదేవితో పెళ్లి ప్రపోజల్: రాజశేఖర్ రియాక్షన్!
యాంగ్రీ స్టార్ రాజశేఖర్ జీవితం ఎన్నో మలుపులు తిరిగింది. రాజశేఖర్ డాక్టర్ చదివారు. వైద్య వృత్తిలో ఉన్న సమయంలో సినిమాలపై ఆసక్తి కలిగింది. కానీ సినిమాల్లోకి రావడానికి ఆయన కుటుంబ సభ్యులు అంగీకరించలేదట. కానీ చివరికి ఒక కండిషన్ పై ఒప్పుకున్నట్లు రాజశేఖర్ ఓ ఇంటర్వ్యూలో తెలిపారు. ఆ కండిషన్ ఏంటంటే.. సినిమాల్లోకి వెళ్లిన తర్వాత ఎవరినీ ప్రేమించకూడదు. మేము చెప్పిన అమ్మాయినే పెళ్లి చేసుకోవాలి అని నిబంధన పెట్టారట.
దానికి అంగీకరించి రాజశేఖర్ నటుడిగా మారారు. ఇండస్ట్రీకి వచ్చిన కొత్తల్లోనే రాజశేఖర్ కి పెళ్లి ప్రపోజల్స్ వచ్చాయి. రాజశేఖర్ మాట్లాడుతూ.. అతిలోక సుందరి శ్రీదేవి నుంచి పెళ్లి ప్రపోజల్ వచ్చింది. వారి కుటుంబ సభ్యులు అడిగారు. శ్రీదేవి వాళ్ళ నాన్నకి, మా నాన్నతో పరిచయం ఉంది. ఆ విధంగా ప్రపోజల్ వచ్చింది. కానీ మా ఇంట్లో వాళ్ళు వద్దు అన్నారు.
జీవితతో ప్రేమ, పెళ్లి గురించి రాజశేఖర్ కామెంట్స్!
సినిమా వాళ్ళని పెళ్లి చేసుకోవడం ఇంట్లో ఇష్టం లేదు. అదే విధంగా హీరోయిన్ శ్రీలత ఫ్యామిలీ నుంచి కూడా ప్రపోజల్ వచ్చినట్లు రాజశేఖర్ తెలిపారు. కానీ తాను జీవిత ప్రేమలో పడ్డానని అన్నారు. ముందుగా జీవితే తనకి ప్రపోజ్ చేసింది అని రాజశేఖర్ తెలిపారు.
కానీ ఆ టైంలో జీవితకి నేను చెప్పాను. శ్రీదేవి ఇంటి నుంచి ప్రపోజల్ వస్తేనే మా ఇంట్లో ఒప్పుకోలేదు. సినిమావాళ్లు వద్దు అని అన్నారు. మన పెళ్లిని ఒప్పుకుంటారో లేదు తెలియదు. చాలా ఫైట్ చేయాలి అని రాజశేఖర్ తెలిపారు.
కూతుళ్ల సరదా కామెంట్స్: శ్రీదేవి ఆంటీని పెళ్లి చేసుకుంటే బాగుండేది!
శ్రీదేవిని చేసుకుని ఉంటే ఇంకా బావుండేది అని ఎప్పుడైనా అనిపించిందా అని యాంకర్ ప్రశ్నించగా.. ఛీ ఛీ అలాంటిది ఏమీ లేదు. జీవితే నాకు పర్ఫెక్ట్. ఆమెని చేసుకోవడం నా అదృష్టం. నా కూతుళ్లు కూడా నన్ను అప్పుడప్పుడూ ఏడిపిస్తుంటారు.. డాడీ నువ్వు శ్రీదేవి ఆంటీని పెళ్లి చేసుకుని ఉండాల్సింది.. నీకు తెలిసేది అని తమాషా చేస్తుంటారు అంటూ రాజశేఖర్ గుర్తు చేసుకున్నారు.
రాజశేఖర్ జీవితంలో జరిగిన ఈ సంఘటన టాలీవుడ్ లో హాట్ టాపిక్ గా మారింది. మరిన్ని ఆసక్తికరమైన విషయాల కోసం చూస్తూ ఉండండి.
