రజనీకాంత్ అభిమానులకు శుభవార్త! సూపర్ స్టార్ తలైవా 173 చిత్రంపై అప్డేట్ వచ్చేసింది. రజనీకాంత్ హీరోగా, కమల్ హాసన్ ప్రొడ్యూసర్గా సుందర్ సి దర్శకత్వంలో ఈ సినిమా రానుంది. పొంగల్ 2027న విడుదల కానున్న ఈ భారీ ప్రాజెక్ట్ వివరాలను కమల్ హాసన్ ప్రకటించారు.
Key Points
రజనీకాంత్ హీరోగా, కమల్ హాసన్ ప్రొడ్యూసర్గా 'తలైవా 173' మూవీ అనౌన్స్ అయ్యింది.
బుధవారం (నవంబర్ 5) కమల్ హాసన్ తన ఎక్స్ (గతంలో ట్విట్టర్) అకౌంట్ ద్వారా వెల్లడించారు.
సుందర్ సి దర్శకత్వంలో తెరకెక్కుతున్న ఈ చిత్రం పొంగల్ 2027న విడుదల కానుంది.
ఈ సందర్భంగా రజనీకాంత్, కమల్ హాసన్ చేతులు కలిపిన ఫోటో సోషల్ మీడియాలో వైరల్.
రజనీకాంత్, కమల్ హాసన్ కాంబో: కీలక వివరాలు
కమల్ హాసన్ ప్రొడ్యూసర్ గా రజనీకాంత్ నెక్ట్స్ మూవీ రాబోతోంది. ఈ సినిమా అనౌన్స్మెంట్ బుధవారం (నవంబర్ 5) వచ్చేసింది. కమల్ హాసన్ తన ఎక్స్ అకౌంట్ ద్వారా ఈ విషయం వెల్లడించాడు. పొంగల్ 2027 సందర్భంగా మూవీ రిలీజ్ కానుంది.
ఇద్దరు తమిళ సూపర్ స్టార్లు మళ్లీ చేతులు కలిపారు. అయితే ఇద్దరూ తెరపైన కలిసి కనిపించడం లేదు. కమల్ హాసన్ ఈ సినిమాను నిర్మిస్తుండగా.. రజనీకాంత్ లీడ్ రోల్లో నటించబోతున్నాడు. తలైవా 173 మూవీ అనౌన్స్మెంట్ బుధవారం (నవంబర్ 5) జరిగింది. కమల్ ఏం ట్వీట్ చేశాడో చూడండి.
కమల్ హాసన్ ట్వీట్: ఏం చెప్పారంటే
రజనీకాంత్ హీరో, కమల్ హాసన్ ప్రొడ్యూసర్
“గాలిలా, వర్షంలా, నదిలా.. వర్షంలా కురుద్దాం.. ఎంజాయ్ చేద్దాం.. జీవిద్దాం.. రాజ్కమల్ ఫిల్మ్స్ ఇంటర్నేషనల్ ప్రొడక్షన్ లో సుందర్ సి డైరెక్షన్ లో నా డియర్ ఫ్రెండ్ సూపర్ స్టార్ రజనీకాంత్ నటిస్తున్నాడు. తలైవా173, పొంగల్ 2027” అనే క్యాప్షన్ తో కమల్ ట్వీట్ చేశాడు.
‘తలైవా 173’ డైరెక్టర్, రిలీజ్ డేట్
ఈ మూవీ అనౌన్స్మెంట్ సందర్భంగా కమల్ హాసన్, రజనీకాంత్ చేతులు కలిపిన ఫొటో ఇప్పుడు సోషల్ మీడియాలో వైరల్ అవుతోంది. అయితే ఈ ఇద్దరూ కలిసి తెరపై కనిపించనున్నారన్న వార్తల నేపథ్యంలో అది జరగకపోవడం కాస్త నిరాశకు గురి చేసింది. అయితే ఈ ఇద్దరూ మరో సినిమా కోసం పని చేయనున్నారని, దీనికి డైరెక్టర్ ఫైనల్ కావాల్సి ఉందని కూడా వార్తలు వచ్చాయి. గతంలో రజనీకాంత్ కూడా ఇదే విషయం చెప్పాడు. ఆ మూవీ అనౌన్స్మెంట్ కోసం ఇప్పుడు ఫ్యాన్స్ ఎదురు చూస్తున్నారు.
సూపర్ స్టార్ రజనీకాంత్, కమల్ హాసన్ కాంబినేషన్లో రాబోతున్న ‘తలైవా 173’ చిత్రంపై అంచనాలు భారీగా ఉన్నాయి. తెరపై కాకుండా నిర్మాణం ద్వారా వీరి కలయిక అభిమానులకు కొత్త అనుభూతిని ఇవ్వనుంది. మరిన్ని వివరాలు త్వరలో వెలువడనున్నాయి.
