📌 Key Points
- తలైవర్ 173 నుండి సిబి చక్రవర్తి అవుట్! దర్శకుడు మార్పుతో అభిమానుల్లో అయోమయం!
- రజినీకాంత్ కొత్త సినిమాకు అశ్వత్ మరిముత్తు దర్శకత్వం? త్వరలో అధికారిక ప్రకటన!
- కమల్ హాసన్ నిర్మాణంలో రజినీకాంత్ చిత్రం! ఇద్దరి కాంబో కోసం అభిమానుల ఎదురుచూపు!
- జైలర్-2 షూటింగ్లో బిజీగా రజినీకాంత్, త్వరలో తలైవర్ 173 అప్డేట్స్!
సూపర్ స్టార్ రజినీకాంత్ తన తదుపరి సినిమాతో మరోసారి టాలీవుడ్ను షేక్ చేయడానికి సిద్ధంగా ఉన్నారు. తలైవర్ 173 చిత్రం అనేక ఊహించని మార్పులతో సంచలనం సృష్టిస్తోంది. ఈ సినిమా గురించిన హాట్ న్యూస్ ఇప్పుడు వైరల్ అవుతోంది.
తలైవర్ 173లో ఊహించని మార్పులు!
సూపర్ స్టార్ రజినీకాంత్ వయసు పెరుగుతున్నా తన వేగాన్ని ఏమాత్రం తగ్గించడం లేదు. వరుస పెట్టి సినిమాలు అనౌన్స్ చేస్తూ కుర్ర హీరోలకు గట్టి పోటీనిస్తున్నారు. ప్రస్తుతం నెల్సన్ దిలీప్ కుమార్ దర్శకత్వంలో ‘జైలర్-2’ షూటింగ్లో బిజీగా ఉన్న తలైవర్, తన 173వ ప్రాజెక్ట్ కూడా లైన్లో పెట్టారు. అయితే, ఈ సినిమాకు సంబంధించి ఓ ఆసక్తికరమైన ట్విస్ట్ వెలుగులోకి వచ్చింది. మొదట ఈ చిత్రానికి ‘డాన్’ ఫేమ్ సిబి చక్కవర్తి దర్శకత్వం వహిస్తారని అధికారికంగా ప్రకటించిన సంగతి తెలిసిందే. కానీ, ఏమైందో ఏమో కానీ.. ఇప్పుడు ఈ ప్రాజెక్ట్ నుంచి ఆయన తప్పుకున్నట్లు తెలుస్తోంది. అంతకంటే ముందు సుందర్ సి పేరు కూడా వినిపించినా, ఆయన కూడా ఈ రేసులో లేరు. ఇలా వరుసగా దర్శకులు మారుతుండటంతో సినిమా అసలు పట్టాలెక్కుతుందా? లేదా? అని అభిమానులు కాస్త కంగారు పడ్డారు. అసలు ఈ ప్రాజెక్ట్ వస్తుందా? లేదా అని అయోమయంలో ఉన్నారు. ఈ క్రమంలోనే ‘ఓ మై కడవులే’ చిత్రంతో తనకంటూ ఒక ప్రత్యేక గుర్తింపు తెచ్చుకున్న యంగ్ డైరెక్టర్ అశ్వత్ మరిముత్తు పేరు ఇప్పుడు బలంగా వినిపిస్తోంది.
తాజాగా, ఓ ఇంటర్వ్యూలో అశ్వత్ మాట్లాడుతూ.. తాను ఇప్పటికే రజినీకాంత్కు ఒక అద్భుతమైన కథను వినిపించానని, అది సూపర్ స్టార్కు బాగా నచ్చిందని చెప్పారు. అశ్వత్ చెప్పిన కథలోని కొత్తదనం, ఆయన మేకింగ్ స్టైల్ రజినీని ఫిదా చేశాయట. దీంతో తలైవర్-173 బాధ్యతలను అశ్వత్కే అప్పగించాలని మేకర్స్ దాదాపు ఫిక్స్ అయినట్లు సమాచారం. ఒకవైపు కొత్త దర్శకుడి రాకతో సినిమాపై ఆసక్తి పెరిగినా, మరోవైపు ఈ మార్పులు చూస్తుంటే ప్రాజెక్ట్ ఎప్పుడు మొదలవుతుందోనన్న అనుమానాలు కూడా వ్యక్తమవుతున్నాయి. త్వరలోనే ఈ కాంబినేషన్పై అధికారిక ప్రకటన వచ్చే అవకాశం ఉంది. రజినీకాంత్ ఎనర్జీకి, అశ్వత్ మరిముత్తు కొత్త ఆలోచనలు తోడైతే బాక్సాఫీస్ వద్ద సరికొత్త రికార్డులు ఖాయమని ఫ్యాన్స్ భావిస్తున్నారు. కాగా.. ఈ ప్రాజెక్ట్లో రజినీకాంత్ హీరోగా నటిస్తుండగా.. కమల్ హాసన్ నిర్మిణ బాధ్యతలు నిర్వర్తిస్తున్నారు.
కొత్త దర్శకుడితో రజినీకాంత్ మూవీ!
కమల్ హాసన్ నిర్మాణంలో రజినీ చిత్రం!
రజినీకాంత్, అశ్వత్ మరిముత్తు కాంబినేషన్ కోసం అభిమానులు ఆసక్తిగా ఎదురుచూస్తున్నారు. త్వరలోనే ఈ సినిమా గురించి మరిన్ని అప్డేట్స్ వస్తాయి. వేచి ఉండండి!
