📌 Key Points
- రామ్ చరణ్ ‘పెద్ది’ మూవీ ఏప్రిల్ 30న గ్రాండ్ రిలీజ్!
- చికిరి సాంగ్కు ఏఆర్ రెహమాన్ సంగీతం, రామ్ చరణ్ స్టెప్పులు వైరల్!
- జాన్వీ కపూర్ హీరోయిన్గా నటిస్తున్న ఈ చిత్రం పాన్ ఇండియా మూవీ!
- గేమ్ ఛేంజర్ తర్వాత రామ్ చరణ్ సినిమా కావడంతో భారీ అంచనాలు!
మెగా పవర్ స్టార్ రామ్ చరణ్ నటిస్తున్న ‘పెద్ది’ చిత్రం విడుదల కోసం అభిమానులు ఎంతగానో ఎదురు చూస్తున్నారు. ఈ సినిమాలోని చికిరి సాంగ్ ఇప్పటికే ఒక సెన్సేషన్ క్రియేట్ చేసింది. ఇప్పుడు ఈ సాంగ్ గురించి ఒక షాకింగ్ న్యూస్ వైరల్ అవుతోంది.
చికిరి సాంగ్లో రామ్ చరణ్ స్టెప్పులు వైరల్
Peddi: మెగా పవర్ స్టార్ రామ్ చరణ్ హీరోగా వస్తున్న లేటెస్ట్ మూవీ పెద్ది(Peddi). దర్శకుడు బుచ్చిబాబు తెరకెక్కిస్తున్న ఈ పాన్ ఇండియా మూవీలో బాలీవుడ్ బ్యూటీ జాన్వీ కపూర్ హీరోయిన్ గా నటిస్తోంది. రా అండ్ రస్టిక్ కంటెంట్ తో వస్తున్న ఈ సినిమా ఏప్రిల్ 30న విడుదల కానుంది. గేమ్ ఛేంజర్ లాంటి డిజాస్టర్ తరువాత రామ్ చరణ్ నుంచి వస్తున్న సినిమా కావడంతో పెద్ది సినిమాపై భారీ అంచనాలు నెలకొన్నాయి. అందుకే, ఈ సినిమా విడుదల కోసం మెగా ఫ్యాన్స్ ఈగర్ గా వెయిట్ చేస్తున్నారు.
ఇక ఈ సినిమా నుంచి ఇప్పటికే విడుదలైన చికిరి సాంగ్ ఎంత సెన్సేషన్ క్రియేట్ చేసిందో ప్రత్యేకంగా చెప్పాల్సిన పనిలేదు. ఏఆర్ రెహమాన్ అందించిన ఈ పాటకు రామ్ చరణ్ వేసిన స్టెప్పులు ఒక రేంజ్ లో వైరల్ అయ్యాయి. ఇక చికిరి సాంగ్ లోని హుక్ స్టెప్పు చాలా వైరల్ అయ్యింది. దానికి లక్షల్లో రీల్స్ వచ్చాయి కూడా. అయితే, అంత ఫేమ్ అయిన చికిరి సాంగ్ హుక్ స్టెప్పును రామ్ చరణ్ కంపోజ్ చేశాడట.
హుక్ స్టెప్ కంపోజ్ చేసింది రామ్ చరణే: జానీ మాస్టర్
అవును, ఈ విషయాన్ని స్వయంగా ఆ పాటను కొరియోగ్రఫీ చేసిన జానీ మాస్టర్ చెప్పాడు. ఇటీవల ఓ డాన్స్ షోలో పాల్గొన్న జానీ చికిరి సాంగ్ గురించి మాట్లాడుతూ.. చికిరి సాంగ్ కంపోజ్ చేసింది నేనే కానీ, హుక్ స్టెప్పు క్రియేట్ చేసింది మాత్రం రామ్ చరణ్ సర్. నేను కింద కూర్చొని వేసే స్టెప్పు మాత్రమే కంపోజ్ చేశాను. కానీ, ఆ తరువాత బాట్ పట్టుకొని చేసే ఆ సీక్వెన్స్ అంతా రామ్ చరణ్ గానే సెట్ చేశారు. నేను దానికి చిన్నగా సెటప్ చేశాను అంతే. దానికి క్రెడిట్ కూడా నాకే ఇచ్చారు ఆయన’ అంటూ చెప్పుకొచ్చాడు జానీ.
ఏప్రిల్ 30న ‘పెద్ది’ మూవీ గ్రాండ్ రిలీజ్
దాంతో జానీ మాస్టర్ చేసిన ఈ కామెంట్స్ ఇప్పుడు వైరల్ అవుతున్నాయి. ఈ న్యూస్ విన్న మెగా ఫ్యాన్స్ చాలా ఆనందం వ్యక్తం చేస్తున్నారు. రామ్ చరణ్ దగ్గర ఈ టాలెంట్ కూడా ఉందా అంటూ కామెంట్స్ చేస్తున్నారు. ఇక రామ్ చరణ్ పెద్ది సినిమా ఏప్రిల్ 30న భారీ ఎత్తున విడుదల అవుతోంది. మరి భారీ అంచనాల మధ్య వస్తున్న ఈ సినిమా ఏ రేంజ్ లో సెన్సేషన్ క్రియేట్ చేస్తుందో చూడాలి.
రామ్ చరణ్ ‘పెద్ది’ సినిమాపై అంచనాలు భారీగా ఉన్నాయి. ఏప్రిల్ 30న విడుదల కానున్న ఈ చిత్రం ఎలాంటి రికార్డులు క్రియేట్ చేస్తుందో చూడాలి. మరిన్ని అప్డేట్స్ కోసం చూస్తూ ఉండండి.
