రామ్ చరణ్ తన భార్య ఉపాసన, పుట్టబోయే కవల పిల్లల కోసం సినిమాల నుండి బ్రేక్ తీసుకోవాలని షాకింగ్ నిర్ణయం తీసుకున్నారు. ‘పెద్ది’ షూటింగ్ పూర్తి చేసి, కుటుంబంతో గడపాలని చూస్తున్నారు. ఇది మెగా అభిమానులకు బ్యాడ్ న్యూస్ అయినా, కుటుంబానికి చరణ్ ఇస్తున్న ప్రాధాన్యత స్పష్టమవుతోంది.
Key Points
గ్లోబల్ స్టార్ రామ్ చరణ్ 'పెద్ది' షూటింగ్లో బిజీగా ఉన్నారు; సినిమా మార్చి 27న విడుదల.
రామ్ చరణ్ భార్య ఉపాసన కవల పిల్లలకు జన్మనివ్వబోతున్నారు.
భార్య, పుట్టబోయే పిల్లల కోసం సినిమాల నుండి కొద్ది కాలం బ్రేక్ తీసుకోవాలని చరణ్ నిర్ణయం.
గతంలో క్లిన్ కారా పుట్టినప్పుడు కూడా రామ్ చరణ్ ఇలానే బ్రేక్ తీసుకున్నారు.
రామ్ చరణ్ ‘పెద్ది’ అప్డేట్స్
గ్లోబల్ స్టార్ రామ్ చరణ్(Ram Charan) ‘పెద్ది’ (peddi)సినిమా షూటింగ్లో ఫుల్ బిజీ బిజీగా గడుపుతున్నారు. బుచ్చిబాబు సనా దర్శకత్వంలో రాబోతున్న ఈ చిత్రంలో జాన్వీ కపూర్ హీరోయిన్గా నటిస్తోంది. అలాగే స్టార్స్ దివ్యేందు శర్మ, జగపతి బాబు, శివరాజ్ కుమార్ (Shivaraj Kumar)ప్రధాన పాత్రలో మెప్పించేందుకు సిద్ధమవుతున్నారు. షూటింగ్ శరవేగంగా జరుపుకుంటున్న ఈ సినిమా వచ్చే ఏడాది మార్చి 27న థియేటర్స్లో విడుదల కాబోతుంది. ఇప్పటికే ‘పెద్ది’ నుంచి విడుదలైన పోస్టర్స్, గ్లింప్స్ భారీ అంచనాలను పెంచగా.. ఇటీవల విడుదలైన ‘చికిరి.. చికిరి’ సాంగ్ ఏకంగా 13 దేశాల్లో ట్రెండింగ్లో ఉండటం విశేషం. మిలియన్ల వ్యూస్ రాబట్టుకుంటూ యూట్యూబ్లో దూసుకుపోతుంది.
కుటుంబం కోసం చరణ్ కీలక నిర్ణయం
ఒక్కొక్క అప్డేట్కు వస్తున్న రెస్పాన్స్ చూస్తుంటే మాత్రం రామ్ చరణ్ ఇండస్ట్రీని షేక్ చేస్తాడనిపిస్తోంది. త్వరలోనే సెకండ్ సింగిల్ కూడా విడుదల చేయనున్నట్లు టాక్. అయితే ‘పెద్ది’ సినిమా తర్వాత పలు ప్రాజెక్ట్లు చేయబోతున్నట్లు వార్తలు వైరల్ అవుతున్న విషయం తెలిసిందే. ఈ నేపథ్యంలో.. తాజాగా, రామ్ చరణ్ కీలక నిర్ణయం తీసుకుని అభిమానులకు షాకిచ్చారు. ఆయన భార్య ఉపాసన(Upasana) ప్రెగ్నెంట్ అన్న సంగతి తెలిసిందే. వచ్చే ఏడాది కవల పిల్లలకు జన్మనివ్వబోతోంది.
నెటిజన్ల స్పందన ఏంటి?
అయితే రామ్ చరణ్ ఆమె పక్కనే ఉండాలని డిసైడ్ అయినట్లు తెలుస్తోంది. తన సమయాన్ని తన భార్య పుట్టబోయే పిల్లలకు కేటాయించాలని అనుకుంటున్నారట. అందుకే త్వరగా ‘పెద్ది’ షూట్ కంప్లీట్ చేసి ఇంటికే పరిమితం కావాలని చూస్తున్నాడు. కొద్ది కాలంపాటు సినిమాలకు బ్రేక్ కుటుంబంతో గడపబోతున్నట్లు టాక్. రామ్ చరణ్ గతంలో క్లిన్ కారా పుట్టినప్పుడు కూడా ఇలాగే చేసిన విషయం తెలిసిందే. ఇక ఇప్పుడు మరోసారి తన ఫ్యామిలీ కోసం ఇలాంటి నిర్ణయం తీసుకోవడంపై నెటిజన్లు కొందరు షాక్ అవుతుండగా.. మరికొందరు ఆయనను పొగుడుతున్నారు.
రామ్ చరణ్ తన కుటుంబానికి ఇస్తున్న ప్రాధాన్యతను నెటిజన్లు ప్రశంసిస్తున్నారు. ఈ నిర్ణయం అభిమానులను ఆశ్చర్యపరచినా, ఆయన వ్యక్తిగత జీవితానికి సమయం కేటాయించడం శుభసూచకం. మెగా అభిమానులు దీనిని సానుకూలంగానే స్వీకరిస్తున్నారు.
