📌 Key Points
- జబర్దస్త్ నుండి సుధీర్, గెటప్ శ్రీను వెళ్లిపోవడం రామ్ ప్రసాద్ను తీవ్రంగా కలచివేసింది!
- 9 ఏళ్ళు కలిసి ట్రావెల్ చేసిన జ్ఞాపకాలు గుర్తుచేసుకుని ఎమోషనల్ అయిన రామ్ ప్రసాద్.
- సుమ ప్రోగ్రాంలో రామ్ ప్రసాద్, గెటప్ శ్రీను కలిసి పాత రోజుల్ని గుర్తు చేసుకున్నారు.
- ఫ్యూచర్ లో ముగ్గురం కలిసి స్కిట్ చేస్తామని రామ్ ప్రసాద్ ఆశాభావం వ్యక్తం చేశారు.
జబర్దస్త్ కమెడియన్ రామ్ ప్రసాద్ చేసిన ఎమోషనల్ కామెంట్స్ ఇప్పుడు హాట్ టాపిక్ గా మారాయి. సుధీర్, గెటప్ శ్రీను జబర్దస్త్ ను వదిలి వెళ్ళిపోవడంపై రామ్ ప్రసాద్ ఎమోషనల్ అవుతూ చేసిన వ్యాఖ్యలు వైరల్ అవుతున్నాయి.
9 ఏళ్ళ అనుబంధం: రామ్ ప్రసాద్ ఎమోషనల్
Ram Prasad : జబర్దస్త్ షోతో గెటప్ శ్రీను, సుధీర్, రామ్ ప్రసాద్ ముగ్గురు మంచి ఫేమ్ తెచ్చుకొని స్టార్స్ అయ్యారు. ముగ్గురు ప్రాణమిత్రులు కూడా అయ్యారు ఈ షోతో. చాలా ఏళ్ళు ఈ ముగ్గురు కలిసి కొన్ని వందల స్కిట్స్ తో నవ్వించారు. అయితే సుధీర్ ఇప్పుడు జబర్దస్త్ మానేసి హీరోగా, యాంకర్ గా బిజీగా ఉన్నాడు. ఇక గెటప్ శ్రీను కూడా జబర్దస్త్ మానేసి సినిమాల్లో కమెడియన్ గా బిజీగా ఉన్నాడు.(Ram Prasad)
రామ్ ప్రసాద్ మాత్రం సినిమాల్లో అడపాదడపా చేస్తున్నా జబర్దస్త్ చేస్తున్నాడు. గతంలో జబర్దస్త్ షోలో వీళ్ళిద్దరూ వెళ్లిపోయారని ఎమోషనల్ అయ్యాడు రామ్ ప్రసాద్. తాజాగా యాంకర్ సుమ చాట్ షోలో రామ్ ప్రసాద్, గెటప్ శ్రీను హాజరవగా రామ్ ప్రసాద్ ఈ ఇద్దర్ని ఎంతలా మిస్ అవుతున్నానో తెలుపుతూ ఎమోషనల్ అయ్యాడు.
సుమ షోలో పాత జ్ఞాపకాలు గుర్తుచేసుకున్న రామ్ ప్రసాద్, గెటప్ శ్రీను
రామ్ ప్రసాద్ మాట్లాడుతూ.. నా లైఫ్ లో నేను అసలు ఎమోషన్ అవ్వను. ఎమోషన్ అయినా కామెడీ చేస్తాను. వీళ్ళు నాకు ఇంట్లో వాళ్ళలాగా కలిసి పోయారు. స్క్రీన్ మీద కలిసి కనిపించేవాళ్ళు. ఒక్కసారిగా వెళ్లిపోయారు. వీళ్ళతో ట్రావెల్ ఆగిపోయేసరికి ఫస్ట్ రోజు చాలా ఎమోషనల్ అయ్యాను. ఒకరోజు ఆపుకోలేక షోలో ఏడ్చేసాను. ఆల్మోస్ట్ మేం ముగ్గురం 9 ఏళ్ళ 8 నెలలు కలిసి ట్రావెల్ చేసాము. రోజూ కలిసేవాళ్ళం. ఒకే కార్ లో తిరిగేవాళ్ళం. అంతలా తిరిగి ఒక్కడినే అయిపోయాను.
మళ్ళీ కలుస్తారా? రామ్ ప్రసాద్ ఆసక్తికర వ్యాఖ్యలు
సోలో ఫీలింగ్ వచ్చేసింది. ఒక్కడినే అయిపోయాను అని ఫీలింగ్ వచ్చి ఎమోషనల్ అయ్యాను. ముగ్గురు కలిసి స్కిట్ ప్రాక్టీస్ చేసేవాళ్ళం ఇప్పుడు నేను వేరే వాళ్లకు చెప్తున్నాను. ఏంటి ఇలా అయింది అనుకున్నాను. ఒకరోజు రాకేష్ మా ముగ్గురి మీద స్కిట్ చేసాడు. ఆ రోజు నేను షోలో ఏడ్చేసాను. షో అవ్వగానే ఇద్దరికీ ఫోన్ చేసి చాలా మిస్ అయ్యాను, ఏడ్చేసాను షోలో అని చెప్పాను. మళ్ళీ ఫ్యూచర్ లో ముగ్గురం కలిసి ఒక్కసారైనా స్కిట్ చేస్తాము అని అన్నాడు.
రామ్ ప్రసాద్ ఎమోషనల్ కామెంట్స్ ఇప్పుడు సోషల్ మీడియాలో వైరల్ అవుతున్నాయి. సుధీర్, గెటప్ శ్రీను లతో ఆయనకున్న అనుబంధం గురించి ఆయన చెప్పిన మాటలు అందరినీ కదిలిస్తున్నాయి. మరిన్ని అప్డేట్స్ కోసం చూస్తూ ఉండండి.
