📌 Key Points
- రణ్బీర్ కపూర్ ‘యానిమల్’ చిత్రం బాక్సాఫీస్ వద్ద సెన్సేషన్ సృష్టించింది.
- నితేష్ తివారీ ‘రామాయణ’లో రాముడిగా రణ్బీర్ నటన అదుర్స్ అని ఫ్యాన్స్ కామెంట్స్.
- సంజయ్ లీలా భన్సాలీ ‘లవ్ అండ్ వార్’లో అలియా భట్, విక్కీ కౌశల్తో రణ్బీర్ సందడి.
- ‘రామాయణ’ మొదటి భాగం దీపావళికి విడుదల! ఏఆర్ రెహమాన్ సంగీతం అందిస్తున్నారు.
బాలీవుడ్ స్టార్ రణ్బీర్ కపూర్ గురించి ఒక సంచలన వార్త! ఆయన సినిమాలు ఆలస్యం అవ్వడానికి కారణం ఏమిటి? అభిమానుల ప్రశ్నలకు రణ్బీర్ సమాధానం ఇచ్చారు. పూర్తి వివరాల కోసం చదవండి!
సినిమాల ఆలస్యంపై రణ్బీర్ క్లారిటీ!
బాలీవుడ్ స్టార్ హీరో రణబీర్ కపూర్(Ranbir Kapoor) నటించిన ‘యానిమల్’ చిత్రం 2023లో విడుదలై బాక్సాఫీస్ వద్ద సెన్సేషన్ సృష్టించిన సంగతి తెలిసిందే. ఆ తర్వాత గతేడాది ఆర్యన్ ఖాన్ వెబ్ సిరీస్లో మెరిసిన రణబీర్, ప్రస్తుతం నితేష్ తివారీ ‘రామాయణ’(Ramayana), సంజయ్ లీలా భన్సాలీ ‘లవ్ అండ్ వార్’ (Love and War)చిత్రాలతో బిజీగా ఉన్నాడు. ఈ రెండు భారీ చిత్రాలు ఈ ఏడాది చివర్లో విడుదల కానున్నట్లు సమాచారం. ఓ వైపు సినిమాల షూటింగ్స్లో పాల్గొంటూనే.. తన బిజినెస్లో సత్తా చాటుతున్నాడు. ఈక్రమంలో.. తాజాగా రణబీర్ తన బ్రాండ్ ‘ARKS’ ప్రమోషన్ కోసం ఇన్స్టాగ్రామ్ లైవ్ సెషన్లో పాల్గొన్నాడు. ఈ సందర్భంగా ఒక అభిమాని చేసిన సరదా కామెంట్ రణబీర్ దృష్టిని ఆకర్షించింది. అసలు అందులో ఏముందంటే.. ‘‘ఒక సూపర్ స్టార్ ఉన్నాడు.. ఆయన ఎప్పుడూ ‘సీ యూ ఎట్ ది మూవీస్’ అని చెప్పి, ఆ తర్వాత 3-4 ఏళ్లు మాయమైపోతుంటాడు’’ అని కామెంట్ చేశాడు.
‘రామాయణం’లో రణ్బీర్ రాముడిగా ఎలా ఉండబోతున్నాడు?
దీనిపై రణబీర్ నవ్వుతూ స్పందించాడు. ‘‘అవును భయ్యా, ఇది నా దురదృష్టం! అందరూ సినిమాలను 4-6 నెలల్లో పూర్తి చేస్తారు. కానీ నా సినిమాలు మాత్రం చాలా సమయం తీసుకుంటాయి. అయితే, మూవీ విడుదలయ్యాక ఆ ఎదురుచూపుల కష్టాన్ని మీరు మర్చిపోతారని నేను ఆశిస్తున్నాను. గత 2-3 ఏళ్లుగా నేను చాలా కష్టపడుతున్నాను.. అయినా సినిమాలు విడుదల కావడం లేదు. మంచి పనులు జరగడానికి కొంచెం సమయం పడుతుంది’’ అంటూ క్లారిటీ ఇచ్చాడు. ఇందుకు సంబంధించిన కామెంట్స్ సోషల్ మీడియాలో వైరల్గా మారాయి. ప్రస్తుతం రణబీర్ నటిస్తున్న ‘లవ్ అండ్ వార్’ చిత్రంలో అలియా భట్, విక్కీ కౌశల్ కూడా నటిస్తున్నారు. సంజయ్ లీలా భన్సాలీ దర్శకత్వం వహిస్తున్న ఈ చిత్రం 1960ల నాటి పీరియడ్ డ్రామాగా తెరకెక్కుతోంది.
భారీ ప్రాజెక్టులతో రణ్బీర్ బిజీ బిజీ!
ఇందులో రణబీర్, విక్కీ ఎయిర్ ఫోర్స్ ఆఫీసర్లుగా కనిపిస్తారని సమాచారం. దీంతో పాటు ‘రామాయణ’లో రణబీర్ శ్రీరాముడిగా నటిస్తున్నాడు. సాయి పల్లవి (సీత), యష్ (రావణుడు), సన్నీ డియోల్ (హనుమంతుడు) పాత్రలో కనిపించబోతున్నారు. ఏఆర్ రెహమాన్, హ్యాన్స్ జిమ్మెర్ ఈ చిత్రానికి సంగీతం అందిస్తున్నారు. ఈ సినిమా మొదటి భాగం దీపావళికి విడుదల కానుంది. వీటితో పాటు సందీప్ రెడ్డి వంగాతో ‘యానిమల్ పార్క్’ కూడా చేయాల్సి ఉంది. భారీ ప్రాజెక్ట్స్తో రణ్బీర్ తీరిక లేకుండా గడుపుతున్నారు.
రణ్బీర్ నటిస్తున్న భారీ ప్రాజెక్టులు విడుదల కోసం అభిమానులు ఎంతగానో ఎదురుచూస్తున్నారు. ‘రామాయణం’, ‘లవ్ అండ్ వార్’ చిత్రాలపై మరింత సమాచారం కోసం చూస్తూ ఉండండి.
