నటుడు రవి మోహన్ మరియు ఆయన భార్య ఆర్తి మధ్య విడాకుల వివాదం ఉధృతమవుతోంది. ఆర్తి, రవి మోహన్ నుండి ప్రతి నెలా రూ.40 లక్షల భరణం ఇవ్వాలని కోర్టును కోరింది. ఈ షాకింగ్ డిమాండ్ సినీ వర్గాన్ని కలవరపెడుతోంది.
Key Points
రవి మోహన్ మరియు ఆర్తి విడాకుల విషయంలో కోర్టులో కేసు నడుస్తోంది.
ఆర్తి రవి మోహన్ నుండి ప్రతి నెలా రూ.40 లక్షల భరణం కోరుతోంది.
రవి మోహన్ విడాకులకు అంగీకరిస్తున్నారు.
రవి మోహన్ మరియు గాయని కెనీషా ఫ్రాన్సిస్ మధ్య ఉన్న పరిచయం కూడా ఈ వివాహ విచ్ఛేదనం వెనుక కారణం అని వార్తలు వస్తున్నాయి.
విడాకుల కేసు కోర్టులో
జయం సినిమాతో పరిచయమైన రవి, దానినే తన ఇంటి పేరుగా మార్చుకున్నారు. వరుసగా ఎం.కుమారన్ సన్ ఆఫ్ మహాలక్ష్మి, తని ఒరువన్ లాంటి ఎన్నో హిట్ చిత్రాల్లో రవి మోహన్ నటించారు. చాలాకాలం స్నేహితురాలైన ఆర్తిని 2009లో పెళ్లి చేసుకున్నారు. వీరికి ఇద్దరు పిల్లలు. గత ఏడాది ఎవ్వరూ ఊహించని విధంగా తన భార్య ఆర్తి నుంచి విడిపోతున్నట్లు ప్రకటించారు.
ఈ వార్త అందరినీ షాక్కి గురిచేసింది. ఈ నేపథ్యంలో తన పేరుని రవి మోహన్గా మార్చుకున్నారు. ఆర్తి నుండి విడిపోతున్నట్లు ప్రకటించిన రవి మోహన్, విడాకులు కోరుతూ కుటుంబ న్యాయస్థానంలో కేసు వేశారు. ఇరువైపులా రాజీ కుదిర్చేందుకు న్యాయస్థానం కౌన్సెలింగ్ నిర్వహించింది. అయినా రవి మోహన్ విడాకుల విషయంలో వెనక్కి తగ్గలేదు. ఈ క్రమంలో ఇరువైపులా ఒకరిపై ఒకరు విమర్శలు చేస్తూ ప్రకటనలు విడుదల చేసుకుంటూ వచ్చారు.
రూ.40 లక్షల భరణం డిమాండ్
భార్యతో రాజీ కుదుర్చుకునేందుకు రవి మోహన్ సిద్ధంగా లేరు. రవి మోహన్ తన వైఖరిని స్పష్టంగా తెలియజేస్తూ, తమ వివాహాన్ని కొనసాగించేందుకు తనకు ఎలాంటి ఆసక్తి లేదని తెలిపారు. అలాగే భార్య ఆర్తితో తిరిగి కలవాలన్న ఆమె అభ్యర్థనను తిరస్కరించాలని కోర్టును కోరారు. రవి మోహన్ తరఫు న్యాయవాదులు కూడా విడాకులు మంజూరు చేయాలన్న అభ్యర్థనతో సంబంధిత పిటిషన్ను కోర్టుకు సమర్పించారు. రవి మోహన్ పిటిషన్ కి పోటీగా ఆర్తి మరో సంచలన పిటిషన్ దాఖలు చేసింది.
ఆర్తి తన పిటిషన్లో రవి మోహన్ ప్రతినెలా రూ. 40 లక్షల భరణం ఇవ్వాలని కోర్టును కోరారు. దీనితో ఆర్తి పిటిషన్ పై సర్వత్రా చర్చ మొదలైంది. కోర్టు ఇరు పక్షాల పిటిషన్లను పరిశీలించి, దీనిపై వారి రెస్పాన్స్ సమర్పించాలని ఆదేశించింది. తదుపరి విచారణను జూన్ 12కి వాయిదా వేసింది.
కెనీషా ఫ్రాన్సిస్తో సంబంధం
గాయని కెనీషా ఫ్రాన్సిస్తో రవి మోహన్కి ఉన్న పరిచయం వల్లే తన వైవాహిక జీవితం విడాకుల వరకు వెళ్లిందనే వార్తలు వచ్చాయి. ఇద్దరూ కొన్ని రోజుల క్రితం ఒక పెళ్లిలో కలిసి కనిపించడం సంచలనం సృష్టించింది.
రవి మోహన్ మరియు ఆర్తి మధ్య విడాకుల వివాదం తీవ్రంగా సాగుతోంది. కోర్టు తీర్పు ఏమిటో చూడాలి.
