బాహుబలి ఎపిక్ రీ-రిలీజ్ అక్టోబర్ 31న 100 కోట్ల టార్గెట్ తో వస్తుంది. అదే రోజున రవితేజ ‘మాస్ జాతర’ విడుదలవుతుండటం ఆసక్తికరంగా మారింది. ఒకవైపు బాహుబలి ఎపిక్ పై అంచనాలు, మరోవైపు రవితేజ సినిమాపై ఉన్న హైప్ తో ఈ క్లాష్ ఎలా ఉండబోతుందో చూడాలి.
Key Points
బాహుబలి ఎపిక్ రీ-రిలీజ్ అక్టోబర్ 31న వంద కోట్ల టార్గెట్ తో.
అదే రోజున రవితేజ 'మాస్ జాతర' విడుదల.
రవితేజ కెరీర్లో 'ధమాకా' 100 కోట్లు సాధించిన చివరి సినిమా.
'మాస్ జాతర'పై భారీ అంచనాలు: కొత్త డైరెక్టర్, ఇడియట్ రిఫరెన్సులు.
బాహుబలి ఎపిక్ రీ-రిలీజ్ వంద కోట్ల టార్గెట్
Raviteja : తెలుగు ఇండస్ట్రీ స్థాయిని పెంచిన సినిమా బాహుబలి. ఈ సినిమా రెండు పార్టులు పెద్ద విజయం సాధించి పాన్ ఇండియా మార్కెట్ తెచ్చిపెట్టాయి. ప్రభాస్ ని పాన్ ఇండియా స్టార్ ని చేసాయి. బాహుబలి మొదటి సినిమా వచ్చి పదేళ్లు అవుతుండటంతో ఈ రెండు పార్ట్ లను కలిపి బాహుబలి ఎపిక్ అంటూ ఒకే సినిమా చేసి రీ రిలీజ్ చేస్తున్నామని ప్రకటించిన సంగతి తెలిసిందే.(Raviteja)
బాహుబలి ఎపిక్ అక్టోబర్ 31న రీ రిలీజ్ అవుతుంది. రెండు సినిమాలను కలిపి ఎడిటింగ్ లో కొన్ని సాంగ్స్, సీన్స్ తీసేసి ఒకే సినిమాగా చేస్తుండటంతో ఈ సినిమా ఎలా ఉంటుందో అని అంచనాలు నెలకొన్నాయి. దీంతో ప్రభాస్ ఫ్యాన్స్ మాత్రమే కాదు సినిమా లవర్స్, ప్రేక్షకులు, టాలీవుడ్ జనాలు కూడా బాహుబలి ఎపిక్ ఎలా ఉంటుందో కొత్త ఎడిట్ అని ఎదురుచూస్తున్నారు.
రవితేజ మాస్ జాతర Vs బాహుబలి ఎపిక్
అయితే బాహుబలి ఎపిక్ రీ రిలీజ్ సినిమాకు వంద కోట్ల కలెక్షన్స్ టార్గెట్ పెట్టుకున్నారు. ఫ్యాన్స్, సినిమా లవర్స్ కచ్చితంగా ఈ సినిమాని చూస్తారు. అలాగే అన్ని సెంటర్స్ లో, ఓవర్సీస్ లో, పాన్ ఇండియా వైడ్ కూడా గ్రాండ్ గా రిలీజ్ చేస్తున్నారు. దీంతో కలెక్షన్స్ కూడా భారీగానే వస్తాయని అంచనా వేస్తున్నారు. ఫ్యాన్స్ అయితే 100 కోట్లు పక్కా అంటున్నారు. మూవీ టీమ్ కూడా కనీసం ఈజీగా 50 కోట్లు వస్తాయని అంచనా వేసుకుంటున్నారట.
బాహుబలి ఎపిక్ మాట పక్కన పెడితే అదే డేట్ కి అక్టోబర్ 31 న రవితేజ మాస్ జాతర సినిమా రిలీజ్ కాబోతున్నట్టు ఇటీవల ప్రకటించారు. ఎప్పట్నుంచో పలు మార్లు వాయిదా పడుతున్న ఈ సినిమా ఈ డేట్ కి వస్తుంది. ఆ డేట్ లో పెద్ద సినిమాలు, చెప్పుకోదగ్గ సినిమాలు ఏమి లేవు. కానీ బాహుబలి రీ రిలీజ్ ఉండటంతో రవితేజ కొత్త సినిమా పై ఎఫెక్ట్ ఎంతుంటుందో అని అంచనా వేస్తున్నారు. రవితేజ ఎప్పుడో ధమాకా సినిమాకు హిట్ కొట్టారు. ఆ సినిమా 100 కోట్లు కలెక్ట్ చేసి రవితేజ కెరీర్ లో మొదటి వంద కోట్ల సినిమాగా నిలిచింది. ఆ తర్వాత రవితేజ అరడజను సినిమాలు చేసినా హిట్ పడలేదు.
రవితేజ కెరీర్, మాస్ జాతర అంచనాలు
Also See : Mrunal Thakur : బ్లాక్ డ్రెస్ లో..బోల్డ్ లుక్స్ తో మృణాల్ ఠాకూర్.. ఫొటోలు..
అయితే మాస్ జాతర సినిమాని స్టార్ యువ రైటర్ డైరెక్ట్ చేయడం, ఇందులో ఇడియట్ సినిమా రిఫరెన్స్ లు వాడటం, రవితేజ మళ్ళీ పోలీస్ పాత్ర చేయడంతో ఈ సినిమాపై అంచనాలు నెలకొన్నాయి. ఈ సినిమా హిట్ అయితే మాత్రం 50 కోట్ల వరకు ఈజీగానే వస్తాయి. వంద కోట్లు వస్తే పండగే. కానీ బాహుబలి రీ రిలీజ్ ఎఫెక్ట్ ఏమైనా పడినా, మాస్ జాతర టాక్ అటు ఇటు అయినా రవితేజకి మళ్ళీ కష్టమే. చూడాలి మరి రవితేజ మాస్ జాతర ప్రభాస్ బాహుబలి రీ రిలీజ్ ముందు ఎన్ని కోట్లు వసూలు చేస్తుందో చూడాలి.
అక్టోబర్ 31న బాహుబలి ఎపిక్, రవితేజ మాస్ జాతర సినిమాలు ఒకేరోజు విడుదల అవుతున్నాయి. రవితేజకు హిట్ అత్యవసరమైన ఈ తరుణంలో, బాహుబలి రీ-రిలీజ్ ప్రభావం ఎంత ఉంటుందో, మాస్ జాతర ఎలాంటి వసూళ్లను సాధిస్తుందో వేచి చూడాలి.
