ప్రముఖ నటి రేఖ ఇటీవల ఓ ఇంటర్వ్యూలో ఆసక్తికర విషయాలను వెల్లడించింది. ఆమె ఉదయ్ కిరణ్ తో కలిసి నటించాల్సిన రెండు సినిమాలు ఎలా మిస్ అయ్యాయో వివరించింది. ‘ఆనందం’ సినిమాతో మొదలైన ఈ కథనం…
Key Points
రేఖ మరియు ఉదయ్ కిరణ్ కలిసి 'ఆనందం' సినిమా చేయాల్సి ఉండేది.
లుక్ టెస్ట్ కూడా జరిగింది, కానీ ఉదయ్ కిరణ్ స్థానంలో ఆకాష్ వచ్చాడు.
తరువాత వేరొక సినిమాలో కలిసి నటించే అవకాశం వచ్చింది, కానీ రేఖ కన్నడ సినిమాల కారణంగా అవకాశాన్ని కోల్పోయింది.
రెండు సినిమాలను మిస్ అయినందుకు రేఖ బాధపడుతోంది.
ఆనందం సినిమాలో రేఖ, ఉదయ్ కిరణ్ కాంబో
Rekha – Uday Kiran : సినీ పరిశ్రమలో ఒకరు చేయాల్సిన సినిమా ఇంకొకరికి పలు కారణాలతో వెళ్లిపోతుంటుంది. ఇది అందరు నటీనటులకు ఏదో ఒక సినిమా విషయంలో జరుగుతూనే ఉంటుంది. తాజాగా ఆనందం ఫేమ్ రేఖ ఓ యూట్యూబ్ ఛానల్ కి ఇంటర్వ్యూ ఇవ్వగా ఆసక్తికర విషయాలు తెలిపింది.
ఆనందం, ఒకటో నెంబర్ కుర్రాడు, జానకి వెడ్స్ శ్రీరామ్.. లాంటి పలు సూపర్ హిట్ సినిమాలతో మెప్పించిన రేఖ వేదవ్యాస్ తర్వాత సినిమాలకు దూరమయింది. ఆ తర్వాత అనారోగ్య సమస్యలతో కొన్నేళ్లు దూరంగా ఉంది. ఇప్పుడు రేఖ రీ ఎంట్రీ ఇస్తాను అంటూ ముందుకొచ్చింది. ఈ క్రమంలో ఇంటర్వ్యూ ఇచ్చింది.
మిస్ అయిన రెండవ సినిమా అవకాశం
రేఖ ఆవేదన
ఈ ఇంటర్వ్యూలో రేఖ మాట్లాడుతూ.. ఆనందం సినిమా నేను, ఉదయ్ కిరణ్ చేయాలి. లుక్ టెస్ట్ నాకు అతనికి కలిపి చేసారు. నేను ఆ ఒక్కసారే ఉదయ్ కిరణ్ ని కలిసాను. తర్వాత ఏమైందో తెలీదు ఉదయ్ కిరణ్ ప్లేస్ లో ఆకాష్ ని తీసుకున్నారు. ఆ తర్వాత ఉదయ్ కిరణ్ తో కలుసుకోవాలని సినిమా ఛాన్స్ వచ్చింది. కానీ నాకు కన్నడలో సినిమాల వల్ల డేట్స్ కుదరక ఆ ఛాన్స్ వదులుకున్నా. ఆ విషయంలో బాధపడ్డాను, డేట్స్ అడ్జస్ట్ చేసి చేస్తే బాగుండు అనుకున్నాను అని తెలిపింది.
రేఖ తన అనుభవాలను పంచుకుంటూ, ఉదయ్ కిరణ్ తో కలిసి నటించే అవకాశం కోల్పోయినందుకు తీవ్ర విచారం వ్యక్తం చేసింది. ఈ రెండు సినిమాలు వారి కెరీర్ లో మంచి మలుపు తీసుకుని వచ్చేవి కావచ్చు అని ఆమె భావిస్తోంది.
