‘కాంతార చాప్టర్ 1’ తో తెలుగు ప్రేక్షకులకు దగ్గరైన నటి రుక్మిణి వసంత్ కు టాలీవుడ్లో వరుస బంపర్ ఆఫర్లు వస్తున్నాయి. ఎన్టీఆర్ ‘డ్రాగన్’ లో నటించబోతున్న ఆమె, ఇప్పుడు విజయ్ దేవరకొండ పక్కన కూడా ఛాన్స్ దక్కించుకుందని వార్తలు వినిపిస్తున్నాయి. ఈ బ్యూటీకి సంబంధించిన లేటెస్ట్ అప్డేట్స్ ఇక్కడ చూడండి.
Key Points
కాంతార చాప్టర్ 1' తో రుక్మిణి వసంత్ కు తెలుగు ప్రేక్షకులలో భారీ క్రేజ్ ఏర్పడింది.
త్వరలో ఎన్టీఆర్ 'డ్రాగన్' సినిమాలో హీరోయిన్గా నటించబోతోంది.
విజయ్ దేవరకొండ, విక్రమ్ కే కుమార్ కాంబినేషన్ సినిమాలో కూడా ఛాన్స్ దక్కించుకుంది.
విజయ్ దేవరకొండ సినిమా పాన్ ఇండియా స్థాయిలో విడుదల కానుందని వార్తలు వస్తున్నాయి.
రుక్మిణి వసంత్ కు మారుమోగుతున్న క్రేజ్
దిశ, వెబ్ డెస్క్ : తెలుగు చిత్ర పరిశ్రమలో ఇప్పుడు రుక్మిణి వసంత్ పేరు మారుమోగుతున్న సంగతి తెలిసిందే. ఆమె తెలుగులో పెద్దగా సినిమాలు చేయలేదు.. కానీ కాంతార చాప్టర్ 1 సినిమాతో ఆమె క్రేజ్ మాత్రం అమాంతం పెరిగిపోయింది. 2024 సంవత్సరంలో అప్పుడో ఇప్పుడో ఎప్పుడో అనే సినిమాతో తెలుగు ప్రేక్షకులకు పరిచయమైంది ఈ బ్యూటీ. ఇక కాంతార చాప్టర్ 1 సినిమాలో కనకవతి పాత్ర చేసి అందరిని మెప్పించింది. త్వరలో ఎన్టీఆర్ సరసన నటించబోతోంది ఈ అందాల తార.
డ్రాగన్ పేరుతో తెరకెక్కుతున్న సినిమాలో హీరోయిన్ గా రుక్మిణి వసంత్ ఫైనల్ అయిందట. అయితే ఈ సినిమా తర్వాత విజయ్ దేవరకొండ సినిమాలో ఈ బ్యూటీ నటించబోతున్నట్లు వార్తలు వస్తున్నాయి. విజయ్ దేవరకొండ దర్శకుడు విక్రమ్ కే కుమార్ కాంబినేషన్ లో కొత్త సినిమా రాబోతున్నట్లు నిన్నటి నుంచి వార్త వైరల్ అవుతోంది. ఈ సినిమాను పాన్ ఇండియా రేంజ్ లో రిలీజ్ చేయబోతున్నారట. అయితే ఇందులో రుక్మిణి వసంత్ ను హీరోయిన్ గా ఫైనల్ చేసేందుకు ప్లాన్ చేస్తున్నట్లు వార్తలు వస్తున్నాయి. ప్రస్తుతం ఈ సినిమాకు సంబంధించిన స్క్రిప్ట్ పూర్తి కాలేదని సమాచారం. పూర్తయిన వెంటనే సినిమాపై అధికారిక ప్రకటన రానున్నట్లు తెలుస్తోంది.
ఎన్టీఆర్ ‘డ్రాగన్’ లో రుక్మిణి వసంత్
విజయ్ దేవరకొండ పక్కన ఛాన్స్?
మొత్తంగా, రుక్మిణి వసంత్ తెలుగు చిత్ర పరిశ్రమలో తనదైన స్థానం సంపాదించుకోనుంది. ఎన్టీఆర్, విజయ్ దేవరకొండ వంటి అగ్ర హీరోలతో ఆమె రాబోయే చిత్రాలు బాక్సాఫీస్ వద్ద రచ్చ చేయడం ఖాయమని అభిమానులు ఎదురుచూస్తున్నారు.
