📌 Key Points
- సాయి ధన్షిక: కేరళ షూటింగ్లో మద్యం మత్తులో వ్యక్తిని చితక్కొట్టిన హీరోయిన్!
- మార్షల్ ఆర్ట్స్తో దుమ్మురేపిన ధన్షిక, 10 నిమిషాలు చుక్కలు చూపించింది!
- విశాల్తో త్వరలో సాయి ధన్షిక పెళ్లి.. నడిగర్ సంఘం భవనం పూర్తయితే ముహూర్తం!
- ఆగస్టు 29న నిశ్చితార్థం.. త్వరలోనే పెళ్లి పీటలెక్కనున్న ఈ జంట!
సాయి ధన్షిక ఒక సంచలన విషయాన్ని బయటపెట్టింది. షూటింగ్ సెట్లో ఒక వ్యక్తికి చుక్కలు చూపించి వార్తల్లో నిలిచింది. ఇంతకీ ఏం జరిగిందో తెలుసుకోవాలంటే ఈ స్టోరీ చదవండి.
సెట్లో ఏం జరిగిందంటే..
యంగ్ బ్యూటీ సాయి ధన్షిక (Sai Dhanshika)తన షూటింగ్ సెట్లో జరిగిన ఓ చేదు ఘటనను వెల్లడించి వార్తల్లో నిలిచింది. తాను ప్రధాన పాత్రలో నటించిన ‘యోగిడా’ చిత్ర షూటింగ్ కేరళలో జరుగుతున్న సమయంలో ఈ సంఘటన చోటుచేసుకుందని తెలిపింది. షూటింగ్ విరామ సమయంలో ఒక వ్యక్తి సెల్ఫీ కోసం తన దగ్గరకు రాగా, అతను మద్యం మత్తులో ఉండటంతో సెల్ఫీ ఇచ్చేందుకు నిరాకరించానని చెప్పింది. దీంతో ఆగ్రహించిన ఆ వ్యక్తి, ధన్షిక అంకుల్పై దాడి చేసి పారిపోయే ప్రయత్నం చేశాడట. తన కళ్ల ముందే తన మనిషిపై చేయి చేసుకోవడంతో ధన్షికకు కోపం కట్టలు తెంచుకుంది. వెంటనే ఆ వ్యక్తిని వెంటాడి పట్టుకున్న ధన్షిక, సెట్ లోనే అతడిని విచక్షణారహితంగా చితకబాదానని చెప్పి అందరినీ ఆశ్చర్యపరిచింది.
విశాల్తో పెళ్లి ఎప్పుడు?
ఆత్మరక్షణ కోసం తాను నేర్చుకున్న మార్షల్ ఆర్ట్స్ మెళకువలను ఉపయోగించి, సుమారు పది నిమిషాల పాటు అతడికి చుక్కలు చూపించానని.. ఆవేశంతో ఉన్న తనను కంట్రోల్ చేయడం యూనిట్ సభ్యులకు కూడా కష్టమైందని, చివరకు దర్శకుడు, హీరో కలిసి ఆమెను శాంతింపజేశారని వెల్లడించింది. ‘‘నా చుట్టూ ఉన్న వారికి అన్యాయం జరిగితే నేను చూస్తూ ఊరుకోలేను’’ అని ఆమె ఈ సందర్భంగా స్పష్టం చేసింది. ప్రస్తుతం ఈ కామెంట్స్ సోషల్ మీడియాలో విపరీతంగా ట్రెండ్ అవుతున్నాయి. ఇక ఈ విషయంపై నెటిజన్లు పెళ్లి అయ్యాక విశాల్, సాయి ధన్షికకు నచ్చని పని చేస్తే మూడినట్లే అంటూ ఫన్నీగా రియాక్ట్ అవుతున్నారు.
ధన్షిక ఫైటింగ్ వీడియో వైరల్!
సాయి ధన్షిక వ్యక్తిగత జీవితం ఇప్పుడు ఒక కీలక మలుపు తిరగబోతుంది. కోలీవుడ్ మోస్ట్ ఎలిజిబుల్ బ్యాచిలర్ విశాల్(Vishal)తో ఏడడుగులు వేయబోతోంది. గతేడాది ఆగస్టు 29న విశాల్ పుట్టినరోజు సందర్భంగా వీరిద్దరూ అత్యంత సన్నిహితుల మధ్య నిశ్చితార్థం చేసుకున్నారు. నిజానికి అదే రోజున పెళ్లి జరగాల్సి ఉన్నప్పటికీ, నడిగర్ సంఘం భవన నిర్మాణం పూర్తి కావాలనే విశాల్ పట్టుదల కారణంగా వివాహాన్ని వాయిదా వేశారు. ప్రస్తుతం ఆ భవనం పనులు తుది దశకు చేరుకోవడంతో, అతి త్వరలోనే ఈ స్టార్ కపుల్ పెళ్లి పీటలెక్కబోతున్నట్లు సమాచారం.
సాయి ధన్షిక చేసిన కామెంట్స్ ఇప్పుడు సోషల్ మీడియాలో తెగ వైరల్ అవుతున్నాయి. విశాల్, ధన్షిక పెళ్లి గురించి మరిన్ని అప్డేట్స్ కోసం చూస్తూ ఉండండి.
