📌 Key Points
- సమంత డిసెంబర్ 1న రాజ్ నిడిమోరును రెండో వివాహం చేసుకుంది.
- ఆమె స్వంత నిర్మాణ సంస్థను ప్రారంభించి ‘శుభం’ చిత్రంతో హిట్ అందుకుంది.
- రాజ్ నిడిమోరుతో పరిచయం ‘ఫ్యామిలీ మ్యాన్ 2’ వెబ్ సిరీస్ సమయంలో ఏర్పడింది.
- ఈ ఏడాది హీరోయిన్ గా సమంతకు పెద్దగా సినిమాలు విడుదల కాలేదు.
సమంత జీవితంలో ఈ ఏడాది రెండు కీలక పరిణామాలు చోటుచేసుకున్నాయి. రాజ్ నిడిమోరుతో రెండో వివాహం, సొంత నిర్మాణ సంస్థను స్థాపించి ‘శుభం’ చిత్రంతో విజయం సాధించడం ఆమెను సంతోషంలో ముంచెత్తింది. ఈ రెండు సంఘటనలు తన జీవితాన్ని మార్చేశాయని సమంత స్వయంగా వెల్లడించింది.
రాజ్ తో సమంత రెండో వివాహం
ఇటీవల సమంత రెండో వివాహం చేసుకున్న సంగతి తెలిసిందే. రాజ్ నిడిమోరుతో కొంతకాలంగా రిలేషన్ లో ఉన్న సామ్ డిసెంబర్ 1న అతడిని పెళ్లి చేసుకుంది. వీరిద్దరికీ ఇది రెండో వివాహమే. నాగ చైతన్యతో విడిపోయిన తర్వాత సమంత ఆరోగ్యపరంగా అనేక సమస్యలు ఎదుర్కొని కోలుకుంది. ఇప్పుడు కొత్తగా జీవితాన్ని రాజ్ తో ప్రారంభించింది.
తాజాగా సమంత ఈ ఏడాది తన లైఫ్ లో జరిగిన మధుర జ్ఞాపకాలని సోషల్ మీడియాలో పోస్ట్ చేసింది. వీటిలో రెండు సంఘటనలు తన జీవితాన్ని మార్చేశాయి అని సమంత ఓ ఇంటర్వ్యూలో తెలిపింది. మొదటిది రాజ్ నిడిమోరుతో వివాహం కాగా మరొకటి.. సొంత నిర్మాణ సంస్థని ప్రారంహించి శుభం చిత్రంతో హిట్ అందుకోవడం అని సమంత రివీల్ చేసింది.
నిర్మాణ రంగంలో సమంత తొలి అడుగు
తన పోస్ట్ లో సమంత పెళ్ళికి సంబంధించిన అన్ సీన్ ఫోటోలు, శుభం చిత్రానికి సంబంధించిన ఫోటోలని షేర్ చేసింది. రాజ్ తో కలసి సమంత అనేక కార్యక్రమాల్లో పాల్గొంది. ఆ ఫోటోలని కూడా అభిమానులతో పంచుకుంది.
సమంత ఫ్యామిలీ మ్యాన్ 2 సీజన్ లో రాజ్ దర్శకత్వంలో నటించింది. అప్పుడే ఆమెకి రాజ్ తో పరిచయం ఏర్పడింది. అయితే నటిగా మాత్రం సమంత ఈ ఏడాది ప్రభావం చూపలేదు.
సమంత కెరీర్ లో నయా మలుపులు
చివరగా సమంత హీరోయిన్ గా నటించింది 2023లో విడుదలైన ఖుషి చిత్రంలోనే. శుభం మూవీలో చిన్న పాత్రలో మెరిసింది. గతంలో సమంత.. నందిని రెడ్డి దర్శకత్వంలో మా ఇంటి బంగారం అనే చిత్రాన్ని ప్రకటించింది. కానీ ఇంతవరకు ఆ చిత్రం నుంచి ఎలాంటి అప్డేట్ లేదు.
రాజ్ తో కొత్త జీవితాన్ని, నిర్మాణ సంస్థతో కొత్త ప్రయాణాన్ని ప్రారంభించిన సమంతకు ఈ ఏడాది ఎంతో ప్రత్యేకంగా నిలిచింది. భవిష్యత్తులో నటిగా, నిర్మాతగా ఆమె మరిన్ని విజయాలు అందుకోవాలని ఆశిద్దాం.
