విజయ్ దేవరకొండ హీరోగా నటించిన ‘కింగ్డమ్’ మూవీ త్వరలో విడుదల కానుంది. ఈ సినిమాపై స్టార్ డైరెక్టర్ సందీప్ రెడ్డి వంగా తన ఫస్ట్ రివ్యూ ఇచ్చారు. ఆయన సినిమాను అత్యంత ప్రశంసించారు.
Key Points
సందీప్ రెడ్డి వంగా 'కింగ్డమ్' మూవీకి ఫస్ట్ రివ్యూ ఇచ్చారు.
విజయ్ దేవరకొండ పవర్ఫుల్ పెర్ఫామెన్స్ అని ప్రశంసించారు.
సినిమాలో విజయ్ మూడు డిఫరెంట్ గెటప్స్ లో కనిపిస్తాడని లీక్.
అనిరుద్ధ్ సంగీతం అదిరిపోతుందని సందీప్ వెల్లడించారు.
‘కింగ్డమ్’ మూవీకి సందీప్ రెడ్డి వంగా రివ్యూ
రౌడీ బాయ్ విజయ్ దేవరకొండ నటించిన `కింగ్డమ్` మూవీ ఈ వారం ఆడియెన్స్ ముందుకు రాబోతుంది. గౌతమ్ తిన్ననూరి దర్శకత్వంలో రూపొందిన ఈ మూవీని సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ పతాకంపై నాగవంశీ, సాయి సౌజన్య నిర్మించారు.
ఈ చిత్రం ఈ నెల 31న విడుదల కాబోతుంది. ఈ నేపథ్యంలో సినిమా ప్రమోషన్స్ స్టార్ట్ చేసింది యూనిట్. వరుసగా పాటలు విడుదల చేశారు. శనివారం ట్రైలర్ని రిలీజ్ చేయబోతున్నారు. తిరుపతిలో ట్రైలర్ ఈవెంట్ని ప్లాన్ చేశారు.
తాజాగా స్టార్ డైరెక్టర్ సందీప్ రెడ్డి వంగాతో కలిసి ఇంటర్వ్యూ చేశారు విజయ్ దేవరకొండ, దర్శకుడు గౌతమ్ తిన్ననూరి. ఇందులో సందీప్ హోస్ట్ గా వ్యవహరించారు. ఈ పాడ్కాస్ట్ ఇంటర్వ్యూని శుక్రవారం విడుదల చేశారు.
సినిమా గురించి తన ఫస్ట్ రివ్యూ ఇచ్చారు సందీప్. సినిమా ఎలా ఉండబోతుందో తెలిపారు. తాను 15 మినిట్స్ సినిమా చూసినట్టు, ఆర్ఆర్ లేకుండా సుమారు 45 నిమిషాలు చూసినట్టు తెలిపారు.
విజయ్ దేవరకొండ పెర్ఫామెన్స్ ప్రశంసలు
సినిమాపై గూస్బంమ్స్ తెప్పించే విషయాలు వెల్లడించారు. సినిమా చూశాను, ఈ క్రమంలో బ్యాక్ గ్రౌండ్ స్కోర్ లేదనే విషయాన్ని మర్చిపోయాను. అంత బాగా కనెక్ట్ అయ్యింది. అస్సలు మ్యాడ్ అనిపించింది.
అనిరుథ్ మ్యూజిక్ న్యూ టెంప్లేట్లో ఉంటుంది. ఆర్ఆర్ అదిరిపోతుందని చెప్పారు సందీప్. అదే సమయంలో మ్యూజిక్ సాలిడ్గా ఉంటుందన్నారు.
విజయ్ దేవరకొండ పవర్ పాక్డ్ పర్ఫెర్మెన్స్ ఇచ్చాడని, సూపర్ హిట్కొట్టావు గౌతమ్ అంటూ ప్రశంసలు కురిపించారు సందీప్ రెడ్డి వంగా. సినిమా అదిరిపోయిందని, వేరే లెవల్ అని ఆయన చెప్పకనే చెప్పారు.
లొకేషన్స్, వాడిన వెయికల్స్ రియలిస్టిక్గా ఉన్నాయని, అదే సమయంలో ఇందులో విజయ్ మూడు డిఫరెంట్ గెటప్స్ లో కనిపిస్తున్నట్టు లీక్ చేశారు. ఆయన లుక్స్ అదిరిపోయిందని చెప్పారు సందీప్.
సినిమా విడుదల తేదీ మరియు ప్రమోషన్స్
అయితే ఫస్ట్ లుక్ రిలీజ్ సమయంలోనే సందీప్ తనకు ఫోన్ చేసినట్టు విజయ్ దేవరకొండ తెలిపారు. `లుక్ అదిరిపోయింది విజయ్. చాలా ఎగ్జైటెడ్గా ఉంద`ని చెప్పాడని విజయ్ దేవరకొండ తెలిపారు.
సందీప్ రెడ్డి వంగా కేవలం తనకు నచ్చితేనే ఫోన్ చేస్తాడు. లేదంటే చేయడు, ఆయన చెప్పాడంటే నిజంగానే సినిమా బాగున్నట్టే అని విజయ్ చెప్పడం విశేషం. దీంతో సినిమాపై తన రివ్యూతో హైప్ ఇచ్చాడు సందీప్.
విజయ్ దేవరకొండ హీరోగా నటించిన `కింగ్డమ్`లో భాగ్య శ్రీ బోర్సే హీరోయిన్గా నటించింది. ఈ మూవీ గురంచి విజయ్ చెబుతూ, ఈ కథని ఎవరూ ఊహించలేరని, చాలా సర్ప్రైజ్ ఫీలవుతారని తెలిపారు.
ఎక్కువ స్టోరీని రివీల్ చేయోద్దని సందీప్ రెడ్డి వంగా చెప్పడం విశేషం. సినిమా కోసం తాను ఈగర్గా వెయిట్ చేస్తున్నట్టు తెలిపారు. సందీప్ కామెంట్స్ సినిమాపై హైప్ పెంచుతుంది. విజయ్కి మరో బ్లాక్ బస్టర్ పడబోతుందని, ఆయన స్టామినాని చూపించే మూవీ రాబోతుందని సందీప్ మాటల ద్వారా అర్థమవుతుంది.
సుమారు 45 నిమిషాల సినిమాను చూసిన సందీప్ రెడ్డి వంగా, విజయ్ దేవరకొండ నటనను ప్రశంసించారు. ‘కింగ్డమ్’ సినిమా భారీ విజయం సాధించే అవకాశాలున్నాయని సూచించారు.
