సినిమా ఇండస్ట్రీలో హీరోయిన్లకు వేధింపులు తప్పవనే చర్చ మరోసారి తెరపైకి వచ్చింది. నటి సంజనా గల్రానీ తన కెరీర్లో ఎదుర్కొన్న చేదు అనుభవాన్ని బయటపెట్టింది. ఓ కన్నడ సినిమా షూటింగ్లో హీరో తన చేతులను గట్టిగా పట్టుకొని ఎలా వేధించాడో వివరించింది.
Key Points
నటి సంజనా గల్రానీ బిగ్ బాస్ 9 తెలుగులో పాల్గొంటున్నారు.
కన్నడ షూటింగ్లో ఓ హీరో తన చేతులు గట్టిగా నొక్కాడని సంజనా వెల్లడించింది.
నొప్పిగా ఉందని చెప్పినా, 'మ్యానేజ్ చేసుకో' అని దురుసుగా మాట్లాడాడట ఆ హీరో.
వేధింపులను ధైర్యంగా ఎదుర్కొని కెరీర్లో ముందుకు సాగానని సంజనా చెప్పుకొచ్చింది.
ఇండస్ట్రీలో హీరోయిన్ల వేధింపులు: సంజనా అనుభవం
సినిమా ఇండస్ట్రీలో హీరోయిన్లకు వేధింపులు తప్పవనే టాక్ ఇప్పటికీ ఉంది . ఎన్నో ఆశలతో ఇండస్ట్రీలోకి అడుగుపెడితే .. అవకాశాల పేరుతో కొంతమంది .. అవసరాలకు మరికొంత మంది వారిని ఇబ్బందికి గురి చేస్తూనే ఉంటున్నారు . టాలెంట్ తో చాన్స్ దక్కించుకొని షూటింగ్ కి వెళ్తే .. అక్కడ కూడా వేధింపులు తప్పవు . చాలా మంది అలాంటి వేధింపులను భరించలేక .. ఇండస్ట్రీనే వదిలేశారు . కొంత మంది మాత్రమే వాటిని ధైర్యంగా ఎదుర్కొని కెరీర్ పరంగా ముందుకు సాగారు . అలాంటి వారిలో సంజన గల్రానీ ఒకరు . తన కెరీర్ లో ఎంతో మందితో వేధింపులు ఎదురయ్యాయని .. వాటిని ఎదుర్కొని ముందుకు సాగడం వల్లే ఈ స్థాయిలో ఉన్నానని చెబుతోంది .
తెలుగు, తమిళ, కన్నడలో పలు చిత్రాలతో అలరించిన ఈ బ్యూటి.. ఇప్పుడు బిగ్ బాస్ తొమ్మిదో సీజన్ (Bigg Boss 9 Telugu)లో పాల్గొని బుల్లితెర ప్రేక్షకులకు దగ్గరైంది. ప్రస్తుతం ఈ నటి బిగ్ బాస్ హౌస్ లోనే ఉంది . అయితే ఈమెకు సంబంధించిన ఓ పాట ఇంటర్వ్యూ ఇప్పుడు వైరల్ గా మారింది . అందులో ఆమె కెరీర్ లో ఓ హీరోతో ఎదురైన ఇబ్బందిని పంచుకుంది . కన్నడ సినిమా షూటింగ్ లో ఓ హీరో తనను టార్చర్ చేశాడట . తన చేతులను పట్టుకొని గట్టిగా నొక్కాడట . నొప్పిగా ఉందని చెబితే .. మ్యానేజ్ చేసుకో అని దురుసుగా మాట్లాడినట్లు సంజనా చెప్పింది .
షూటింగ్ సెట్లో హీరో టార్చర్
‘ కన్నడలో ఓ సినిమా షూటింగ్ నాకు ఇబ్బందిగా అనిపించింది . పేరు చెప్పలేను కానీ ఓ హీరో నన్ను టార్చర్ పెట్టాడు . ఆ మూవీ డైరెక్టర్ తో అతనికి గొడవలు జరుగుతున్నాయి . అదే సమయంలో షూటింగ్ జరపగా .. హీరో వచ్చిన నా చేతులు గట్టిగా నొక్కాడు . వాస్తవానికి ఆ సీన్ లో హీరో నా చేతులు పట్టుకొని ముందుకు మూవ్ అవ్వాలి . కానీ ఆయన కోపంతో వచ్చి గట్టి గట్టిగా నొక్కాడు . నొప్పిగా ఉందని చెబితే .. మ్యానేజ్ చేసుకో అని సీరియస్ లుక్ తో చెప్పాడు . నేను కాసేపు షూటింగ్ నే ఆపేశా . ‘ నేను దెబ్బలు తినడానికి రాలేదు .. ఇదేం యాక్షన్ సీన్ కాదు.. నేను విలన్ కాదు .. ఈ సీన్ కి తగ్గట్టుగా నీ మైండ్ సెట్ మార్చుకో .. ఆ తర్వాతే షూట్ చేద్దాం ’ అని అరగంట తర్వాత మళ్లీ ఆ సీన్ చేశాం . ఇలాంటి క్రాక్ ఉన్నవాళ్లు అప్పుడప్పుడు దొరుకుతారు . వారిని పట్టించుకోకుండా .. మన పని చేసుకొని పోవాలి ’ అని సంజన చెప్పుకొచ్చింది .
వేధింపులను ధైర్యంగా ఎదుర్కొన్న సంజనా
టాలీవుడ్ చిత్రం సోగ్గాడు (2005) ద్వారా ఇండస్ట్రీలోకి అడుగుపెట్టిన సంజనా .. తమిళంలో ఒరు కధల్ సేవిర్ తో తొలి విజయం అందుకుంది . పూరి జగన్నాథ్ దర్శకత్వంలో ప్రభాస్ హీరోగా వచ్చిన బుజ్జిగాడు చిత్రం సంజన జీవితాన్నే మార్చేసింది . ఆ తర్వాత పోలీస్ పోలీస్, సత్యమేవ జయతే, దుశ్శాసన, యమహో యమ, ముగ్గురు, లవ్ యూ బంగారం, అవును 2, సర్దార్ గబ్బర్ సింగ్ లాంటి తెలుగు చిత్రాలతో పాటు తమిళ , కన్నడ సినిమాల్లోనూ హీరోయిన్ గా నటించింది .
సినిమా రంగంలో వేధింపులు కొత్త కాదని, వాటిని ధైర్యంగా ఎదుర్కొని ముందుకు సాగడమే ముఖ్యమని సంజనా మాటలు స్పష్టం చేస్తున్నాయి. ఆమె అనుభవం ఎంతో మందికి స్ఫూర్తినిస్తుంది.
