బిగ్బాస్ ఫేమ్ శివజ్యోతి తన అభిమానులకు ఓ శుభవార్త చెప్పింది. తాను తల్లి కాబోతున్నట్లు ప్రకటించి, 2026లో తమ కుటుంబంలోకి కొత్త సభ్యుడు రాబోతున్నాడని తెలియజేసింది. ఈ వార్తతో ఆమె స్నేహితులు, నెటిజన్లు శుభాకాంక్షలు చెబుతున్నారు.
Key Points
బిగ్బాస్ ఫేమ్ శివజ్యోతి తాను తల్లి కాబోతున్నట్లు ప్రకటించింది.
2026లో తమకు బిడ్డ పుట్టబోతోందని వీడియో ద్వారా వెల్లడించింది.
తీన్మార్ సావిత్రిగా, బిగ్బాస్ 3లో పాల్గొని ఆమె గుర్తింపు తెచ్చుకుంది.
తన ప్రెగ్నెన్సీ జర్నీకి సపోర్ట్ చేసిన వారికి శివజ్యోతి ధన్యవాదాలు తెలిపింది.
శుభవార్త చెప్పిన బిగ్బాస్ శివజ్యోతి
బిగ్బాస్ ఫేమ్ శివజ్యోతి శుభవార్త చెప్పింది. తాను తల్లి కాబోతున్నట్లు ప్రకటించింది. వచ్చే ఏడాది తనకు పిల్లాడు పుట్టబోతున్నాడని చెప్పి ఓ వీడియోని షేర్ చేసింది. ఈ క్రమంలోనే ఈమెకు ఫ్రెండ్స్, నెటిజన్లు శుభాకాంక్షలు చెబుతున్నారు.
సావిత్రిగా కెరీర్, బిగ్బాస్తో గుర్తింపు
తీన్మార్ వార్తలతో సావిత్రిగా గుర్తింపు తెచ్చుకున్న ఈమె అసలు పేరు శివజ్యోతి. కానీ సావిత్రిగానే చాలా ఫేమస్ అయింది. తెలంగాణలోని నిజామాబాద్ నాగంపేట ఈమె సొంతూరు. పదేళ్ల క్రితమే గంగూలీ అనే వ్యక్తిని ప్రేమించి, ఇంట్లో వాళ్లు నో చెప్పినా సరే పెళ్లి చేసుకుంది. అయితే బిగ్బాస్ 3వ సీజన్లో పాల్గొని మరింత ఫేమస్ అయింది. తర్వాత షోలు, యూట్యూబ్ వీడియోలు చేసుకుంటూ బాగానే సంపాదించింది. ఇప్పుడు తల్లి కాబోతున్న విషయాన్ని బయటపెట్టింది.
నెటిజన్లకు శివజ్యోతి ఎమోషనల్ మెసేజ్
‘అందరికీ దసరా శుభాకాంక్షలు. ఆ ఏడుకొండల వెంకన్నస్వామి దయతో 2026లో మాకు బిడ్డ రాబోతుంది. మా పిల్లల కోసం ఎంతోమంది ఎంతగానం ఎదురు చేసిండ్రో. మీరు నాకు కావలిసినవాళ్లు. వాళ్ల సొంత అక్క బావకి బేబీ రావాలి అన్నంత గట్టిగా కోరుకున్నారు. ఇట్ల బిడ్డ అస్తుంది అని చెప్పగానే మా వాళ్ళు ఇచ్చిన రియాక్షన్ నా జీవితంలో ఎప్పటికీ మర్చిపోను. మీరు కూడా అంతే హ్యాపీగా ఫీల్ అయితరు అనుకుంటున్న. అందుకే చెపుతున్న పండుగ పూట ఈ ముచ్చట. దిష్టి పెట్టొద్దు. ఆశీర్వదం చాలు. ఈ బ్యూటీఫుల్ జర్నీలో సపోర్ట్ చేసినోళ్లను మర్చిపోను, బాధ పెట్టినళ్లోను కుడా మర్చిపోను’ అని శివజ్యోతి రాసుకొచ్చింది.
శివజ్యోతి తన ప్రెగ్నెన్సీ జర్నీలో అభిమానుల ఆశీర్వాదం కోరుకుంది. తన సంతోషాన్ని పంచుకుంటూ, మద్దతు ఇచ్చిన వారికి, బాధ పెట్టిన వారికి కూడా ధన్యవాదాలు తెలిపింది. ఈ తీపి కబురుతో ఆమె అభిమానులు ఆనందంలో మునిగిపోయారు.
