లోకేష్ కనగరాజ్ దర్శకత్వంలో వచ్చిన కూలీ సినిమా హీరోయిన్ శ్రుతి హాసన్ కు చెన్నై థియేటర్ లో విచిత్రమైన అనుభవం ఎదురైంది. ఫస్ట్ డే ఫస్ట్ షో చూడటానికి వెళ్ళిన ఆమెను సెక్యూరిటీ గార్డ్ ఆపడంతో ఆమె తాను హీరోయిన్ అని చెప్పింది.
Key Points
కూలీ సినిమా హీరోయిన్ శ్రుతి హాసన్ థియేటర్కు వెళ్ళిన ఘటన.
సెక్యూరిటీ గార్డు ఆమెను గుర్తించలేక ఆపేశాడు.
శ్రుతి హాసన్ సరదాగా తాను హీరోయిన్ అని చెప్పింది.
వైరల్ అయిన వీడియో నెటిజన్లను ఆకర్షించింది.
శ్రుతి హాసన్ కు థియేటర్లో అనుభవం
లోకేశ్ కనగరాజ్ దర్శకత్వం వహించిన కూలీ సినిమా హీరోయిన్ శ్రుతి హాసన్ కు వింత ఘటన ఎదురైంది. ఫస్ట్ డే, ఫస్ట్ షో చూసేందుకు శ్రుతిహాసన్ గురువారం (ఆగస్టు 14) చెన్నైలోని ఓ థియేటర్ కు వెళ్లింది. ఆమె లోపలికి వెళ్ళడానికి ఉత్సాహంగా ఉన్నప్పటికీ, శ్రుతి హాసన్ ను సెక్యూరిటీ గార్డు ఆపేశాడు. ఆమె కారును లోపలికి పంపించలేదు. ఆలస్యంగా వెలుగులోకి వచ్చిన ఈ వీడియో వైరల్ గా మారింది.
శ్రుతి హాసన్ కారును సెక్యూరిటీ గార్డు అడ్డుకున్న విషయం వీడియోతో బయటపడింది. సింగపూర్-తమిళ ర్యాపర్ యుంగ్ రాజా తన ఇన్ స్టాగ్రామ్ స్టోరీస్ లో పోస్ట్ చేసిన వీడియోలో శ్రుతి హాసన్ కారులో కూర్చొని తన స్నేహితులతో కలిసి కూలీ షోకు వెళ్లడానికి ప్రయత్నిస్తోంది. ఆమెను గుర్తుపట్టని సెక్యూరిటీ గార్డు వారిని లోనికి రానివ్వకుండా అడ్డుకున్నాడు. శ్రుతి హాసన్ తనకు ఎవరో తెలియనట్లు ఆపేశాడు.
సెక్యూరిటీ గార్డు ప్రతిస్పందన
శ్రుతి సరదాగా ఆ సెక్యూరిటీ గార్డుతో ‘‘నేను సినిమాలో ఉన్నాను. దయచేసి నన్ను అనుమతించండి అన్నా. నేనే హీరోయిన్ సార్’’ అంటూ అడిగింది. చివరకు సెక్యూరిటీ వారిని లోపలికి అనుమతించింది. చెన్నైలోని వెట్రి థియేటర్స్ యజమాని రాకేష్ గౌతమన్ ఈ వీడియోను ఎక్స్ (గతంలో ట్విట్టర్)లో తిరిగి పంచుకున్నారు. ‘నా మనిషి రాయల్ తన కర్తవ్యాన్ని కాస్త అతిగా నిర్వర్తించాడు. సరదా క్షణం. మాతో ఉన్నందుకు ధన్యవాదాలు శ్రుతి హాసన్ మామ్.. మీరు ఈ షోను ఎంజాయ్ చేశారని ఆశిస్తున్నాను!!’’ అని పోస్టు చేశాడు.
సెక్యూరిటీ గార్డు ఆపేసినా చాలా ప్రశాంతంగా డీల్ చేసిన శ్రుతి హాసన్ పై నెటిజన్లు ప్రశంసలు కురిపిస్తున్నారు. ‘ఆమె సార్ అని పిలిచే విధానం నాకు చాలా ఇష్టం. ఇది ప్రజల పట్ల ఆమెకున్న గౌరవం’ అని ఓ అభిమాని ఇన్ స్టాగ్రామ్ లో రాసుకొచ్చాడు. ‘శ్రుతిహాసన్ – హీరోయిన్ (క్రాస్ ఎమోజీ) ఆడియన్స్ (టిక్ ఎమోజీ)’ అంటూ మరొకరు చమత్కరించారు. ఓ అభిమాని ‘అంధా అన్న రొంబా స్ట్రిక్ట్ ఎన్ జీఏ (ఆ తమ్ముడు చాలా స్ట్రిక్ట్’ అని కామెంట్ చేశాడు.
వైరల్ అయిన వీడియో
రజనీకాంత్ , నాగార్జున, సౌబిన్ షాహిర్, సత్యరాజ్, ఉపేంద్ర, అమీర్ ఖాన్ నటించిన కూలీ చిత్రంలో శ్రుతి ప్రీతి క్యారెక్టర్ ప్లే చేసింది. సన్ పిక్చర్స్ నిర్మించిన ఈ చిత్రానికి అనిరుధ్ సంగీతం అందించాడు. ఆగస్టు 14న థియేటర్లలో విడుదలైన ఈ చిత్రం తొలిరోజు ప్రపంచ వ్యాప్తంగా రూ.150 కోట్లు రాబట్టింది.
శ్రుతి హాసన్ ప్రశాంతంగా స్పందించడం అభిమానులను ఆకట్టుకుంది. ఈ ఘటన సోషల్ మీడియాలో వినోదాన్ని పంచింది. కూలీ సినిమా విడుదలతో ఆమెకు మంచి స్పందన లభించింది.
