📌 Key Points
- సిల్క్ స్మిత, జయలక్ష్మి మరణాలపై దాసరి సంచలన వ్యాఖ్యలు.
- హీరోయిన్లంతా ‘శివరంజని’ మూవీ చూడాలని దాసరి సూచన.
- సినీ జీవిత ఒత్తిడుల గురించి శివరంజనిలో ఎమోషనల్ చిత్రీకరణ.
- అనుభవం లేని నటీమణులు ఆత్మహత్యలకు కారణం అని దాసరి.
టాలీవుడ్లో ఎంతో మంది నటీమణుల జీవితాలు విషాదంగా ముగిశాయి. సిల్క్ స్మిత, జయలక్ష్మి వంటి తారల మరణాలపై దివంగత దర్శకుడు దాసరి నారాయణ రావు చేసిన సంచలన వ్యాఖ్యలు ఇప్పుడు వైరల్ అవుతున్నాయి. ఆయన చెప్పిన ఆ “రహస్య” సినిమా ఏంటి?
దాసరి చెప్పిన ఆ ‘రహస్య’ సినిమా ఏది?
తెలుగు చిత్ర పరిశ్రమలో ఎన్నో విషాదాలు, అనుమానాస్పద మరణాలు జరిగాయి. సిల్క్ స్మిత, జయలక్షి, దివ్య భారతి లాంటి నటీమణుల మరణాలపై ఇప్పటికీ వివాదం నడుస్తూనే ఉంది. సిల్క్ స్మిత, జయలక్షి లాంటి వారు ఆత్మహత్య చేసుకున్నారు. వారు అలా ఎందుకు చేసుకోవాల్సి వచ్చింది అనేదానిపై చర్చ జరుగుతూనే ఉంది. ఎన్నో వాదనలు వినిపిస్తున్నాయి.
ఓ సందర్భంలో దాసరి నారాయణ రావు వారి మరణాల గురించి ఆసక్తికర వ్యాఖ్యలు చేశారు. ఓ ఇంటర్వ్యూలో సిల్క్ స్మిత, జయలక్ష్మి లాంటి నటీమణుల జీవితాలు ఎందుకు ఇలా ముగిసిపోయాయి. దీనిపై టాలీవుడ్ సరిగ్గా స్పందించిందా అని మీడియా ప్రతినిధి ప్రశ్నించారు. దీనికి దాసరి నారాయణ రావు జవాబు ఇస్తూ.. వారి మరణాలపై తెలుగు చిత్ర పరిశ్రమ స్పందించిందా లేదా అనేది పక్కన పెడితే.. మొట్ట మొదట స్పందించిన వాడిని నేనే. అందుకే శివరంజని అనే సినిమా తీశాను.
హీరోయిన్ల జీవితాల్లో కష్టాలు ఎందుకు?
ఆల్రెడీ ఇండస్ట్రీలో ఉన్న హీరోయిన్లు కానీ, కొత్తగా ఇండస్ట్రీకి వచ్చిన నటీమణులు కానీ.. ఇండస్ట్రీకి రావాలి అనుకుంటున్న అమ్మాయిలు కానీ ఒక్కసారి శివరంజని సినిమా చూడాలి. ఆ సినిమాని చూసి అర్థం చేసుకుంటే ఇండస్ట్రీలో నటీమణుల ఆత్మహత్యలు ఏమాత్రం ఉండవు. అనుభవం లేక ఆత్మహత్యల వరకు వెళుతున్నారు. అందుకే ఆ అనుభవాన్ని ముందే చూపించాం. ఆ సినిమా చూసిన తర్వాత కూడా నేర్చుకోకుంటే వాళ్ళ దురదృష్టం అని దాసరి నారాయణ రావు అన్నారు.
దాసరి నారాయణ రావు ఒక సినీనటి తెర వెనుక జీవితం ఎలా ఉంటుందో ఎమోషనల్ గా చూపించారు. జయసుధ పెర్ఫార్మెన్స్ కంటతడి పెట్టించేలా ఉంటుంది. చివరికి శివరంజని ఆత్మహత్య చేసుకుని మరణించినట్లు కథలో చూపిస్తారు.
శివరంజని: టాలీవుడ్కు ఒక పాఠం!
చిత్ర పరిశ్రమలో ఎలాంటి పరిస్థితులు ఉంటాయి, సూపర్ స్టార్ డమ్ వచ్చాక ఒత్తిడి ఎలా ఉంటుంది లాంటి అంశాలని దాసరి ఈ చిత్రంలో చూపించారు. అందుకే ఇండస్ట్రీలోకి రావాలనుకునేవారు, ఆల్రెడీ ఉన్న వారు ఈ చిత్రం చూడాలి అని దాసరి అన్నారు.
హీరోయిన్ల జీవితాల్లోని కఠిన వాస్తవాలను, ఒడిదుడుకులను అర్థం చేసుకోవడానికి దాసరి చెప్పిన ఈ సూచన ఎంతగానో ఉపయోగపడుతుంది. టాలీవుడ్ భవిష్యత్తు కోసం ఆయన చేసిన ఈ వ్యాఖ్యలు ఎప్పటికీ నిలిచిపోతాయి. మరిన్ని సంచలన అప్డేట్స్ కోసం చూస్తూ ఉండండి!
