📌 Key Points
- శివాజీ, లయ కాంబోలో మళ్ళీ బ్లాక్ బస్టర్ హిట్ కోసం ఎదురుచూపు!
- మార్చి 6న విడుదల కానున్న ‘సాంప్రదాయిని సుప్పిని సుద్దపూసని’ చిత్రం!
- 16 ఏళ్ల తర్వాత వెండితెరపై శివాజీ, లయ జోడీ సందడి చేయనున్నారు.
- ఈటీవీ విన్ ఓటీటీలో కాకుండా థియేటర్లలో విడుదల కావడం విశేషం!
తెలుగు సినిమా పరిశ్రమలో ఒకప్పుడు ఒక వెలుగు వెలిగిన శివాజీ, లయ జోడీ మళ్ళీ కలిసి నటిస్తున్నారు. వీరి కాంబినేషన్లో వచ్చిన సినిమాలు ఒకప్పుడు బ్లాక్ బస్టర్ హిట్స్. ఇప్పుడు మళ్లీ ఎలాంటి మ్యాజిక్ చేస్తారో చూడాలి.
శివాజీ, లయ కాంబినేషన్ బ్లాక్ బస్టర్స్
చాలా ఏళ్లు వెనక్కు వెళ్లినట్లయితే తెలుగు సినిమా పరిశ్రమలో ఒక జంట కలిసి అనేక సినిమాల్లో నటించిన సందర్భాలు అనేకం ఉన్నాయి. ఈ మధ్యకాలంలో మహా అయితే ఒక జోడీ రెండు, మూడు సినిమాలు కలిసి నటించడమే గగనం అయిపోయింది. కానీ ఏకంగా ఈ సంవత్సరం ఓ జంట నటించిన ఐదవ సినిమా విడుదల కాబోతుంది. ఇంతకు ఆ లక్కీ పెయిర్ ఎవరు అనుకుంటున్నారా? వారు మరెవరో కాదు శివాజీ – లయ. వీరిద్దరి కాంబినేషన్లో ఇప్పటివరకు నాలుగు సినిమాలు వచ్చాయి. ఆ నాలుగు కూడా మంచి విజయాలను సాధించాయి.
16 ఏళ్ల తర్వాత మళ్లీ కలిసిన జోడీ
మరికొన్ని రోజుల్లోనే వీరి కాంబోలో తెరకెక్కిన ఐదవ సినిమా విడుదల కానుంది. దానిపై కూడా ప్రేక్షకుల్లో మంచి అంచనాలే ఉన్నాయి. మొదటగా శివాజీ – లయ కాంబినేషన్లో 2003లో మిస్సమ్మ చిత్రం వచ్చింది. ఇది ఆ సమయంలో బ్లాక్ బస్టర్ అయ్యింది. ఆ తర్వాత 2005లో అదిరిందయ్యా చంద్రం అనే చిత్రంతో ఈ జంట మరోసారి ప్రేక్షకులను పలకరించి మంచి విజయాన్ని సొంతం చేసుకున్నారు. ఆ తర్వాత 2006లో ఈ జోడీ టాటా బిర్లా మధ్యలో లైలా అనే చిత్రంతో ప్రేక్షకులను పలకరించి మరో విజయాన్ని అందుకున్నారు.
థియేటర్లలో విడుదల కానున్న చిత్రం
2010లో బ్రహ్మలోకం టు యమలోకం వయా భూలోకం అనే చిత్రంతో ఈ జంట ప్రేక్షకులను పలకరించింది. ఈ సినిమా మంచి విజయాన్ని అందుకుంది. ఇక దాదాపు 16 సంవత్సరాల తర్వాత ఈ జంట మళ్ళీ వెండితెరపై అలరించనున్నారు. తాజాగా సాంప్రదాయిని సుప్పిని సుద్దపూసని అనే చిత్రంలో వీరిద్దరూ కలిసి నటించారు. మొదట ఈ సినిమాని నేరుగా ఈటీవీ విన్ ఓటీటీలో స్ట్రీమింగ్ చేయనున్నట్లు ప్రకటించారు. కానీ ఆ తర్వాత ఈ చిత్రాన్ని థియేటర్లలో విడుదల చేయనున్నట్లు అనౌన్స్ చేశారు. మార్చి 6వ తేదీన ఈ చిత్రం విడుదల కానుంది. మరి ఈ కాంబినేషన్లో వచ్చే ఐదవ సినిమా ఏ స్థాయి విజయాన్ని సొంతం చేసుకుంటుందో చూడాలి.
శివాజీ, లయ కలయికలో వస్తున్న ఈ సినిమా ఎలాంటి విజయాన్ని సాధిస్తుందో చూడాలి. మరిన్ని సినిమా అప్డేట్స్ కోసం చూస్తూ ఉండండి.
