ప్రముఖ బాలీవుడ్ నటి సోనాలి బింద్రె తాజాగా ఓ స్టార్ హీరోతో చేసిన సినిమా అనుభవాలను పంచుకుంది. ఆ హీరో ఎలా ప్రవర్తించాడో ఆమె వివరించింది. సోనాలి బింద్రె తెలుగులోనూ చాలా సినిమాల్లో నటించింది.
Key Points
సోనాలి బింద్రె సల్మాన్ ఖాన్ తో హమ్ సాత్ హై సినిమాలో నటించింది.
షూటింగ్ సమయంలో సల్మాన్ ఖాన్ ఆమెను చూసి ముఖం చిట్లించేవాడని ఆమె తెలిపింది.
సల్మాన్ ఖాన్ కోపంగా ఉన్నప్పటికీ మంచి మనిషి అని సోనాలి అభిప్రాయం.
సినిమా షూటింగ్ తరువాతే సల్మాన్ ఖాన్ నిజ స్వభావం తెలిసిందని ఆమె పేర్కొంది.
సోనాలి బింద్రె సల్మాన్ ఖాన్ తో అనుభవం
బంగారు కళ్ల బుచ్చమ్మో.. పాటలో అమాయకంగా కనిపించి అందర్నీ ఇట్టే బుట్టలో వేసుకుంది హీరోయిన్ సోనాలి బింద్రె ( Sonali Bendre ). మురారి సినిమాలో ఆమె నటనకు తెలుగులో బోలెడన్ని ఆఫర్లు వచ్చాయి. అలా ఇంద్ర, ఖడ్గం, మన్మథుడు, శంకర్ దాదా ఎంబీబీఎస్ వంటి చిత్రాల్లో నటించింది. ఆ తర్వాత సినిమాల్లో పెద్దగా కనిపించకుండా పోయింది. దాదాపు 20 ఏళ్లలో కేవలం మూడే సినిమాలు చేసింది. బుల్లితెరపై ప్రసారమయ్యే షోలలో జడ్జిగా కనిపించేది.
ముఖం చిట్లించేవాడు తాజాగా ఆమె ఓ స్టార్ హీరోతో చేసిన సినిమా అనుభవాల్ని పంచుకుంది. బాలీవుడ్ బబుల్కు ఇచ్చిన ఇంటర్వ్యూలో సోనాలి బింద్రె మాట్లాడుతూ.. 1999లో వచ్చిన హమ్ సాత్ హై సినిమాలో సల్మాన్ ఖాన్ ( Salman Khan )తో కలిసి నటించాను. ఆ సినిమా షూటింగ్లో సల్మాన్ నన్ను చూసి ముఖం చిట్లించేవాడు. అది చూసి నాకు చాలా కోపమొచ్చేది. తను నచ్చేవాడే కాదు. ఎప్పుడూ పోట్లాడుతూనే ఉండేవాళ్లం.
హమ్ సాత్ హై సినిమా షూటింగ్
తిట్టాలన్నంత కోపం క్లోజప్ షాట్స్ ఉన్నప్పుడు కూడా తన ముఖం అదోలా పెట్టేవాడు. అసలు నీ సమస్య ఏంటి? అని తిట్టాలనిపించేది. కానీ అలా చేయలేకపోయాను. అయితే సల్మాన్ బయటకు కనిపించేంత కఠినాత్ముడు కాదు. తను చాలా మంచివాడు. సినిమా షూటింగ్ అయ్యేకొద్దీ అతడి గురించి కొద్దికొద్దిగా తెలుసుకుంటూ వచ్చాను. తను బయటకు కోపంగా కనిపిస్తాడు. అందరూ తనను ద్వేషించాలన్నట్లుగానే ప్రవర్తిస్తాడు.
బ్లాక్బస్టర్ బొమ్మ కానీ తను మృదు స్వభావి. అతడి లోని మంచి మనిషిని తెలుసుకోవడానికి చాలా కష్టపడాల్సిందే అని చెప్పుకొచ్చింది. సల్మాన్, సోనాలి జంటగా నటించిన హమ్ సాత్ హై సినిమాను సూరజ్ బార్జాత్యా తెరకెక్కించాడు. ఇందులో సైఫ్ అలీ ఖాన్, టబు, మోహ్నిష్, కరిష్మా కపూర్ తదితరులు నటించారు. ఈ సినిమా ఆ ఏడాది అత్యధిక వసూళ్లు రాబట్టిన చిత్రంగా నిలిచింది.
సల్మాన్ ఖాన్ నిజ స్వభావం
చివరగా, సోనాలి బింద్రె సల్మాన్ ఖాన్ తో సినిమా షూటింగ్ అనుభవం గురించి తన అభిప్రాయాన్ని పంచుకుంది. సల్మాన్ ఖాన్ బయటికి కఠినంగా కనిపించినప్పటికీ, అతని లోపల మంచి మనిషి ఉన్నాడని ఆమె చెప్పింది.
