ప్రముఖ పంజాబీ నటి తానియా తండ్రి, డాక్టర్ అనిల్ జిత్ సింగ్ కంబోజ్ పై దుండగులు దాడి చేశారు. ఆసుపత్రిలోనే ఈ దాడి జరిగింది. ప్రస్తుతం ఆయన విషమ స్థితిలో ఉన్నారు.
Key Points
పంజాబీ నటి తానియా తండ్రి డాక్టర్ అనిల్ జిత్ సింగ్ కంబోజ్ పై దాడి జరిగింది.
దుండగులు ఆయన క్లినిక్ లో కాల్పులు జరిపి పరారయ్యారు.
డాక్టర్ కంబోజ్ ప్రస్తుతం ఆసుపత్రిలో చికిత్స పొందుతున్నారు.
కెనడా బేస్డ్ గ్యాంగ్ స్టర్ లఖ్ బీర్ సింగ్ లండాతో సంబంధం ఉండవచ్చని అనుమానం.
డాక్టర్ కంబోజ్ పై దాడి
పంజాబీ నటి తానియా తండ్రి డాక్టర్ అనిల్ జిత్ సింగ్ కంబోజ్పై ఎటాక్ జరిగింది. పంజాబ్లోని మోగా జిల్లాలోని కోట్ ఇసే ఖాన్లో ఉన్న అతని క్లినిక్, హర్బన్స్ నర్సింగ్ హోమ్లో ఇద్దరు అగంతకులు కాల్పులు జరిపారు. రోగులుగా నటించి క్లినిక్లోకి ప్రవేశించిన దుండగులు, డాక్టర్ కంబోజ్పై సమీపంలో నుంచి రెండు బుల్లెట్లతో కాల్చినట్లు తెలుస్తోంది. ఒకటి ఛాతీలో, మరొకటి పొట్టలో తగలగా.. వెంటనే అతన్ని మోగాలోని ఒక ప్రైవేట్ ఆసుపత్రికి తరలించారు. ప్రస్తుతం వెంటిలేటర్పై క్రిటికల్ పరిస్థితిలో ఉన్నట్లు సమాచారం.
ఆసుపత్రిలో చికిత్స
మోగా సీనియర్ సూపరింటెండెంట్ ఆఫ్ పోలీస్ అజయ్ గాంధీ నేతృత్వంలోని పోలీసులు క్లినిక్ను సీల్ చేసి.. సీసీటీవీ ఫుటేజీని పరిశీలిస్తూ దర్యాప్తు చేస్తున్నారు. దాడి చేసినవారు మోటార్సైకిల్పై పరారైనట్లు తెలుస్తోంది. ఈ దాడి వెనుక కెనడా బేస్డ్ గ్యాంగ్స్టర్ లఖ్బీర్ సింగ్ లండా నుంచి వచ్చిన బెదిరింపు కాల్స్తో సంబంధం ఉండవచ్చని పోలీసులు అనుమానిస్తున్నారు. కాగా కిస్మత్, సుఫ్నా, బజ్రే దా సిత్తా వంటి పంజాబీ చిత్రాల్లో నటించిన తానియా.. ఈ విషయాన్ని ఇన్స్టాగ్రామ్ ద్వారా తెలుపుతూ ఎమోషనల్ అయింది.
గ్యాంగ్స్టర్ లింక్ అనుమానం
విడాకులు తీసుకోబోతున్న ప్రముఖ సీరియల్ నటి.. భర్త గురించి సంచలన వ్యాఖ్యలు..
ఈ ఘటన పంజాబీ సినీ పరిశ్రమలో ఒక కలకలం రేపింది. డాక్టర్ కంబోజ్ త్వరగా కోలుకోవాలని అభిమానులు ఆకాంక్షిస్తున్నారు. పోలీసులు దర్యాప్తు చేస్తున్నారు.
