ఇండియన్ సినిమాలో సంచలనం సృష్టించిన బాహుబలి చిత్రం విషయంలో ఆసక్తికరమైన విషయం బయటపడింది. భల్లాల దేవుడు పాత్ర కోసం నిహార్ కపూర్ ట్రైనింగ్ తీసుకున్నాడు, కానీ అతని తల్లి అడ్డుకుంది. ఎందుకంటే…?
Key Points
బాహుబలి చిత్రంలో భల్లాల దేవుడు పాత్ర కోసం నిహార్ కపూర్ ట్రైనింగ్ తీసుకున్నారు.
రాజమౌళి మొదట నిహార్ కి ఆ పాత్రను ఆఫర్ చేశారు, కానీ తర్వాత రానాకు ఇచ్చారు.
నిహార్ తల్లి, ఆయన బాహుబలిలో నటించకుండా ఆపారు, ఎందుకంటే కాలకేయుడు పాత్రలో ఎక్కువ మేకప్ వల్ల ఆయన ముఖం కనిపించదు.
నిహార్ కపూర్ బాహుబలిలో నటించే గోల్డెన్ ఛాన్స్ మిస్ అయ్యారు.
నిహార్ కపూర్ మరియు బాహుబలి
ఇండియన్ సినిమాకి సరికొత్త బెంచ్ మార్క్ సెట్ చేసిన చిత్రం బాహుబలి. బాహుబలి 1, బాహుబలి 2 చిత్రాలతో తెలుగు సినిమా మార్కెట్ స్వరూపమే మారిపోయింది. ఈ క్రెడిట్ అంతా రాజమౌళిదే. తన విజన్ తో రాజమౌళి బాహుబలి చిత్రాన్ని ఒక దృశ్యకావ్యంలా చిత్రీకరించారు. ప్రభాస్ అమరేంద్ర బాహుబలి, మహేంద్ర బాహుబలిగా డ్యూయెల్ రోల్ లో నటించారు. దేవసేనగా అనుష్క, అవంతికగా తమన్నా, శివగామిగా రమ్యకృష్ణ నటించారు.
ఇక విలన్ గా భల్లాల దేవుడు పాత్రలో రానా దగ్గుబాటి నట విశ్వరూపం ప్రదర్శించారు. అయితే భల్లాల దేవుడు పాత్ర కోసం రాజమౌళి చాలా మంది స్టార్ హీరోలని అడిగినట్లు అప్పట్లో ప్రచారం జరిగింది. ఎవరూ అంగీకరించలేదు. ఊహించని విధంగా ఆ ఆఫర్ ని రాజమౌళి జయసుధ కొడుకు నిహార్ కపూర్ కి ఇచ్చారట. భల్లాల దేవుడు పాత్ర కోసం నిహార్ కొన్ని రోజులు ట్రైనింగ్ కూడా తీసుకున్నారట.
భల్లాల దేవుడు పాత్ర
ఓ ఇంటర్వ్యూలో నిహార్ ఈ విషయం చెప్పారు. అయితే నిహార్ కంటే ముందే రాజమౌళి ఈ పాత్ర కోసం రానాని అడిగారట. ముందుగా రానా చేయనని చెప్పాడు. కొన్ని రోజుల తర్వాత ఆలోచించుకుని చేస్తానని చెప్పాడు. అప్పటికే తాను ట్రైనింగ్ తీసుకుంటున్నానని నిహార్ తెలిపారు. రానా అంగీకారం తెలపడంతో రాజమౌళి అతడివైపే మొగ్గు చూపారు. నాకు కాలకేయుడి పాత్ర ఇస్తానని చెప్పారు.
కాలకేయుడి పాత్రలో ఎక్కువగా ప్రోస్థటిక్ మేకప్ వేసుకోవాలని చెప్పారు. దాని వల్ల ముఖం సరిగ్గా కనిపించదు. నీ ఫస్ట్ మూవీలోనే ఆడియన్స్ కి నువ్వు సరిగ్గా కనిపించవు. కాబట్టి ఆ పాత్ర వద్దని అమ్మ చెప్పింది. దీనితో బాహుబలి టీమ్ కి తాను నో చెప్పినట్లు నిహార్ పేర్కొన్నారు.
తల్లి నిర్ణయం
నిహార్ కపూర్ కొన్ని చిత్రాల్లో క్యారెక్టర్ రోల్స్ చేశారు. కానీ సరైన గుర్తింపు లభించలేదు. ఒక వేళ నిహార్ కపూర్ భల్లాల దేవుడు పాత్ర చేసి ఉంటే ఇండియా మొత్తం గుర్తింపు దక్కేది. మొత్తానికి నిహార్ గోల్డెన్ ఛాన్స్ మిస్ అయ్యారు.
చివరికి, నిహార్ కపూర్ బాహుబలిలో నటించే అవకాశాన్ని కోల్పోయాడు. ఇది ఆయన కెరీర్కు ఒక పెద్ద నష్టం అని చెప్పవచ్చు.
