సౌత్ ఇండియాలో స్టార్ మ్యూజిక్ డైరెక్టర్ అనిరుధ్, నటుడు ధనుష్ కాంబినేషన్లో పదేళ్లుగా సినిమా రాలేదు. ఇప్పుడు అభిమానులు ఎంతో ఆతృతగా ఎదురుచూస్తున్న ఆ కలయిక నిజం కాబోతోంది. ధనుష్ కొత్త సినిమాకు అనిరుధ్ సంగీతం అందించనున్నట్లు వార్తలు వస్తున్నాయి. ఈ హిట్ కాంబోపై మరిన్ని వివరాలు.
Key Points
అనిరుధ్ తన సంగీత ప్రస్థానాన్ని ధనుష్ కథానాయకుడిగా నటించిన '3' చిత్రంతో ప్రారంభించారు.
'వై దిస్ కొలవెరి డి' పాట ప్రపంచవ్యాప్తంగా పెద్ద సంచలనం సృష్టించింది.
కుటుంబ విషయాల్లో అభిప్రాయ బేధాలు, ఐశ్వర్య విడాకుల వల్ల వీరి మధ్య గ్యాప్ వచ్చిందని ప్రచారం.
పదేళ్ల తర్వాత లబ్బరు బంత్తు ఫేమ్ పచ్చుముత్తు తమిళరసన్ దర్శకత్వంలో ధనుష్ చిత్రానికి అనిరుధ్ సంగీతం.
ధనుష్, అనిరుధ్ సంగీత ప్రయాణం
సౌత్ ఇండియాలో ప్రస్తుతం క్రేజీ సంగీత దర్శకుడిగా వెలుగొందుతున్న అనిరుధ్ తన సంగీత పయనాన్ని ప్రారంభించింది నటుడు ధనుష్ కథానాయకుడిగా నటించిన 3 చిత్రంతోననే విషయం తెలిసిందే. ఈ చిత్రం పెద్దగా సక్సెస్ కాకపోయినా, అందులోని వై దిస్ కొలవెరి పాట ప్రపంచ వ్యాప్తంగా మార్మోగింది. తరువాత ‘రఘువరన్ బి.టెక్ , మారి, నవమన్మధుడు’ చిత్రాల వరకూ ధనుష్ కోసం అనిరుధ్ సంగీతాన్ని అందించారు. వీరిద్దరి మధ్య బంధుత్వం కూడా ఉండటంతో అలా వారి జర్నీ కొనసాగింది. కానీ, వీరిద్దరి మధ్య బేధాబిప్రాయాలు వచ్చాయనే ప్రచారం కోలీవుడ్లో జరిగింది. కుటుంబ విషయంలో ఇద్దరి మధ్య కాస్త గ్యాప్ వచ్చిందని కొందరు చెబితే… ఐశ్వర్యతో ధనుష్ విడాకులు తీసుకోవడం వల్ల అనిరుధ్ కాస్త దూరం జరిగాడని అంటారు.
అయితే ఇందులో నిజం ఎంత అన్నది పక్కన పెడితే.. సుమారు పదేళ్లుగా వీరిద్దరి కాంబోలో ఒక్క సినిమా కూడా రాలేదు. దీంతో ఈ హిట్ కాంబినేషన్లో చిత్రం కోసం అభిమానులు చాలా కాలంగా ఎదురు చూస్తున్నారు. అలాంటి సందర్భం ఇప్పుడు వస్తోందన్నది తాజా సమాచారం. ధనుష్ ప్రస్తుతం పలు చిత్రాల్లో నటిస్తూ బిజీగా ఉన్నారు. అదే విధంగా అనిరుధ్ నటుడు రజనీకాంత్ చిత్రాలకు వరుసగా పని చేస్తూ బిజీగా ఉన్నారు. తాజాగా ధనుష్ హీరోగా లబ్బరు బంత్తు చిత్రం ఫేమ్ పచ్చుముత్తు తమిళరసన్ దర్శకత్వంలో ఒక సినిమా చేసేందుకు ఓకే చెప్పారు. ఈ చిత్రానికి అనిరుధ్ సంగీతాన్ని అందించనున్నట్లు ప్రచారం జరుగుతోంది. ఇదే నిజం అయితే ధనుష్ అభిమానులకు ఖుషీనే అని ప్రత్యేకంగా చెప్పాల్సిన అవసరం లేదు.
పదేళ్ల విరామానికి అసలు కారణం ఏంటి?
కొత్త సినిమా: అభిమానులకు ఖుషీనే!
ధనుష్, అనిరుధ్ల కలయిక కోసం ఎదురుచూస్తున్న అభిమానులకు ఇది శుభవార్త. పదేళ్ల విరామం తర్వాత వారి మ్యాజిక్ మళ్లీ తెరపైకి రాబోతోంది. ఈ సినిమాతో మరోసారి సంచలనం సృష్టించడం ఖాయం.
