హాలీవుడ్ సూపర్ హీరో సినిమా ‘సూపర్ మ్యాన్’ లోని కొన్ని ముఖ్య సన్నివేశాలను సెన్సార్ బోర్డు కట్ చేసింది. ముఖ్యంగా 33 సెకన్ల ముద్దు సన్నివేశం కట్ చేయడంపై ఫ్యాన్స్ మరియు నటి శ్రేయ ధన్వంతరి తీవ్రంగా మండిపడుతున్నారు.
Key Points
సూపర్ మ్యాన్ సినిమాలోని 33 సెకన్ల ముద్దు సన్నివేశాన్ని సెన్సార్ బోర్డు కట్ చేసింది.
నటి శ్రేయ ధన్వంతరి సెన్సార్ బోర్డు నిర్ణయంపై తీవ్ర అసంతృప్తి వ్యక్తం చేసింది.
ఫ్యాన్స్ సెన్సార్ బోర్డు నిర్ణయంపై తమ ఆగ్రహాన్ని సోషల్ మీడియాలో వ్యక్తం చేస్తున్నారు.
హాలీవుడ్ సినిమాల్లో సాధారణంగా ఉండే ముద్దు సన్నివేశాలను కట్ చేయడంపై విమర్శలు వస్తున్నాయి.
సూపర్ మ్యాన్ సినిమాలో కట్ చేసిన సీన్లు
సూపర్ మ్యాన్ సిరీస్ లో కొత్త సినిమా థియేటర్లకు వచ్చేసింది. శుక్రవారం (జూలై 11) ఈ మూవీ రిలీజ్ అయింది. ఈ హాలీవుడ్ ఫిల్మ్ ఇండియాలోనూ విడుదలైంది. కానీ ఇండియాలో రిలీజైన మూవీలో కొన్ని సీన్స్ కట్ చేశారు. ముఖ్యంగా ముద్దు సన్నివేశాలు మిస్సయ్యాయి. దీనిపై ఫ్యాన్స్ ఫైర్ అవుతున్నారు. సెన్సార్ బోర్డుపై మండిపడుతున్న వాళ్లపై నటి శ్రేయ ధన్వంతరి కూడా ఉంది.
హాలీవుడ్ సినిమా అంటే మినిమం ముద్దు సీన్స్ ఉంటాయి. మన ఫ్యాన్స్ కూడా అవి ఎక్స్ పెక్ట్ చేస్తారు. అలాంటిది సూపర్ మ్యాన్ సినిమాలో ఉన్న కిస్సింగ్ సీన్స్ ను ఇండియాలో సెంట్రల్ బోర్డ్ ఆఫ్ ఫిల్మ్ సర్టిఫికేషన్ (సిబిఎఫ్సి) కట్ చేయడంతో ఫ్యాన్స్ ఫైర్ అవుతున్నారు.
నటి శ్రేయ ధన్వంతరి స్పందన
ఈ మూవీలో ప్రధాన పాత్రధారులైన డేవిడ్ కోరెన్స్వెట్, రాచెల్ బ్రోస్నహాన్ మధ్య 33 సెకన్ల ముద్దు సీన్ ఉంది. కానీ ఇండియాలో రిలీజైన వర్షన్ లో ఈ సీన్ లేదు. ముద్దులకు సంబంధించిన రెండు విజువల్స్ లేవు. ఇందులో ఒకటి హీరో, హీరోయిన్ ఫస్ట్ టైమ్ కలుసుకున్నప్పుడు సినిమా ప్రారంభంలో ఉంటుంది. ఇంకోటి ట్రైలర్ లో కనిపించిన సూపర్ మ్యాన్, లూయిస్ గాల్లో తేలియాడుతూ ముద్దు పెట్టుకుంటున్న షాట్ ను దాదాపు పూర్తిగా కట్ చేశారు.
సూపర్ మ్యాన్ సినిమాలో ముద్దు సీన్లను సిబిఎఫ్సి కట్ చేయడంపై విమర్శలు వస్తున్నాయి. మరి హౌస్ ఫుల్ 5 హిందీ సినిమాలో డబుల్ మీనింగ్ జోక్స్ ను ఎందుకు కట్ చేయలేదని సెన్సార్ బోర్డు ను ప్రశ్నిస్తున్నారు ఫ్యాన్స్. రెండు గంటల నిడివి ఉన్న సూపర్ మ్యాన్ చిత్రం గన్ రీబూట్ ఆఫ్ ది డిసి యూనివర్స్ గా, డేవిడ్ కోరెన్స్వెట్ ను సూపర్ మ్యాన్ గా పరిచయం చేసింది. అంతకంటే ముందు బ్రాడ్ పిట్ నటించిన ఎఫ్ 1 చిత్రంలో మిడిల్ ఫింగర్ ఎమోజీని పిడికిలి ఎమోజీగా మార్చినందుకూ సిబిఎఫ్సిపై విమర్శలు వచ్చిన సంగతి తెలిసిందే.
ఫ్యాన్స్ తీవ్ర నిరసన
సూపర్ మ్యాన్ సినిమాలో ముద్దు సీన్లు కట్ చేయడంపై నటి శ్రేయ ధన్వంతరి ఫైర్ అయింది. ఎక్స్ తో తన ఆగ్రహాన్ని వ్యక్తం చేసింది. “ఒకవేళ ఇది నిజమైతే.. ఇది కచ్చితంగా అపహాస్యమే! ఇలాంటి అపహాస్యాలు ప్రతి రోజు జరుగుతాయి. ఖచ్చితంగా ఇది మన వర్రీస్ లో తక్కువ ప్రాధాన్యత ఉన్నదే. కానీ మరేదైనా జరిగిందా? ప్రతి రోజూ ఏదో ఒక చెత్త ఉంటుంది. ప్రతి పాపం రోజు’’ అని శ్రేయ రాసుకొచ్చింది.
కిస్సింగ్ సీన్ల కట్ పై ఫ్యాన్స్ రియాక్షన్ కూడా వైరల్ గా మారింది. ‘‘సూపర్ మ్యాన్ కూడా ఈ సంస్కారీ సిబిఎఫ్ సిని ఓడించలేడు’’ అని ఒకరు రాశారు. మరొకరు.. ‘ఇది కేవలం ముద్దు మాత్రమే. ఒకరి బట్టలు మరొకరు విప్పుకున్నట్లు కాదు. సీబీఎఫ్ సీ అనేది పూర్తి జోక్. నేను గత వారం ఎఫ్ 1 చూశా. వారు మధ్య వేలిని సెన్సార్ చేశారు’’ అని చెప్పారు. ముద్దు సన్నివేశాన్ని కొన్ని సెకన్ల పాటు తీసివేయడం ద్వారా సెన్సార్ బోర్డు సభ్యులు శాడిస్టిక్ ఆనందాన్ని పొందుతారో తెలియదని ఓ యూజర్ ట్వీట్ చేశారు.
చివరగా, సూపర్ మ్యాన్ సినిమాలోని ముద్దు సన్నివేశాలను కట్ చేయడంపై వివాదం రేగుతోంది. సెన్సార్ బోర్డు నిర్ణయంపై ఫ్యాన్స్ మరియు నటీనటులు తీవ్రంగా స్పందిస్తున్నారు.
