📌 Key Points
- సూపర్ స్టార్ మనవడి గ్రాండ్ ఎంట్రీ.. ‘శ్రీనివాస మంగాపురం’ టైటిల్తో జయకృష్ణ ఘట్టమనేని డెబ్యూ!
- RX100 ఫేమ్ అజయ్ భూపతి దర్శకత్వంలో జయకృష్ణ.. బాలీవుడ్ బ్యూటీ రాషా తడాని హీరోయిన్!
- మహేష్ బాబు చేతుల మీదుగా ఫస్ట్ లుక్ విడుదల.. సోషల్ మీడియాలో రికార్డు స్థాయిలో వైరల్!
- పవర్ ఫుల్ లుక్తో అదరగొట్టిన జయకృష్ణ.. నెటిజన్లు ఫిదా.. మాస్ ఎంట్రీ అంటూ కామెంట్స్!
టాలీవుడ్లో మరో సంచలనం! సూపర్ స్టార్ కృష్ణ గారి మనవడు జయకృష్ణ ఘట్టమనేని హీరోగా ఎంట్రీ ఇస్తున్నాడు. ఇప్పటికే విడుదలైన ఫస్ట్ లుక్ పోస్టర్తో సినిమాపై భారీ అంచనాలు నెలకొన్నాయి. అభిమానుల్లో విపరీతమైన క్యూరియాసిటీ నెలకొంది.
ఘట్టమనేని వారసుడు.. గ్రాండ్ ఎంట్రీ!
ఘట్టమనేని కుటుంబం నుంచి మరో యంగ్ హీరో టాలీవుడ్ ఎంట్రీ ఇస్తున్నాడు. సూపర్ స్టార్ కృష్ణ మనవడు, దివంగత నటుడు రమేష్ బాబు కుమారుడు జయకృష్ణ ఘట్టమనేని (Jayakrishna Ghattamaneni)హీరోగా అరంగేట్రం చేయనున్న విషయం ఇప్పటికే అధికారికంగా వెల్లడై మంచి బజ్ క్రియేట్ చేసింది. స్టార్ బ్యాక్గ్రౌండ్తో పాటు ఫ్రెష్ లుక్తో ఇండస్ట్రీలోకి వస్తుండటంతో జయకృష్ణపై మొదటి నుంచే అంచనాలు భారీగా ఉన్నాయి. జయకృష్ణ డెబ్యూ మూవీకి ‘RX100’ ఫేమ్ అజయ్ భూపతి దర్శకత్వం వహిస్తుండటం సినిమాపై ఆసక్తిని మరింత పెంచింది.
RX100 డైరెక్టర్తో జయకృష్ణ మూవీ!
ఇక ఈ చిత్రంలో బాలీవుడ్ స్టార్ నటి రవీనా టాండన్ కూతురు రాషా తడాని(Rasha Tadani) హీరోయిన్గా నటిస్తుండటం కూడా ప్రత్యేక ఆకర్షణగా మారింది. అశ్వనీదత్ సమర్పణలో కిరణ్ నిర్మిస్తున్న ఈ చిత్రానికి ‘శ్రీనివాస మంగాపురం’ అనే పవర్ఫుల్ టైటిల్ ఫిక్స్ చేశారు. ఇప్పటికే షూటింగ్ శరవేగంగా సాగుతుండగా, విడుదల చేసిన ఒక్క టైటిల్ పోస్టర్తోనే మేకర్స్ సినిమాపై భారీ అంచనాలు క్రియేట్ చేశారు. అప్పటి నుంచి ఎప్పటికప్పుడు అప్డేట్స్ ఇస్తూ ప్రేక్షకుల ఆసక్తిని పెంచుతున్నారు.
మహేష్ బాబు రిలీజ్ చేసిన ఫస్ట్ లుక్!
ఈ నేపథ్యంలో, తాజాగా.. ఈ మూవీ ఫస్ట్ లుక్ పోస్టర్ను సూపర్ స్టార్ చేతుల మీదుగా లాంచ్ చేయించడం సినిమాకు మరింత క్రేజ్ తెచ్చింది. మహేష్ బాబు స్వయంగా జయకృష్ణ ఫస్ట్ లుక్ను తన సోషల్ మీడియా ఖాతా ద్వారా షేర్ చేయడంతో భారీ హైప్ క్రియేట్ అయింది. ఫస్ట్ లుక్లో జయకృష్ణ బైక్పై దూసుకెళ్తూ, సైడ్కు వంగి శత్రువులకు గన్ గురిపెట్టి పవర్ఫుల్ లుక్లో కనిపించాడు. బైక్ కింద మట్టి ఎగిరిపడుతున్న విజువల్స్తో పోస్టర్ మొత్తం ఇంటెన్సిటీతో నిండిపోయింది. ప్రస్తుతం ఈ ఫస్ట్ లుక్ సోషల్ మీడియాలో విపరీతంగా వైరల్ అవుతుండగా, నెటిజన్లు “మాస్ ఎంట్రీ”, “పవర్ఫుల్ డెబ్యూ” అంటూ కామెంట్స్ పెడుతున్నారు.
జయకృష్ణ ఫస్ట్ లుక్ పోస్టర్తో సినిమాపై అంచనాలు భారీగా పెరిగాయి. ఈ సినిమా ఎలాంటి సంచలనాలు సృష్టిస్తుందో చూడాలి. మరిన్ని అప్డేట్స్ కోసం చూస్తూ ఉండండి.
