📌 Key Points
- సూపర్ స్టార్ కృష్ణ ‘అమ్మ దొంగ’ మూవీ.. బాక్సాఫీస్ వద్ద భారీ విజయం, కలెక్షన్ల వర్షం కురిపించింది!
- వెంకటేష్ ‘పోకిరి రాజా’ చిత్రం కృష్ణ సినిమాకు పోటీగా వచ్చి డిజాస్టర్గా మిగిలింది.. అభిమానులకు నిరాశ!
- ‘మిస్ 420’ మూవీలో అశ్వినీ నాచప్ప, రాజ్ కుమార్ జంటగా నటించారు.. ప్రేక్షకులను ఆకట్టుకోలేకపోయింది.
- 1995 సంక్రాంతికి ‘అమ్మ దొంగ’ మూవీ విడుదలైంది.. కోటి సంగీతం అందించారు, ఇది ఆయనకు మొదటి చిత్రం!
సూపర్ స్టార్ కృష్ణ నటించిన ‘అమ్మ దొంగ’ సినిమా సంక్రాంతికి విడుదలై బాక్సాఫీస్ను షేక్ చేసింది. ఈ మూవీ వెంకటేష్, రోజా వంటి స్టార్ హీరోల సినిమాలకు గట్టి పోటీ ఇచ్చింది. దీని గురించి మరిన్ని వివరాలు తెలుసుకుందాం!
కృష్ణ ‘అమ్మ దొంగ’: సంక్రాంతి బ్లాక్ బస్టర్
అప్పట్లో సూపర్ స్టార్ కృష్ణ ఎన్టీఆర్ తర్వాత అంతటి మాస్ ఫాలోయింగ్ ఉన్న హీరో. చాలా ఏళ్ల పాటు రామారావుకి పోటీ ఇచ్చారు. మాస్ కమర్షియల్ చిత్రాలతో బాక్సాఫీసుని పరుగులు పెట్టించారు. అయితే ఆయన సినిమాలు సంక్రాంతికి చాలానే విడుదలయ్యాయి. కానీ సక్సెస్ అయిన మూవీస్ చాలా తక్కువ. అలా సంక్రాంతి పోటీలో దిగి దుమ్మురేపిన మూవీస్లో `అమ్మ దొంగ` ఒకటి. ఈ మూవీకి పోటీగా విడుదలైన వెంకటేష్, శోభన్ బాబు, అశ్వినీ నాచప్ప చిత్రాలు అడ్రస్ లేకుండా పోయాయి. అవేంటో తెలుసుకుందాం.
కృష్ణ ఘట్టమనేని హీరోగా 1995లో సంక్రాంతికి విడుదలైన మూవీ `అమ్మ దొంగ`. దీనికి సాగర్ దర్శకత్వం వహించారు. ఇందులో సూపర్ స్టార్కి జోడీగా సౌందర్య, ఆమని, ఇంద్రజ హీరోయిన్లుగా నటించారు. మౌళి క్రియేషన్స్ పతాకంపై సిహెచ్ సుధాకర్ బాబు, భారతీదేవి మౌళి నిర్మించారు. 1995 జనవరి 12న ఈ చిత్రం విడుదలైంది. కోటి ఈ మూవీకి సంగీతం అందించడం విశేషం. రాజ్ కోటి ద్వయం నుంచి విడిపోయి కోటి సంగీతం అందించిన తొలి చిత్రం ఇదే కావడం విశేషం. సంక్రాంతి బరిలో దిగిన ఈ మూవీ సంచలన విజయాన్ని సాధించింది. కృష్ణ అంతకు ముందు సాగర్ దర్శకత్వంలో `నంబర్ వన్` మూవీతో బ్లాక్ బస్టర్ అందుకున్నారు. ఆ తర్వాత నటించిన ఐదు సినిమాలు బ్యాక్ టూ బ్యాక్ పరాజయం చెందాయి. దీంతో మరోసారి సాగర్తో కలిసి ఈ మూవీ చేశారు. ఇది బాక్సాఫీసుని షేక్ చేసి కృష్ణని గట్టెక్కించింది. దీనికి పోటీగా వచ్చిన చిత్రాలను చిత్తు చేసింది.
వెంకటేష్ ‘పోకిరి రాజా’ ఫ్లాప్ కారణాలు?
కృష్ణ `అమ్మ దొంగ` మూవీకి పోటీగా వచ్చి చిత్తైన సినిమాల్లో వెంకటేష్ నటించిన `పోకిరీ రాజా` ప్రధానంగా ఉంది. ఏ కోదండరామిరెడ్డి దర్శకత్వంలో ఈ మూవీ రూపొందింది. యాక్షన్ ప్రధానంగా తెరకెక్కిన ఈ చిత్రంలో రోజా హీరోయిన్. సంక్రాంతికి కానుకగా జనవరి 12నే ఇది కూడా రిలీజ్ అయ్యింది. ఓ రకంగా కృష్ణ `అమ్మ దొంగ`కి పోటీగా వచ్చింది. కానీ బాక్సాఫీసు వద్ద డిజాస్టర్ గా నలిచింది. దీనికి రాజ్ కోటి సంగీతం అందించడం విశేషం. ఈ మూవీ కంటే ముందే వెంకీకి `ముద్దుల ప్రియుడు` డిజప్పాయింట్ చేసింది. `పోకిరా రాజా`తో ఎలాగైనా హిట్ కొట్టాలనుకున్నారు. కానీ ఫలితం తేడా కొట్టింది. కోలుకోలేని దెబ్బ కొట్టిందని చెప్పొచ్చు.
ఇక సంక్రాంతి బరిలో కృష్ణ `అమ్మ దొంగ`తో పోటీ పడ్డ మరో మూవీ `మిస్ 420`. మౌళి దర్శకత్వంలో రూపొందిన ఈ మూవీలో అశ్వినీ నాచప్ప, రాజ్ కుమార్ జంటగా నటించారు. మౌళి దర్శకుడు. ఈ యాక్షన్ ఎమోషనల్ ఫిల్మ్ కూడా అదే రోజు వచ్చింది. ఏమాత్రం ఆకట్టుకోలేకపోయింది.
‘మిస్ 420’ మూవీ ఫలితం ఎలా ఉంది?
వీటితోపాటు సోగ్గాడు శోభన్ బాబుని కూడా కృష్ణ `అమ్మ దొంగ` దెబ్బ కొట్టింది. సోగ్గాడు నటించిన `ఆస్తి మూరెడు ఆశ బారెడు` చిత్రం రిపబ్లిక్ డే సందర్భంగా జనవరి 26న విడుదలైంది. ఇందులో శోభన్ బాబు, జయసుధ జంటగా నటించారు. దర్శకుడు కోడి రామకృష్ణ దర్శకత్వం వహిస్తూ ముఖ్య పాత్ర పోషించారు. యాక్షన్, ఫ్యామిలీ ఎంటర్ టైనర్ గా ఇది రూపొంది బాక్సాఫీసు వద్ద ఆశించిన ఫలితాన్ని రాబట్టలేకపోయింది. అప్పటికే థియేటర్లలో కృష్ణ `అమ్మ దొంగ` రన్ అవుతుండటంతో ఆ ప్రభావం ఈ మూవీపై పడింది. ఇలా `అమ్మ దొంగ` కారణంగా అప్పటికే ఫ్లాప్లో ఉన్న వెంకటేష్, సోగ్గాడికి మరో దెబ్బ పడిందని చెప్పొచ్చు.
సూపర్ స్టార్ కృష్ణ ‘అమ్మ దొంగ’ సినిమా గురించి మరిన్ని అప్డేట్స్ కోసం చూస్తూ ఉండండి. ఈ మూవీ టాలీవుడ్లో ఒక సంచలనం సృష్టించింది. మరిన్ని విశేషాలతో మళ్ళీ కలుద్దాం.
