📌 Key Points
- తమిళనాడు ఎన్నికల్లో టీవీకే పార్టీకి ఎదురుదెబ్బ
- ఎడప్పాడిలో టీవీకే అభ్యర్థుల నామినేషన్లను తిరస్కరించిన ఎన్నికల సంఘం
- సంతకాల కొరత కారణంగా నామినేషన్ల తిరస్కరణ
- తొలి ప్రయత్నంలోనే టీవీకేకు నిరాశ
తలపతి విజయ్ నేతృత్వంలోని తమిళగ వెట్రి కళగం పార్టీకి ఊహించని ఎదురుదెబ్బ తగిలింది. అసెంబ్లీ ఎన్నికల బరిలో నిలవకముందే, సాంకేతిక కారణాల వల్ల ఒక స్థానాన్ని కోల్పోయింది. ఈ ఘటన రాజకీయ వర్గాల్లో చర్చనీయాంశంగా మారింది.
టీవీకేకు ఎన్నికల సంఘం షాక్
పొలిటికల్ ఎంట్రీ ఇచ్చిన తలపతి విజయ్ (Thapathy Vijay) నేతృత్వంలోని తమిళగ వెట్రి కళగం (TVK) పార్టీకి ఎదురుదెబ్బ తగిలింది. అసెంబ్లీ ఎన్నికల పోరులో మొదటి అడుగులోనే సాంకేతిక కారణాలతో ఓ నియోజకవర్గంలో ఆ పార్టీ పోటీకి దూరమైంది. కీలకమైన ఎడప్పాడి నియోజకవర్గంలో టీవీకే అభ్యర్థుల నామినేషన్లను ఎన్నికల సంఘం (EC) తిరస్కరించింది. వివరాల్లోకి వెళితే.. ఎడప్పాడి (Edappadi) నియోజకవర్గం నుంచి టీవీకే తరపున అరుణ్కుమార్ ప్రధాన అభ్యర్థిగా నామినేషన్ దాఖలు చేశారు. అయితే, ఎన్నికల నిబంధనల ప్రకారం గుర్తింపు పొందని రాజకీయ పార్టీల అభ్యర్థులకు కనీసం 10 మంది ప్రతిపాదకుల (Proposers) సంతకాలు అవసరం. కానీ, అరుణ్కుమార్ సమర్పించిన నామినేషన్ పత్రాల్లో కేవలం 8 మంది సంతకాలు మాత్రమే ఉండటంతో అధికారులు దానిని తిరస్కరించారు.
ప్రధాన అభ్యర్థి నామినేషన్ రద్దయితే ఇబ్బంది కలగకుండా నిత్య అనే వ్యక్తిని ప్రత్యామ్నాయ (Substitute) అభ్యర్థిగా పార్టీ బరిలోకి దింపింది. దురదృష్టవశాత్తూ ఆమె నామినేషన్లో కూడా కేవలం 7 సంతకాలు మాత్రమే ఉండటంతో, ఆ నామినేషన్ను కూడా ఈసీ రద్దు చేసింది. దీంతో ఎన్నికల ముందే టీవీకే ఒక స్థానాన్ని కోల్పోయినట్లయింది. తొలిసారి ఎన్నికల బరిలోకి దిగుతున్న సమయంలో ఇలాంటి చిన్నపాటి సాంకేతిక పొరపాట్ల వల్ల సీటు కోల్పోవడం విజయ్ అభిమానులను, పార్టీ శ్రేణులను తీవ్ర నిరాశకు గురిచేసింది. అభ్యర్థుల ఎంపిక, నామినేషన్ ప్రక్రియలో తగిన జాగ్రత్తలు తీసుకోకపోవడమే దీనికి కారణమని పలువురు చర్చించుకుంటున్నారు.
నామినేషన్ల తిరస్కరణకు కారణం ఇదే
విజయ్ అభిమానుల్లో నిరాశ
తొలిసారి ఎన్నికల బరిలోకి దిగుతున్న టీవీకేకు ఇది గట్టి ఎదురుదెబ్బ. సాంకేతిక లోపాల కారణంగా సీటు కోల్పోవడం పార్టీ భవిష్యత్తుపై ప్రభావం చూపే అవకాశం ఉంది.
