తెలంగాణ ఇంటర్ ఫలితాల విడుదల ఎప్పుడో తెలుసా? విద్యార్థులకు గుడ్ న్యూస్!

Published: 16-03-2026, 6:35 AM

📌 Key Points

తెలంగాణ ఇంటర్ ఫలితాలు ఏప్రిల్ 5 లేదా 6 తేదీల్లో విడుదలయ్యే అవకాశం ఉంది.
9 లక్షలకు పైగా విద్యార్థులు ఇంటర్ పరీక్షలకు హాజరయ్యారు.
జవాబు పత్రాల మూల్యాంకనం మూడు విడతల్లో జరుగుతుంది.
ఫలితాలు https://www.tgbie.in/index.html వెబ్‌సైట్‌లో అందుబాటులో ఉంటాయి.

తెలంగాణ ఇంటర్ పరీక్షలు ముగియడంతో, విద్యార్థులు ఫలితాల కోసం ఆసక్తిగా ఎదురుచూస్తున్నారు. మొత్తం 9 లక్షల మంది విద్యార్థులు పరీక్షలు రాశారు. ఫలితాలు ఏప్రిల్ మొదటి వారంలో విడుదలయ్యే అవకాశం ఉంది.

ఫలితాల వెల్లడి తేదీ ఎప్పుడు?

ఇంటర్మీడియట్ పరీక్షలు ముగిసిన సంగతి తెలిసిందే. ఫస్ట్ ఇయర్, సెకండ్ ఇయర్ విద్యార్థులు కలిపి 9 లక్షలకుపైగా విద్యార్థులు ఎగ్జామ్స్ కు హాజరయ్యారు. మొదటి సంవత్సరానికి సంబంధించి 4 లక్షల మంది, రెండో సంవత్సరానికి సంబంధించి 5 లక్షల మంది విద్యార్థులు ఉన్నారు. వీరంతా ప్రస్తుతం ఫలితాల కోసం ఎదురుచూస్తున్నారు.

ప్రస్తుతం తెలంగాణ ఇంటర్ జవాబు పత్రాల స్పాట్ వాల్యూయేషన్ ప్రక్రియ కొనసాగుతోంది. ఇప్పటికే సంస్కృతం సబ్జెక్ట్ పేపర్ల మూల్యాంకనం పూర్తి అయింది. ఇక మిగిలిన పేపర్లను 3 విడతల్లో పూర్తి చేయాలని ఇంటర్ బోర్డు ఇప్పటికే నిర్ణయించింది. మొదటి విడత మార్చి 15వ తేదీన ప్రారంభమైంది. రెండో విడత మార్చి 18వ తేదీన, మార్చి 20వ తేదీ నుంచి మూడో విడత ప్రారంభమవుతుంది.

ఇంటర్ స్పాట్ వాల్యూయేషన్ లో ఎలాంటి తప్పులకు అవకాశం లేకుండా ఇంటర్ బోర్డు పకడ్బందీ చర్యలు చేపట్టింది. పేపర్ వాల్యూయేషన్ తర్వాత సబ్జెక్ట్ ఎక్స్ పర్ట్ పరిశీలిస్తారు. ఆపై చీఫ్ ఎగ్జామినర్, అసిస్టెంట్ ఎగ్జామినర్, స్క్రూటినైజర్ దశలుంటాయి. ఈ ప్రక్రియ కూడా మార్చి 21వ తేదీలోపు పూర్తయ్యేలా ఇంటర్ బోర్డు కార్యాచరణను సిద్ధం చేసింది.

జవాబు పత్రాల మూల్యాంకనం ఎలా జరుగుతుంది?

ఇంటర్ జవాబు పత్రాల మూల్యాంకనం పూర్తి కాగానే…. సాంకేతిక అంశాలను పరిశీలిస్తారు. మార్కుల నమోదుతో పాటు ఇతర విషయాల్లో తగిన జాగ్రత్తలు తీసుకుంటారు. ఈ ప్రక్రియను మార్చి 31వ తేదీ నాటికి పూర్తవుతుందని తెలుస్తోంది. ఆ తర్వాత ఫలితాల ప్రాసెసింగ్‌కు టైమ్ తీసుకుంటారు. ప్రభుత్వ అనుమతి తీసుకొని ఫలితాల విడుదల కోసం ఓ తేదీని ఖరారు చేస్తారు.

ప్రాథమిక సమాచారం ప్రకారం…. ఈ ఏడాది ఇంటర్ ఫలితాలు ఏప్రిల్ 5 లేదా 6వ తేదీన విడుదల చేసే అవకాశం ఉంది. మొత్తంగా మొదటి వారంలోనే ఫలితాలు రావొచ్చని సమాచారం. ఒకే రోజు ఫస్ట్ ఇయర్ తో పాటు సెకండియర్ ఫలితాలు అందుబాటులోకి వస్తాయి.